Davlatimiz rahbari Koreyadagi vatandoshlar bilan suhbatlashdi.
—
Глава нашего государства побеседовал с соотечественниками в Корее.

Prezident.uz|Facebook|Instagram|YouTube|X

РАСМИЙ МУНОСАБАТ

Ижтимоий тармоқлар орқали Ўзбекистон Республикаси Олий Мажлиси Қонунчилик палатаси депутатига Фарғона вилояти Қува тумани Ўрабоши маҳалласида яшовчи фуқаролар томонидан маҳалладаги ички кўчалардан бирини асфальтлаштиришда амалий ёрдам сўраб йўлланган мурожаат юзасидан қуйидагиларни маълум қиламиз.
Мурожаатда кўрсатилган, 11 та хонадон жойлашган, узунлиги 350 метр бўлган кўчани асфальтлаштириш масаласи масъуллар томонидан ўрганилди.
Ўрганишлар давомида мазкур кўчани ободонлаштириш мақсадида маҳалла аҳолиси томонидан ташаббус кўрсатилиб, ўз маблағлари ҳисобидан кўчага шағал тўкиш ва текислаш ишлари амалга оширилгани, йўл асфальтлашга тайёр ҳолатга келтирилгани аниқланди.
Айни пайтда ер ва мол-мулк солиғидан ундирилган маблағларнинг 15 фоизи ҳисобидан маҳалла ҳисоб рақамида шакллантирилган маблағлар доирасида мазкур кўчани асфальтлаштириш бўйича тегишли ҳужжатлар расмийлаштирилган ҳамда 40 тонна асфальт-бетон қопламаси учун буюртма берилган.
Шунингдек, бугунги кунда Ўрабоши маҳалласи “Янги Ўзбекистон қиёфасидаги маҳалла” сифатида танлаб олинган бўлиб, ҳудудда комплекс ободонлаштириш ва инфратузилмани яхшилаш ишлари амалга оширилмоқда. Хусусан, ҳозирда маҳаллада ичимлик суви тармоқларини тортиш, ички ариқларни бетонлаштириш, пиёдалар йўлакларини қуриш каби ишлар олиб борилмоқда.
Мазкур ишлар тасдиқланган лойиҳа асосида амалга оширилаётганлиги сабабли, қурилиш-монтаж ва ободонлаштириш ишлари тўлиқ якунлангандан сўнг, мурожаатда кўрсатилган 350 метрлик кўча ҳам белгиланган тартибда тўлиқ асфальтлаштирилади.
Ҳозирги кунда ушбу масала масъул ташкилотлар томонидан назоратга олинган бўлиб, кўчани сифатли асфальтлаштириш ишларини ўз вақтида амалга ошириш чоралари кўрилмоқда.

Quvada anorchilik yillar davomida shakllangan tajriba va zamonaviy yondashuvlar asosida yangi bosqichga ko‘tarilmoqda.

Sohada nafaqat yetishtirish, balki mahsulotni saqlash, qayta ishlash va eksportga tayyorlashga ham alohida ahamiyat qaratilgan.

E’tiborlisi, Quva anorlari xorij bozorlarida ham o‘z xaridorlarini topmoqda. Ayniqsa, yirik hajmli anorlari bugun mashhur bo‘lmoqda.

Fergana.gov.uz|Facebook|Instagram|Youtube|X

#Axborot24

O‘zbekiston-Koreya hududlararo forumidan reportaj. Unda viloyat hokimi Xayrullo Bozorov boshchiligidagi delegatsiya ham ishtirok etdi.

mtrk.uz | Instagram | Youtube | Facebook | Telegram | X (twitter)

Milliy liboslarda aks etgan Marg‘ilondagi go‘zallik va nafosat bayrami!

Marg‘ilon bugun atlas ranglarida jilolanmoqda.

Atlas va adras ko‘ylaklardagi nafosat, milliy liboslardagi latofat, qizlarimiz chehrasidagi tabassum — barchasi bir bo‘lib, yurtimizning boy madaniyati va go‘zal an’analarini namoyon etmoqda.

Marg‘ilonda milliy liboslar jilosi, atlasning betakror ranglari va o‘zbek qizlarining latofati namoyon.

Atlas bayrami — milliy merosimiz, hunarmandchiligimiz va go‘zallikka bo‘lgan muhabbatimizni tarannum etuvchi ayyom!

