OILAVIY POLIKLINIKA FAOLIYATI O‘RGANILDI

#Kotibiyat_mudiri
#24_ta_masala

🔵 Xalq deputatlari Quva tuman Kengashi kotibiyati mudiri R.Nodirov, tuman Kengashi deputati Sh.Jo‘rayev hamda kotibiyat bosh mutaxassisi M.To‘xtasinovlar tomonidan Yangi Xayot mahallasidagi 4-son Oilaviy poliklinika faoliyati o‘rganildi.
 
🔵 Muassasada 37 nafar tibbiyot xodimi 12 ming 280 nafar aholiga birlamchi tibbiy-sanitariya xizmatlarini ko‘rsatib kelmoqda.
 
▫️ O‘rganish jarayonida aholiga ko‘rsatilayotgan birlamchi tibbiy xizmat sifati, dori-darmon vositalari bilan ta’minlanganlik holati, tibbiy jihozlardan foydalanish samaradorligi hamda muassasada yaratilgan shart-sharoitlar atroflicha tahlil qilindi.
 
✅ Shuningdek, tibbiyot xodimlarining mehnat faoliyati, aholi murojaatlarini ko‘rib chiqish amaliyoti va xizmat ko‘rsatish madaniyati masalalariga ham alohida e’tibor qaratildi.
 
♾ O‘rganish davomida poliklinikaga murojaat qilgan fuqarolar bilan suhbat o‘tkazilib, ularning tibbiy xizmat sifati yuzasidan fikr-mulohazalari, taklif va murojaatlari tinglandi.
 
✅ O‘rganish yakunida aholiga ko‘rsatilayotgan tibbiy xizmatlar sifatini yanada oshirish, profilaktik ishlar samaradorligini kuchaytirish bo‘yicha tegishli vazifalar belgilab olindi.
 
✏️ Shuningdek, o‘rganish davomida aniqlangan muammo va takliflar “Deputatning ko‘chma o‘rganish daftari”ga qayd etilib, ularni bartaraf etish yuzasidan mas’ullarga tegishli tavsiyalar berdi.

🌐 Instagram|  ✅ Telegram |✅ Facebook| 📹 Youtube 🦅 E-Kengash

“TASHABBUSLI BUDJET”: MAKTABDAGI TA’MIRLASH ISHLARI O‘RGANILDI

#Kengash_raisi
#kotibiyat_mudiri
#Biriktirilgan_loyiha
#24_ta_masala

 
🔵 Xalq deputatlari Quva tuman Kengashi raisi Z.Ashurov, Kengash kotibiyati mudiri R.Nodirov hamda kotibiyat bosh mutaxassisi M.To‘xtasinov tomonidan 2026-yilgi “Tashabbusli budjet” loyihasi doirasida g‘olib bo‘lgan 14-son umumiy o‘rta ta’lim maktabida olib borilayotgan qo‘shimcha bino qurilish ishlari o‘rganildi.
 
🔵 Mazkur loyiha “Far dom” MChJ tomonidan amalga oshirilayotgan bo‘lib, umumiy qiymati 1 mlrd 190,6 mln so‘mni tashkil etadi.
 
▫️ O‘rganish davomida ta’mirlash ishlarining sifati, loyiha talablariga muvofiqligi va belgilangan muddatlarga rioya etilishiga e’tibor qaratildi.
 
✅ Aniqlangan kamchiliklar mas’ul tashkilot vakillariga ko‘rsatib o‘tildi va bartaraf etilishi nazoratga olindi.
 
🗝 Shuningdek, mas’ullarga ishlarni sifatli yakunlash va obyektni belgilangan muddatda foydalanishga topshirish yuzasidan tegishli tavsiyalar berildi.


🌐 Instagram|  ✅ Telegram |✅ Facebook| 📹 Youtube 🦅 E-Kengash