Tijorat banklari, lizing kompaniyalari va mikromoliya tashkilotlariga joylashtirilgan resurslar hisobidan 20 mlrd so‘mgacha kreditlarni 7 yilgacha muddatga ajratish.

Kichik tadbirkorlar uchun tijorat banklari tomonidan ajratiladigan kredit foizining 5,6 foizgacha bo‘lgan qismini qoplab berish.

Tijorat banklari va mikromoliya tashkilotlari tomonidan kichik tadbirkorlarga ajratiladigan garovsiz mikrokreditlarning 200 mln so‘mgacha bo‘lgan qismini qayta moliyalashtirish.

Tadbirkor kredit rasmiylashtirayotganda garov taqchilligi yuzaga kelsa, 20 mlrd so‘mgacha kafolat berish.

Tadbirkorning loyihalarini amalga oshirishda 5 mlrd so‘mgacha bino-inshoot va uskunalar sotib olib, uni tadbirkorga taqdim etish orqali kapitalga foizlarsiz ulush kiritish.

20 mlrd so‘mgacha bo‘lgan bino-inshoot va uskunalarni xizmatlar ipotekasi (lizing) orqali yillik 18 foizdan boshlab ustama yoki bo‘lib to‘lash sharti bilan garov taʼminotisiz tadbirkorga taqdim etish.

Xizmat ko‘rsatish va ishlab chiqarish loyihalarini amalga oshirishga 20 mlrd so‘mgacha xizmatlar ipotekasi (qarz) moliyaviy yordamlarini imtiyozli stavkada ajratish.

Har qanday tadbirkorlik maqsadlari uchun yillik 21 foiz ustama bilan 3 yilgacha muddatga 5 mlrd so‘mgacha miqdorda qarz ajratish.

Islom moliya tamoyillariga asosan 500 ming AQSh dollarigacha tovarlarni xarid qilib, uni kelishilgan ustama bilan muddatli to‘lov asosida taqdim etish.

Islom moliya tamoyillariga asosan 500 ming AQSh dollarigacha zarur uskuna yoki mol-mulk ijara asosida taklif etish, shuningdek, kelgusida uni sotib olish imkoniyatini ham taqdim etish.

Har yili 100 nafar tadbirkorlik subyektiga faoliyatini raqamlashtirish, xalqaro standartlarni va yashil texnologiyalarni joriy etish bilan bog’liq xarajatlari uchun 300 million so’mgacha grant ajratish.