Аҳоли мурожаатлари — эътибор ва назоратда

Қува тумани ҳокими Халимжон Умаров жисмоний ва юридик шахсларнинг мурожаатларини ўрганиш, аҳоли муаммоларини жойида аниқлаш ҳамда уларни ҳал этиш чораларини кўриш мақсадида Каттақишлоқ маҳалла фуқаролар йиғинида сайёр қабул ўтказди.

Сайёр қабул давомида маҳалла аҳолиси ўзларини қийнаётган ижтимоий, иқтисодий ва маиший масалалар юзасидан мурожаатларини билдирди. Ҳар бир мурожаат тингланиб, кўтарилган масалаларнинг ечимини топиш бўйича масъул раҳбар ва ташкилотларга тегишли топшириқлар берилди.

Қабул жараёнида айрим масалаларни жойида ҳал этиш имкониятлари кўриб чиқилган бўлса, қўшимча ўрганиш ва маълум муддат талаб этадиган мурожаатлар масъулларга бириктирилиб, уларнинг ижросини назоратга олиш вазифаси белгиланди.

Туман ҳокими аҳоли билан мулоқот жараёнида мурожаатларни фақат қабул қилиш эмас, балки уларнинг амалий ечимини таъминлаш, ҳар бир масала бўйича аниқ натижага эришиш муҳимлигини таъкидлади.

Сайёр қабулларда билдирилган мурожаатлар ва берилган топшириқларнинг ижроси масъул раҳбарлар томонидан назорат қилиб борилади.

Қува туманида аҳоли билан очиқ мулоқот, мурожаатларни жойида ўрганиш ва муаммоларни манзилли ҳал этиш ишлари изчил давом эттирилмоқда.

🔔Bizni ijtimoiy tarmoqlarda kuzating:
Telegram| Facebook | Instagram | Youtube | quva.uz