Туман Кенгашининг навбатдаги сессияси бўлиб ўтди

Халқ депутатлари Қува туман Кенгашининг 29-сессияси бўлиб ўтди.

Сессияда туман ҳокими, вилоят ва туман Кенгаши депутатлари, ҳоким ўринбосарлари, масъул ташкилот ва муассасалар раҳбарлари ҳамда оммавий ахборот воситалари вакиллари иштирок этди.

Йиғилишда Президент ҳужжатларида белгиланган вазифалар ижроси, “Ташаббусли бюджет”нинг 2026 йил 2-мавсуми, “Инфратузилма ва ижтимоий барқарорлик” жамғармаси маблағларидан фойдаланиш, хотин-қизлар ва ёшларни ижтимоий қўллаб-қувватлаш, уларнинг бандлигини таъминлаш ҳамда “Аёллар дафтари” ва “Ёшлар дафтари” билан ишлаш ҳолати муҳокама қилинди.

Кун тартибидаги масалалар юзасидан масъул раҳбарларнинг ҳисоботлари эшитилиб, мавжуд муаммолар ва уларни бартараф этиш чоралари белгилаб олинди.

Сессия якунида муҳокама қилинган масалалар бўйича тегишли қарорлар қабул қилиниб, масъулларга аниқ вазифалар юклатилди. Қарорлар ижроси устидан депутатлик назоратини кучайтириш белгилаб олинди.

🔔Bizni ijtimoiy tarmoqlarda kuzating:
Telegram| Facebook | Instagram | Youtube | quva.uz

Тадбиркорлар билан очиқ мулоқот ўтказилди
 
Қува тумани ҳокимлигида тадбиркорлар билан очиқ мулоқот ўтказилиб, уларни қийнаётган муаммоларни аниқлаш ва амалий ҳал этиш масалалари муҳокама қилинди.
 
Унда Камбағалликни қисқартириш ва бандлик вазири ўринбосари С. Бобоқулов, Республика бизнесни ривожлантириш банки раиси ўринбосари О. Воҳидов, Қува тумани ҳокими Х. Умаров, вилоят бошқарма ва ташкилотлари раҳбарлари ҳамда туманда фаолият юритаётган тадбиркорлар иштирок этди.
 
Очиқ мулоқот давомида тадбиркорлар ўзларини қийнаётган масалалар, мавжуд тўсиқлар ва таклифларини билдирдилар. Ҳар бир мурожаат масъуллар иштирокида ўрганилиб, уларни ҳал этиш бўйича амалий чоралар муҳокама қилинди.
 
Шунингдек, тадбиркорлик субъектларини қўллаб-қувватлаш, бизнес лойиҳаларини молиялаштириш, янги иш ўринлари яратиш ва тадбиркорлик фаолиятини кенгайтириш учун мавжуд имкониятлар юзасидан фикр алмашилди.
 
Учрашув якунида билдирилган мурожаат ва таклифларнинг ижобий ечимини таъминлаш мақсадида масъул раҳбарларга аниқ вазифалар белгилаб берилди.
 
Бундай очиқ мулоқотлар тадбиркорлар билан давлат органлари ўртасидаги ҳамкорликни янада мустаҳкамлаш, мавжуд муаммоларни жойида ҳал этиш ва туманда ишбилармонлик муҳитини яхшилашга хизмат қилади.

🔔Bizni ijtimoiy tarmoqlarda kuzating:
Telegram| Facebook | Instagram | Youtube | quva.uz