-
أسرانا يا رب
أسرانا يا مولانا الرحيم

-
غزة تقصف بجنون

يا رب نستودعك غزتنا المكلومة

(لقد خلقنا الإنسان في كبَد)
أي: لقد خلقنا ابن آدم في شدة وعناء ونصب.
واستحضار هذه الآية مهم لصحة الإنسان النفسية والإيمانية؛ فالأصل في الحياة المشقة، وكل استثناء من سعة وأُنس إنما هي رحمات ربانية لنفوسنا الضعيفة.
وحين يستقر هذا المعنى ينقلب السؤال وقت الكرب مِن: لماذا أتعب؟ إلى شكر وحمد وثناء وقت الرخاء على هذا الاستثناء الرحيم.

-
يا كريمات

صديقة بتسألني عن أكاديمية لتحفيظ القرآن بنظام حلو
ويكون فيها اهتمام بالتجويد وحفظ المتون كجزء أساسي مش اختياري

والمعلمات متخلقين بأخلاق أهل القرآن، كبيرات في السن مش عاوزه بنات صغيرين فضلا ))

اللي تعرف تبلغني فضلا ( بالشروط المذكورة مجتمعة حصرا )

-
ليه كمسلم لازم يكون عندك وعي بعدم الانغماس في مشاهدة مقاطع الريلز، أو التواجد في أماكن يغلب عليها الاستخفاف بالذنب ( زي إنك تصاحب ناس بتشرب سجائر، أو تصاحبي نساء متبرجات، أو ناس شايفه النمص حلال، والأغاني حلال وخلافه..)

الإنسان بيتشرب من أي واقع بيحط نفسه فيه
فلو بتسمع ريلز كتير هتلاقي الموسيقى بقت عادي، رؤية المتبرجات بقا وقعه أسهل على قلبك، الاختلاط عادي وهكذا لأنه دي الرسائل المبطنة اللي بتوصل من اللي بتشوفه

أو إنه تشوف حد بيعمل معصية ومستخف بها ويجاهر بها، يوم بعد يوم ( قلبك هيألف المعصية ودا الأخطر من ارتكاب الذنب، لأنه ارتكاب الذنب انت بتتوب منه، أما إلف الذنب إنك تشوفه عادي

وهكذا بتفضل في دائرة مغلقة لحد ما كل معصية يموت في قلبك إنه دا ذنب عصي به الله جل وعلا ومتبقاش شايف إنه الحرام حرام

ابن القيم ذكر كلام خطير جدا في باب تأثير الذنوب ع الإنسان، وهي مسألة غياب تعظيم الله جل وعلا في قلب العاصي، فقال:
(ومن عقوبات الذنوب: أنَّها تُضْعِف في القلب تعظيمَ الربّ جلَّ جلاله، وتُضْعِف وقارَه في قلب العبد ولا بدَّ، شاء أم أبى، ولو تمكَّن وقارُ الله وعظمتُه في قلب العبد لما تجرّأ على معاصيه.
وربما اغترَّ المغترُّ وقال: إنما يحملني على المعاصى حسنُ الرَّجاء، وطمعي في عفوه، لا ضعفَ عظمتِه في قلبي!

وهذا من مغالطة النفس؛ فإنَّ عظمةَ الله وجلالَه في قلب العبد، وتعظيمَ حرماته: تَحُول بينه وبين الذنوب، فالمتجرِّئون على معاصيه ما قدروه حقَّ قدره، وكيف يقدره حقَّ قدره أو يعظِّمه ويكبِّره ويرجو وقاره ويُجلُّه مَن يهون عليه أمرُه ونهيُه؟ هذا من أمحل المحال، وأبين الباطل!
وكفى بالعاصي عقوبةً أن يضمحلَّ من قلبه تعظيمُ الله جلَّ جلاله، وتعظيمُ حرماته، ويهونَ عليه حقّه).

فعلشان كدا خلوا بالكم بتتابعوا مين، بتصاحبوا مين، بتقتدوا بمين
لأنه المرء على دين خليله، فلينظر أحدكم من يخالل.

لا تنسوا إخواننا في تركستان من صادق دعائكم، ولا أهلنا في غزة من دعمكم، ولا أسرانا عند الكيان من صادق دعائكم وابتهالكم، ولا أحبتنا في السودان من إسنادكم.

-
استشهاد قائد الإعلام العسكري بخان يونس
أنس حمدان
أواه يا رب

يا رب لطفك

-
تعرفوا إنه زوجته عمرها فقط 27 عام
فقدت كل عائلتها كلهم حرفيا
بنت شهيد وشهيدة وأخت شهداء وبنت عم شهداء
كله عائلتها استشهدت ولم يبقى لها في الحياة إلا زوجها
واستشهد هو كمان

لله درك يا غزة ، لله در أولادك

الواحد لما يشوف مصائب الناس يقول أنا ايش فقدت في الحياة !

