MANZILLI DASTUR IJROSI DOIRASIDA OʻRGANISH OLIB BORILDI

#Haftali_ish_reja
#24_ta_masala
#Madad_NNT

 
🔵 Xalq deputatlari Quva tuman Kengashi deputati F.Xashimova, "Madad" NNT tuman vakili X.Qodirov hamda kotibiyati bosh mutaxassisi A.Fozilovlar Tojik mahalla fuqarolar yigʻini hududida amalga oshirilayotgan bunyodkorlik va obodonlashtirish ishlarini joyiga chiqqan holda oʻrgandilar.
 
▫️ Bunda asosiy eʼtibor "ogʻir" toifaga kiritilgan mazkur mahallani kompleks rivojlantirish, uning ixtisoslashuvini chuqurlashtirish hamda aholi uchun qulay va zamonaviy infratuzilmani shakllantirishga qaratilgan "Manzilli dastur" doirasida amalga oshirilayotgan ishlarga qaratildi.
 
🗝 Xususan, “PLANDEM” MCHJ tomonidan Tojik koʻchasida uzunligi 1 kilometr boʻlgan beton ariq qurish ishlarini holati, qurilish-montaj ishlarining belgilangan grafik asosida olib borilishi, bajarilayotgan ishlar sifati, foydalanilayotgan qurilish materiallarining talablarga muvofiqligi, loyiha-smeta hujjatlariga rioya etilishi hamda obyektni belgilangan muddatlarda foydalanishga topshirish masalalari oʻrganildi.
 
🔵 Oʻrganish yakuni boʻyicha aniqlangan kamchiliklarni bartaraf etish, qurilish ishlarini sifatli va belgilangan muddatlarda yakunlash yuzasidan masʼullarga tegishli tavsiyalar berildi.

🌐 Instagram|  ✅ Telegram |✅ Facebook| 📹 Youtube 🦅 E-Kengash

YIRIK INVESTITSIYA LOYIHASI AMALGA OSHIRILISHI DEPUTATLIK NAZORATIDA

 #24ta_masala
#Eksport_maslahat_guruhi
#Yoshlar_maslahat_guruhi
#Haftalik_ish_reja
#Kotibiyat_mudiri

✅ O‘zbekiston Respublikasi Prezidentining 2025-yil 1-apreldagi PQ–132-son qarori ijrosini ta’minlash doirasida Quva tumani Mustaqillik mahallasi hududida barpo etilayotgan qishloq xo‘jaligi mahsulotlarini yig‘ish va taqsimlash agrologistika markazida amalga oshirilayotgan ishlar deputatlik nazorati tartibida o‘rganildi.
 
🌐 Xalq deputatlari Quva tuman Kengashi kotibiyati mudiri R.Nodirov, Kengash deputatlari Sh.Jo‘rayev, M.Sayfidinov va A.Mo‘minov, Kengash huzuridagi Ekspert maslahat guruhi raisi o‘rinbosari B.Abdurahimov, Yoshlar maslahat guruhi a’zosi M.To‘xtasinov hamda kotibiyat bosh mutaxassisi A.Fozilovdan iborat ishchi guruhi tomonidan loyiha doirasida amalga oshirilayotgan qurilish ishlari holatiga e’tibor qaratildi.
 
🔵 Mazkur loyiha 15 gektar yer maydonida “ENERGY-LAND” qo‘shma korxona shaklidagi MChJ tomonidan amalga oshirilib, uning umumiy qiymati 50 million AQSh dollarini tashkil etadi.
 
🤩 O‘rganish davomida qurilish ishlarining sifati, loyihaning amalga oshirilish bosqichlari, belgilangan muddatlarga rioya etilishi hamda obyektni muhandislik-kommunikatsiya tarmoqlariga ulash borasidagi ishlar tahlil qilindi.
 
⭐ Ta’kidlash joizki, agrologistika markazining ishga tushirilishi qishloq xo‘jaligi mahsulotlarini saqlash, saralash, qayta ishlash va eksportga yo‘naltirish imkoniyatlarini kengaytiradi. Shuningdek, tumanda zamonaviy logistika infratuzilmasini rivojlantirish, yangi ish o‘rinlarini yaratish, aholi daromadlarini oshirish hamda hududning investitsiyaviy jozibadorligini yuksaltirishga xizmat qiladi.
 
✏️ Eng muhimi, loyiha to‘liq ishga tushirilishi natijasida 500 nafardan ortiq fuqaroning bandligini ta’minlash ko‘zda tutilgan. Bu esa aholi farovonligini oshirish va hududning iqtisodiy salohiyatini mustahkamlashda muhim ahamiyat kasb etadi.

 🌐 Instagram|  ✅ Telegram |✅ Facebook| 📹 Youtube 🦅 E-Kengash