MAKTABGACHA TA’LIM TASHKILOTIDA KAPITAL TA’MIRLASH ISHLARI DEPUTATLAR NAZORATIDA

#Deputatlik_nazorati
#VMQ_300_son_qarori
#Yoshlar_Maslahat_guruhi

 
🔵 Xalq deputatlari Quva tuman Kengashi deputatlari Й.Ахмадалийев D.Sodiqova, Kengash huzuridagi Yoshlar maslahat guruhi a’zosi J.Abdurashidov hamda kotibiyat bosh mutaxassisi M.To‘xtasinov ishtirokida O‘zbekiston Respublikasi Vazirlar Mahkamasining 2025-yil 7-maydagi 300-son "Energiya samaradorligini oshirishga qaratilgan loyihalarni jadallashtirish chora-tadbirlari to‘g‘risida"gi qarori ijrosi doirasida Quva tumanidagi 32-son maktabgacha ta’lim tashkilotida amalga oshirilayotgan kapital ta’mirlash ishlari joyida o‘rganildi.
 
▫️ Mazkur loyihaning umumiy qiymati 7 mlrd 200 mln 511 ming so‘mni tashkil etib, qurilish-montaj ishlari "FERGANA AVTOMAT RASCHOT" MChJ tomonidan olib borilmoqda.
 
🔵 O‘rganishlar davomida qurilish ishlarining tasdiqlangan loyiha-smeta hujjatlariga muvofiqligi, bajarilayotgan ishlar sifati, qurilish materiallarining me’yorlarga mosligi, ob’ektda energiya tejovchi texnologiyalarni joriy etish holati, ishlarning belgilangan muddatlarda amalga oshirilishi hamda qurilish maydonida mehnat muhofazasi va texnika xavfsizligi talablariga rioya etilishi ko‘zdan kechirildi.
 
♾ Shuningdek, mas’ullar bilan muloqot o‘tkazilib, aniqlangan kamchiliklarni o‘z vaqtida bartaraf etish, qurilish ishlarining sifatini ta’minlash hamda ob’ektni belgilangan muddatda foydalanishga topshirish yuzasidan tegishli tavsiya va takliflar berildi.
 
✅ O‘rganish yakunida aniqlangan masalalar deputatlik nazoratiga olinib, qurilish ishlarining borishi yuzasidan muntazam monitoring olib borilishi ta’kidlandi.

🌐 Instagram|  ✅ Telegram |✅ Facebook| 📹 Youtube 🦅 E-Kengash