1 октабр — Ўқитувчи ва мураббийлар куни муносабати билан Қува тумани ҳокимининг байрам табриги

Ассалому алайкум, азиз устозлар!
Қадрли ўқитувчи ва мураббийлар!

Бугун барчамиз учун қувончли кунлардан бири десак, янглишмаган бўламиз. Боиси ушбу кунда дунёда энг машаққатли ва масъулиятли касб эгалари бўлган ҳурматли устоз ва мураббийларимизни қутлаш бахтига сазовормиз.

Фидойи устозларимиз тимсолида ёш авлодга таълим-тарбия беришдек муҳим ҳамда шарафли ишга ўз ҳаётини бағишлаб келаётган барча педагогларимизни «Ўқитувчи ва мураббийлар куни» муносабати билан самимий муборакбод этаман.

Барчамизга маълумки, ҳар бир инсон ҳаётда эришган ютуқларида қадрдон ўқитувчи ва мураббийларининг беқиёс ҳиссаси борлигини ҳамиша ҳис қилиш билан бирга юрагининг туб-тубида уларга нисбатан миннатдорлик туйғулари билан яшайди.

Донишманд боболаримиз таъкидлаганидек, илмдан ўзга нажот йўқ ва бўлмагай. Муҳтарам юртбошимиз таъбири билан айтганда «Муаллимнинг обрў-эътибори – бу аввало миллатнинг, бутун халқнинг обрў-эътиборидир».

Мамлакат тараққиётида илм, билим ва салоҳият сув билан ҳаводай зарурлиги, ҳар қайси давлат фақатгина шу асосда тараққиётга эришиши, содда қилиб айтганда, инсон билак кучидан кўра илм кучи билан кўпроқ даромад ва обрў-эътибор топиши мумкинлигини барчамиз яхши англамоқдамиз.

Барчангизга шу шарафли йўлда олиб бораётган олийжаноб фаолиятингизда янги ютуқ ва омадлар тилайман.

Хонадонингизга доимо тинчлик-хотиржамлик, файзу-барака ёр бўлсин!

Ҳамиша соғ-омон бўлинг, азиз устоз ва мураббийлар!

Ҳурмат билан,
Қува тумани ҳокими Халимжон Умаров

1-oktabr —O‘qituvchi va murabbiylar kuni

Barchasi uchun rahmat sizga, Ustoz!

«Bir inson bor edi…»

Biz hali kim bo‘lishimizni bilmagan paytda,
u bizga kim bo‘lishimiz mumkinligini ko‘rsatdi.

Biz yiqildik — u qo‘limizdan tutdi.
Biz ishonmadik — u ishondi.

Bugun biz katta bo‘ldik.

Ammo har bir yutug‘imiz ortida
bir Ustozning mehnati bor.

Ustoz — har bir insonni va u orqali kelajakni tarbiyalaydi.

Rahmat sizga, Ustoz!

Fergana.gov.uz|Facebook|Instagram|Youtube|X

Viloyat hokimi Xayrullo Bozorovning O‘qituvchi va murabbiylar kuni munosabati bilan bayram tabrigi

Fergana.gov.uz|Facebook|Instagram|Youtube|X

Prezident Shavkat Mirziyoyev:

"O‘qituvchining qadri ulug‘langan yurtda ilmga intilish, qonunga hurmat, mehnatga munosabat va Vatanga sadoqat hamisha yuksak bo‘ladi. Chunki ustozni e’zozlash butun bir millat kelajagini e’zozlash demakdir".

Fergana.gov.uz|Facebook|Instagram|Youtube|X

🚨🚨🚨🚨 DIQQAT! MUHIM OGOHLANTIRISH!

Firibgarlar fuqarolarga “mablag‘laringizni himoya qiluvchi dastur” niqobi ostida QORIQCHI.APK nomli zararli faylni ommaviy ravishda yubormoqda.

⚠️ Siz ham pulingizdan ayrilib qolishni istamasangiz, quyidagi qoidalarga qat’iy rioya qiling!

❌ Notanish shaxslar tomonidan yuborilgan .APK formatidagi fayllarni ASLO ochmang va o‘rnatmang!
❌ “Kartangizdagi mablag‘ni himoya qiladi”, “hisobingizni xavfsizlantiradi” kabi xabarlarga ishonmang.
⚠️ Bunday zararli dastur hisobingizni himoya qilmaydi. Aksincha, u bank kartangizdagi mablag‘larni yashirin ravishda yechib olishga imkon berishi mumkin.

✅ 🕹 Ilovalarni faqat rasmiy Google Play Market orqali yoki profilaktika inspektorlari tavsiyasiga muvofiq yuklab oling.

Fergana.gov.uz|Facebook|Instagram|Youtube|X