Қизил тоифадаги маҳаллада профилактик тарғибот тадбирлари ўтказилди

Қува тумани ИИБ ҳузуридаги Қўриқлаш хизмати ходимлари томонидан тумандаги қизил тоифага киритилган Толмозор маҳалласида «Профилактика куни» доирасида кенг қамровли тарғибот-тушунтириш ишлари амалга оширилди.

Тадбирлар давомида маҳалладаги ижтимоий жиҳатдан оғир тоифага кирувчи оилалар ҳолидан хабар олиниб, улар билан профилактик суҳбатлар ўтказилди. Фуқароларга жамоат хавфсизлигини таъминлаш, ҳуқуқбузарликларнинг олдини олиш ҳамда маҳаллада тинчлик ва осойишталикни сақлаш борасида тушунтиришлар берилди.

Шунингдек, маҳалладаги савдо дўконлари, тадбиркорлик объектлари ва бошқа мол-мулк эгалари билан учрашувлар ўтказилиб, уларнинг мол-мулкини ишончли ҳимоя қилиш мақсадида Қўриқлаш хизмати қўриқловига олиш имкониятлари ҳақида тарғибот ишлари олиб борилди.

Тадбирлар давомида фуқароларга замонавий техник қўриқлаш воситалари, марказлашган қўриқлаш пультига уланиш ва хавфсизликни таъминлаш бўйича хизматлар ҳақида маълумотлар тақдим этилди.

🔔Bizni ijtimoiy tarmoqlarda kuzating:
Telegram| Facebook | Instagram | Youtube | quva.uz

Ёшлар билан очиқ мулоқот - муаммоларга манзилли ечим

Қува туманида “Пайшанба — Ёшлар куни” доирасида ёшлар билан манзилли ишлаш, уларнинг муаммоларини ўрганиш ва ташаббусларини қўллаб-қувватлашга қаратилган ишлар изчил давом этмоқда.

Шу муносабат билан туман ҳокими Ҳалимжон Умаров ҳудудлардаги ёшлар хонадонларига ташриф буюриб, улар билан бевосита мулоқот қилди.

Учрашувлар давомида ёшларнинг яшаш шароити, бандлиги, таълим олиши, касб-ҳунар ўрганиши ва тадбиркорликка қизиқиши билан боғлиқ масалалар ўрганилди. Ёшлар ўзларини қизиқтираётган масалалар, муаммо ва таклифларини билдирдилар.

Билдирилган ҳар бир мурожаат ва таклиф эътиборга олиниб, ёшларни қўллаб-қувватлаш, уларнинг бандлигини таъминлаш, касб-ҳунарга йўналтириш ҳамда мавжуд имкониятлардан самарали фойдаланиш бўйича масъулларга тегишли вазифалар белгилаб берилди.

🔔Bizni ijtimoiy tarmoqlarda kuzating:
Telegram| Facebook | Instagram | Youtube | quva.uz