Quva tumanida ichki ishlar organi faxriylari holidan xabar olindi

​25-oktabr — “Ichki ishlar organlari xodimlari kuni” kasb bayrami munosabati bilan Quva tumani Ichki ishlar bo‘limi boshlig‘i ko‘p yillar davomida el-yurt tinchligi va osoyishtaligi yo‘lida fidokorona xizmat qilib, bugungi kunda nafaqada bo‘lgan Ichki ishlar organi pensionerlari holidan xabar oldi.

​Samimiy muloqot chog‘ida tuman IIB boshlig‘i polkovnik Abdurasulov Yorqinjon Ismoilovich ustoz-faxriylarning sohadagi ko‘p yillik mehnati, yosh xodimlarni tarbiyalashdagi o‘rni hamda boy hayotiy tajribasini alohida e’tirof etdi. Viloyat IIB rahbariyati nomidan yo‘llangan samimiy tabriknomalar faxriylarga shaxsan o‘qib eshitirilib, ularga mustahkam salomatlik, uzoq umr va xonadonlariga fayzu baraka tilandi hamda esdalik sovg‘alari topshirildi.

🔔Bizni ijtimoiy tarmoqlarda kuzating:
Telegram| Facebook | Instagram | Youtube | quva.uz

Xalqaro e’tirof egasi — Masturaxon Sayfutdinova munosib e’zozlandi

Rimdagi BMT Qishloq xo‘jaligi va oziq-ovqat tashkiloti (FAO) bosh qarorgohida tashkilot Bosh direktori QU Dongyu tomonidan “Agrooziq-ovqat tizimlari va qishloq taraqqiyotidagi 100 nafar qahramon ayol” xalqaro e’tirofiga sazovor bo‘lgan “Farg‘ona anorchilik” agrofirmasi rahbari Masturaxon Sayfutdinovani tabriklash va e’zozlash tadbiri bo‘lib o‘tdi.

Quva tumanining faol ayollari hamda otinoyilari ishtirokida o‘tgan samimiy uchrashuvda hamyurtimizning ushbu yuksak xalqaro sahnadagi muvaffaqiyati nafaqat Quva tumani, balki butun O‘zbekiston qishloq ayollarining fidokorona mehnati va yetakchilik salohiyatining amaldagi e’tirofi ekanligi alohida ta’kidlandi.
Tadbirlar davomida Mastura opaga tuman jamoatchiligi, faol xotin-qizlar va nuroniylar nomidan samimiy qutlovlar izhor etildi.

Mashaqqatli mehnati va tashabbuskorligi bilan elimiz dovrug‘ini dunyoga taratayotgan Masturaxon Sayfutdinovani ushbu ulkan zafar bilan yana bir bor tabriklaymiz!

🔔Bizni ijtimoiy tarmoqlarda kuzating:
Telegram| Facebook | Instagram | Youtube | quva.uz

📌 Қува туманида Оила ва хотин-қизлар бўлимининг 9 ойлик фаолияти сарҳисоб қилинди

Жорий йилнинг 24 октябрь куни Қува тумани Оила ва хотин-қизлар бўлимининг 9 ойлик якунларига бағишланган ҳисобот йиғилиши бўлиб ўтди.

Тадбирда туман Оила ва хотин-қизлар бўлими раҳбари М.Холматова, ИИБ катта инспектори З.Умаржонова, ТТБ ходимлари, "Оқила аёллар" ҳаракати, "Тарғибот гуруҳи", маҳаллалардаги хотин-қизлар фаоллари ва отинойилар иштирок этди.

Йиғилишда ўтган давр мобайнида қилинган ишлар ҳамда оилавий ажримлар таҳлили маҳаллалар кесимида номма-ном атрофлича муҳокама қилинди.

Муҳокамалар асосида: 🔹 Оилавий ажримларнинг олдини олиш; 🔹 Хотин-қизларнинг репродуктив саломатлигини мустаҳкамлаш; 🔹 Аёллар ўртасида ҳуқуқбузарлик ва жиноятчиликни жиловлаш бўйича ҳамкорликдаги тизимли вазифалар белгиланди.

Шунингдек, Бош вазир томонидан ноябрь ойи "Яраштириш ойи" деб эълон қилингани муносабати билан туманда ажрим ёқасига келиб қолган оилаларни яраштириш бўйича аниқ дастурамал белгилаб олинди.

🔔Bizni ijtimoiy tarmoqlarda kuzating:
Telegram| Facebook | Instagram | Youtube | quva.uz