MANZILLI DASTUR DOIRASIDA YO‘L QURILISH ISHLARI O‘RGANILDI

#24_ta_masala

 
🔵 Xalq deputatlari Quva tuman Kengashi deputatlari M.Akramov, G.O‘ktamova, D.Sodiqova hamda kotibiyat bosh mutaxassisi M.To‘xtasinov tomonidan O‘zbekiston Respublikasi Prezidentining 2026-yil 5-fevraldagi PQ-49-son qarori ijrosi doirasida Taxtako‘prik mahalla fuqarolar yig‘inida amalga oshirilayotgan ishlar o‘rganildi.
 
🔵 O‘rganish davomida mahallaning A.Yassaviy ko‘chasida “IMKON YO‘L QURILISH TA’MIR” MChJ tomonidan 1 kilometr 100 metr uzunlikdagi, 14 metr kenglikdagi yo‘lga asfalt qoplamasi yotqizish ishlari holati, bajarilish sifati hamda belgilangan talablarga muvofiqligi o‘rganildi.
 
▫️ Shuningdek, yo‘l qurilishi ishlarining belgilangan muddatlarda va sifat talablariga rioya etgan holda amalga oshirilishiga alohida e’tibor qaratildi.
 
✅ O‘rganish yakunida mas’ullarga ishlarni sifat talablariga muvofiq davom ettirish va belgilangan muddatlarda yakunlash yuzasidan tegishli tavsiya va ko‘rsatmalar berildi.

🌐 Instagram|  ✅ Telegram |✅ Facebook| 📹 Youtube 🦅 E-Kengash

Янги боғча — болажонлар қувончи
 
Қува туманидаги 26-Давлат мактабгача таълим ташкилотининг янгидан қуриб битказилган замонавий биноси тантанали равишда фойдаланишга топширилди.
 
Очилиш маросимида туман ҳокими Халимжон Умаров, вилоят мактабгача ва мактаб таълими бошқармаси бошлиғи Шерзодбек Долимов, соҳа фидоийлари, жамоатчилик вакиллари ҳамда нуронийлар иштирок этдилар.
 
Жами 5,2 миллиард сўм маблағ эвазига барпо этилган мазкур замонавий таълим маскани болажонлар учун муносиб шарт-шароит ва кенг имкониятлар яратади.

🔔Bizni ijtimoiy tarmoqlarda kuzating:
Telegram| Facebook | Instagram | Youtube | X

Қува туманида амалий семинар ўтказилди
 
Қува туманида қишлоқ хўжалиги соҳасида мавжуд имкониятлардан самарали фойдаланиш, мавсумий агротехник тадбирларни ўз вақтида ва сифатли ташкил этиш ҳамда фермер хўжаликларида юқори ҳосилдорликка эришиш мақсадида изчил ишлар амалга оширилмоқда.
 
Шу муносабат билан Навоий ММТП ҳудудида 2026 йил ҳосили учун пахта йиғим-теримига пухта тайёргарлик кўриш, 2027 йил ҳосили учун дон экишга ер тайёрлаш ва дон экиш ишларини уюшқоқлик билан ташкил этиш, минерал ўғитлар жамғариш, шунингдек, фермер хўжаликларининг бўш ер майдонларидан самарали фойдаланиш масалаларига бағишланган амалий семинар ўтказилди.
 
Семинарда Қува тумани ҳокими Халимжон Умаров, нуронийлар, қишлоқ хўжалиги тизими ташкилотлари вакиллари, фермер хўжаликлари раҳбарлари ҳамда соҳа мутахассислари иштирок этдилар.
 
Тадбир давомида фермер хўжаликларидаги бўш ер майдонларидан унумли фойдаланиш, дуга остига помидор, бодринг ва тўқсонбости экинларини экиш орқали қўшимча даромад манбаларини яратиш бўйича амалий тавсия ва маслаҳатлар берилди.
 
Шунингдек, Ўзбекистон Республикаси Президентининг ПҚ-322-сон қарори ижросини таъминлаш мақсадида чорвачилик комплексларини қуриш ишларини жадаллаштириш, замонавий чорвачилик лойиҳаларини амалга ошириш, наслдорликни яхшилаш ва соҳани янада ривожлантириш бўйича муҳим вазифалар белгилаб берилди.
 
Семинарда мавсум олдидан ҳар бир агротехник тадбирни аниқ режа асосида ташкил этиш, пахта ҳосилини нес-нобуд қилмасдан йиғиб олиш, кузги буғдой экиш ишларини агротехник муддатларда якунлаш ҳамда ер ва сув ресурсларидан оқилона фойдаланиш зарурлиги алоҳида таъкидланди.
 
Тадбир якунида нуронийлар томонидан юртимиз тинчлиги, деҳқонлар меҳнатига барака ва мўл-кўл ҳосил тилаб дуо қилинди. Шунингдек, семинар иштирокчилари учун дастурхон ёзилиб, эзгу тилаклар билдирилди.

🔔Bizni ijtimoiy tarmoqlarda kuzating:
Telegram| Facebook | Instagram | Youtube | X