Marg‘ilonda atlas — shunchaki mato emas, u avlodlardan avlodlarga o‘tib kelayotgan milliy qadriyat, san’at va shaharning o‘ziga xos timsolidir.

Fergana.gov.uz|Facebook|Instagram|Youtube|X

#Tahlilnoma

Shavkat Mirziyoyev va Li Chje Myon: 3 ta hayratlanarli o‘xshashlik

Fergana.gov.uz|Facebook|Instagram|Youtube|X

Farg‘onaga katta futbol qaytmoqda!

Bugun, 14-sentabr kuni Farg‘onaning “Neftchi” jamoasi Osiyo Chempionlar Ligasi Elit bosqichidagi ilk uchrashuvini o‘tkazadi.

Farg‘ona shahridagi “Istiqlol” stadionida vakillarimiz Iroqning “Air Force” klubini qabul qiladi.

Jamoa bahs oldidan so‘nggi rasmiy mashg‘ulotini yakunlab, muhim uchrashuvga tayyorgarlikni nihoyasiga yetkazdi.

⚽️ “Neftchi” — “Air Force”

📅 14-sentabr | 18:45

🏟 “Istiqlol” stadioni

Bu — nafaqat futbol uchrashuvi, balki Farg‘onaning Osiyo sahnasidagi muhim tarixiy kechasi.

Barcha muxlislarni jamoamizni qo‘llab-quvvatlashga chorlaymiz!

Olg‘a, “Neftchi”!
Olg‘a, Farg‘ona!

Fergana.gov.uz|Facebook|Instagram|Youtube|X

Muhtaram Yurtboshimizning g‘alla va paxta maydonlarini bog‘dorchilik, jumladan, anorchilikka ixtisoslashtirish borasidagi tashabbuslari bugun amalda o‘zining samarali natijalarini ko‘rsatmoqda. Buni Quva tumanida anor yetishtirish va eksport qilish borasida amalga oshirilayotgan ishlar misolida ham yaqqol ko‘rish mumkin.

Quva tumani ko‘chatchilik va bog‘dorchilikda katta tajribaga ega dehqonlar yurti hisoblanadi. Quvaning gilos va anori nafaqat mamlakatimizda, balki ko‘plab xorijiy davlatlarda ham o‘zining munosib brendini yaratgan.

Bugungi kunda tumanda anorchilikni rivojlantirish, yangi va eksportbop anor navlarini yetishtirishga alohida e’tibor qaratilmoqda. Ayni paytda 2500 dan ortiq aholi xonadonlari hamda 400 ga yaqin fermer xo‘jaliklari 2200 gektardan ortiq maydonda anorchilik faoliyati bilan shug‘ullanmoqda.

Viloyatdan eksport qilinayotgan anorning 90 foizga yaqin qismi aynan Quva tumani hissasiga to‘g‘ri keladi. 2025-yilda umumiy qiymati 8,1 million dollarlik 5151 tonna anor Rossiya, Qirg‘iziston, Qozog‘iston, Belarus, Latviya, BAA, Turkiya, Yaponiya, Ukraina, Buyuk Britaniya va Koreya kabi davlatlarga eksport qilingan.

Joriy yilda ham tumanda anor hosili mo‘l bo‘lib, ayni kunlarda hosilni yig‘ishtirish, saralash, qadoqlash va eksportga tayyorlash ishlari qizg‘in davom etmoqda. Dastlabki partiyadagi anorlar xorijiy bozorlarga eksport qilina boshlandi.

Anorchilikning rivojlanishi nafaqat eksport hajmining oshishiga, balki aholi bandligini ta’minlashga ham katta turtki bermoqda. Mavsumiy yig‘im-terim, saralash, qadoqlash va tashish ishlariga 300 nafarga yaqin aholi jalb etilayotgan bo‘lsa, 20 nafarga yaqin fuqaroning doimiy bandligi ta’minlanmoqda. Bu esa hududda yangi ish o‘rinlari yaratish, aholi daromadlarini oshirish bilan bir qatorda, Quva anorining ichki va tashqi bozordagi salohiyatini yanada yuksaltirishga xizmat qilmoqda.

Bu kabi imkoniyat va yaratilayotgan sharoitlar Quvada anorchilikni yanada rivojlantirish, dehqon va fermerlar daromadini oshirish, aholini ish bilan ta’minlash hamda eksport salohiyatini yuksaltirishda muhim omil bo‘lmoqda.