تخيل إنسان يفقد كل أحبابه، ويكون هو الناجي الوحيد من عائلته بأكملها

-
خطورة الفراغ ليس فقط في كونه ذنب لحظي ، بل بما يترتب عليه

-
لما ربنا يُنعم عليك بنعمة إنه تدخل حلقة قرآن، أو جروب في صحبة بتشدك للطاعة، أو أكاديمية علم شرعي
أو أي حاجه مفيدة عموما

1- جاهد نفسك إنك متخرجش منها، لأنه الإنسان لو فضل كل ما يستصعب أمر يخرج منه عمره ما هينجز ف حياته
ودا يقينا مش نظريات افتراضية

2- خلوا بالكم إنه الذنوب بجد بتحرم الإنسان النعمة والرزق
ممكن عدم توفيقك في حلقة القرآن أو طلب العلم يكون بسبب الذنوب
فعندك طرق شرعية يومية كتير تمحو بها ذنوبك
زي كثرة الاستغفار
وسبحان الله وبحمده 100 مرة
ولا إله إلا الله وحده لا شريك له، له الملك وله الحمد وهو على كل شيء قدير 100 مرة صباحا ومساء

3- الصحبة من المعينات جدا على إتمام الحياة عموما
اتخذوا ولو صاحب واحد يرافقكم مشوار حياتكم، وأورادكم، ولو مفيش حطوا نفسكم ف أي وسط فيه ناس كويسه

4- الفراغ مغناطيس الذنوب، لازم كل يوم قبل ما تنام تكتب بكره عاوز تنجز ايه
ولو عندك حجات متراكمة ابدأ ولو 10 دقايق بس منها وربنا هيفتح عليك وتكمل

-
لما تيجي تستغرب اهتمامات حد بشيء تافه، أو مبالغته في تقدير أمر فتقوله هو انت فاضي؟
بالضبط كدا، الفراغ هو اللي بيوصل الإنسان لنقطة إنه ينشغل بسفاسف، مع إنه ممكن يكون عنده مسؤوليات لكنه " فارغ من الداخل "

الفراغ مش بس بيسحب الإنسان لمنطقة الاهتمام بالتفاهات، بل بيوصله لسلسلة لا تنتهي من الشهوات أو الشبهات

أسباب الفراغ، ما بعد الفراغ، وإزاي تعالجه
هتلاقوه في الدرس دا، درس عظيم جدا جدا ونافع بعد ما تخلصوه هتحسوا التليفون دا لعنة سرقت أعمارنا وإنه كلنا بنتحجج بضيق الوقت والحقيقة إنه الفراغ هو اللي وصلنا للنقطة دي

اللهم أشغلنا بما خلقتنا له، ولا تجعل الدنيا أكبر همنا ولا مبلغ علمنا

https://youtu.be/kfkijaq6SIc?si=m2p9ZP86kekEvMHb

-
تحسبون هذا حرًّا !

أسرانا يا رب
اللهم فك أسر الشيخ حمزة والذين معه

-
نفسك بتتعب زي جسدك بالضبط وبتحتاج علاج

ليه نفوسنا بقت محطمة، وهشة، وبننسى في خضم معارك الحياة إنه عندنا أعداء كتير بتحاول تخلي نفوسنا كالعظام البالية؟

مع كل مشكلة أو حادث بننسى إنه في شيطان قاعد بيتربص لنا، ويضخم لنا المشكلات والأمور، ويقنطنا من رحمة الله ويتربص لنا

غياب مفهوم التأله في حياتنا، إونه حياتنا بقت بدون هدف أو معنى

الفردانية اللي زرعوها فينا إنك كفرد مضطر تواجه الأزمات لوحدك ومفيش صاحب يتصاحب وهكذا

سرعة الأحداث من حولك، ومستقبلات التكنولوجيا الحديثة اللي عدم مواكبتها بيخليك تحس بالانهيار والعجز

إزاي ترمم نفسك، وايه أسباب تحطم النفس، وإزاي تخرج من الدوائر الضيقة في حياتك لدوائر أوسع
تلاقوا الأجوبة في المحاضرة دي نافعة جدا جدا جدا
وأنصح بها أصحاب الأمراض النفسية - الله يعافيهم-

الله يشغلنا بما ينفعنا ويهدينا سواء السبيل

https://t.me/rafeek2/9584

-
-
الذي لا يكون الدين موجود في حياته،كأن ح حياته نزع منها التأله ، وليس فيها معنى عظيم كلي يعيش لأجله ويتحول إلى فرد

لذة النفس وزادها في التألُّه ))

-
متبقي على رمضان بأمر الله 201 يوم
أيام كتيرة كفيلة إنه اللي مش عنده أي أوراد يبدأ يتدرج فيها ولو كل شهر يضيف ورد جديد

لو بتقطعي في الصلاة، أو مش بتصلي نهائي، ومعندكيش أوراد ومحتاجه صحبة تاخد بايدك لحد ما تثبتي على الطريق
هتلاقي خطة ممنهجة تبدأ معك من الصفر، لحد رمضان بأمر الله تكوني وصلتي
كل اللي عليك يكون عندك نية للالتزام

لو حابه تنضمي راسلي الحساب واتساب بكلمة " حتى نصل" بعد إلقاء السلام

https://wa.me/201064739304

لا تنسوا المشاركة، فالدال على الخير كفاعله

-
ممكن تخلوا غز..ة تريند زي ترينداتكم اللي فاتت، لو مش قضية أساسية ف حياتكم
ع الأقل تتكلموا عنها
الحر..ب كأنها في أول أيامها
الناس بتمو.ت متفحمة !!
عمليات نسـ. ـف طول الوقت
الوضع صعب جدا جدا
ادعوا لإخوانكم كتير