📚 Ota-onalar uchun seminardan lavhalar!

Yaqinda boʻlib oʻtgan kitoblar festivalida maktabimiz asoschisi Aziz Rahimov tomonidan seminar oʻtkazildi. Bolalarda telefonga qaramlik sabablari, uning salbiy ta’siri va muammoni hal qilish yo‘llari haqida muhim ma’lumotlar berdilar.

Tadbirda 200 dan ortiq mehmon ishtirok etib, suhbat davomida o‘zlarini qiziqtirgan savollarga javob olishdi.

Yana shunday seminarlar tashkil qilishimizni istasangiz, oʻzingizni qiziqtirgan savollarni yozib qoldiring 👇

@RahimovSchool

Assalomu alaykum juda manfaatli suxbat bulgandi borib mazza qilib eshtib keldim alhamdulillah muhit zur

Is'hoqning kichik biznesi

Is’hoq bu yil 4-sinfga qadam qo‘ydi. Yangi o‘quv yilining ilk kunlari uning hayotida katta o‘zgarishlar bilan boshlandi. Oilasi yangi uyga ko‘chib o‘tdi. Yangi mahalla, yangi maktab va eng muhimi — yangi imkoniyatlar!

Yangi uylarining yaqinida bir chiroyli masjid bor edi. Har kuni namoz vaqti bo‘lganda odamlar masjidga kelar edi. Masjid eshigining ikki yonida katta ikkita chinor daraxti bo‘lib, u salobati bilan masjidning ko‘rkiga ko‘rk qo‘shib turar edi. Shu bilan birga, uning soyasida bir yigit non sotar edi. Is’hoq bir kuni masjidga kirayotganda non olib, sherigiga: "Shirinlik ham bo‘lganda nabiralarga olar edik," — degan otaxonning gapini eshitib qoldi.

Bu gap Is’hoqning xayoliga o‘rnashib qoldi. Uyga qaytib, onasiga: "Ona, masjiddan chiqqan odamlar non olganda shirinlik ham olishi mumkin, biz shuni tayyorlab sotsak bo‘ladimi?" — deb so‘radi.

Onasi kulib: "Juda yaxshi fikr, o‘g‘lim. Lekin bu oson ish emas. Senga bu borada dadang bilan birga yordam beramiz," — dedi. Ertasi kuni Is’hoq onasi bilan birga oshxonada mazali pishiriq tayyorladi. Onasi unga qanday qilib xamir qorishni, shakl berishni o‘rgatdi. Ular pishiriqlarni chiroyli qog‘oz qutilarga joylab, Is’hoqqa topshirishdi.

📚 “Bola va pul” kitobidan

• Hikoya qahramoni maktabimizni 3-A sinfida o'qiydi. Davomi bor...

@RahimovSchool

🏆 Boshlangʻich sinfimizda taqdirlash marosimi oʻtkazildi!

Ikki chorak davomida bilimga intilib, mehnat qilib, o‘z ustida ishlagan o‘quvchilarimiz yil soʻngida munosib tarzda taqdirlandilar.

Bu marosim bolajonlarimiz uchun nafaqat rag‘bat, balki kelgusidagi yanada katta yutuqlarga ishonch bag‘ishlaydi.

😇 Bunday tadbirni tashkil etayotgan ustozlarimizga minnatdorchilik bildiramiz. Oʻquvchilarimizga omad va muvaffaqiyatlar tilaymiz!

@RahimovSchool

📚 Alifbe bayrami bo‘lib o‘tdi!

1-sinf o‘quvchilarimiz alifbo harflarini to‘liq o‘rganib, o‘qishni o‘rganish yo‘lidagi muhim bosqichni nishonlashdi.

Bayram davomida o‘quvchilar she’rlar aytib, sahna ko‘rinishlari namoyish etdilar hamda ilk katta yutuqlarini ota-onalari va ustozlari bilan birga oʻtkazishdi.

😇 Ushbu tadbir bolajonlarimiz xotirasida albatta saqlanib qoladi!

https://youtu.be/Fdc7AW52lto

@RahimovSchool

Is'hoqning kichik biznesi | 2-qism

— O‘g‘lim, sen pishiriq sotish orqali nafaqat pul topishni, balki uni to‘g‘ri sarflashni ham o‘rganasan, — dedi otasi mehr bilan.

Is’hoq otasining bu gapiga uncha tushunmadi, lekin tabassum qilib qo‘ydi.

Shunday qilib, u maktabdan qaytgach, masjid yoniga borib, pishiriq sotishni boshladi. Avvaliga biroz uyaldi, lekin keyinchalik mijozlar bilan bemalol gaplasha boshladi. Ular Is’hoq tayyorlagan pishiriqlarni maqtashar, yana olib kelishini so‘rashardi.

Dastlab Is’hoq pishiriq sotib topgan pullarini xohlaganicha sarflagisi kelardi. Lekin onasi unga daromadning bir qismini keyingi pishiriqlarga sarflash kerakligini tushuntirdi. Dadasi esa kirim va chiqim miqdorini aniq hisoblash muhimligini aytdi.


📚 “Bola va pul” kitobidan

• Hikoya qahramoni maktabimizni 3-A sinfida o'qiydi: 1-qism

@RahimovSchool

🔔 Yilning ilk “Ochiq eshiklar” kuniga keling!

Maktab tanlayotgan ota-onalar uchun ajoyib imkoniyat! Kelayotgan shanba kuni yilning ilk “Ochiq eshiklar” kuni boʻlib oʻtadi.

Bu kunda:
• Ota-onalar bilan suhbat qilamiz ,
• Natijalarni o‘z ko‘zingiz bilan ko‘rasiz,
• Farzandingizni matematika va ingliz tilidan bilimini sinovdan o'tkazasiz

Maktabimize asoschisi, direktor, oʻqituvchilarimiz va qator mehmonlar tashrif buyurishadi.

🗓 Sana: 10-yanvar, shanba
🕚 Vaqti: 11:00
📍Manzil: Lokomotiv

Hoziroq joyingizni band qiling 👈

❄️ Muz saroyiga bordik!

Oʻquvchilarimiz bilan maroqli dam olish vaqtini oʻtkazdik. Ular yangi taassurotlar olib, jamoa bo‘lib vaqt o‘tkazishning zavqini his qilishdi.

Bunday kichik sayohatlar bolalarning jismoniy faolligini oshirish, do‘stlik va ijobiy muhitni mustahkamlashga xizmat qiladi!

🤩 Siz farzandlaringiz bilan oilaviy tarzda shunday sayrlar tashkil qilib turasizmi?

@RahimovSchool

⚡️ Yana bir ajoyib natija bilan keldik!

Oʻquvchimiz Mubina IELTS imtihonidan 7.5 ball toʻpladilar. Maktabimizga kelganlarida dastlabki darajalari 6,5 boʻlgan, oʻqish davrida qattiq mehnat qilib yuqoridagi natijaga erishdilar.

😇 Ushbu muvaffaqiyatga erishishida ustozlarining to’g’ri yondashuvi va ota-onasining doimiy qo’llab-quvvatlashi muhim rol o’ynadi!

🥳 Mubina, kelgusi oʻqishlaringizga omad tilaymiz!

@RahimovSchool

🧠 Bilimlar bellashuvi!

📚 O‘quvchilarimiz bilan zakovat o‘yini o‘tkazdik. Bellashuv bolalar yozuvchisi Xudoyberdi To‘xtaboyevning “Sariq devni minib” asari asosida tashkil etildi.

Mashgʻulot orqali o‘quvchilar mantiqiy fikrlash va jamoa bo‘lib ishlash ko‘nikmalarini namoyon etishdi.

Maktabimiz haqida ma’lumot olishni istasangiz 👇

📞 78-113-00-05

@RahimovSchool