( بديعٍ خاص )
💔
.
.
ابفصح عن بعض وجدٍ على قلبي عليه اقفاص
عسى ينزاح همي وأدلَه وينفعني افصاحي
خلق هالخلق سبحانه .. وابدع له بديعٍ خاص :
تهيّا في بعض ناسٍ من الدنيا هم ارباحي
تقادم وصلهم لكن غلاهم بالحشى غوّاص
وجيه تمسح وجيه ! واثرهم ما لقى ماحي
أحس بقلبي اليامن طروا كنّه على حصحاص
تدوسه كل ذكرىً غاليه كانت من أفراحي
وجع فقد الوحيد إليا رحل عن فقد ١٠ أشخاص
وجع من ينزعون القلب من صدره وهو صاحي!
#بشاير_المقبل
💔
.
.
ابفصح عن بعض وجدٍ على قلبي عليه اقفاص
عسى ينزاح همي وأدلَه وينفعني افصاحي
خلق هالخلق سبحانه .. وابدع له بديعٍ خاص :
تهيّا في بعض ناسٍ من الدنيا هم ارباحي
تقادم وصلهم لكن غلاهم بالحشى غوّاص
وجيه تمسح وجيه ! واثرهم ما لقى ماحي
أحس بقلبي اليامن طروا كنّه على حصحاص
تدوسه كل ذكرىً غاليه كانت من أفراحي
وجع فقد الوحيد إليا رحل عن فقد ١٠ أشخاص
وجع من ينزعون القلب من صدره وهو صاحي!
#بشاير_المقبل
❤1
تبسّم بوقتٍ وجيز !
والٍ على شعبه عزيز
وكل الصدور إستاسعت
اللي الولا فيها ركيز
محد ٍ فـ ظله ما ابتسم ..
حتى الملك عبدالعزيز 🤍
#بشاير_المقبل
والٍ على شعبه عزيز
وكل الصدور إستاسعت
اللي الولا فيها ركيز
محد ٍ فـ ظله ما ابتسم ..
حتى الملك عبدالعزيز 🤍
#بشاير_المقبل
❤2
باب ما جاء في الوجد :
🤍
يعاف المراضع من غدا اليمّ بمهاده
وله بالشواطي من دوا الحال .. مشفوقه
سكن دار عدوانٍ توقّاه بإلحاده
وهو مسلمٍ ويسيل الإيمان بعروقه
عليها السلام من آدم .. لآخر أولاده
عدد ما اردف الغربي على القاع بحقوقه
#بشاير_المقبل
🤍
يعاف المراضع من غدا اليمّ بمهاده
وله بالشواطي من دوا الحال .. مشفوقه
سكن دار عدوانٍ توقّاه بإلحاده
وهو مسلمٍ ويسيل الإيمان بعروقه
عليها السلام من آدم .. لآخر أولاده
عدد ما اردف الغربي على القاع بحقوقه
#بشاير_المقبل
❤1
✨ قيل لي ذات يوم : صوتك عوره !
فقلت:
ياللي تقول (الصوت عوره) لا تعدّين القصيد!!
حنّا نعرف اللي يقال .. ونعرف اللي ما يقال
حتى قصايدنا حشمناها عن الهرج الزهيد
والهرج له حشمه مثل ما للمفاتن والجمال
حنّا حراير من حراير ما يذللنا عبيد
واليا حكينا .. ما تضيق صدور ، ما يزعل رجال !
انا سمعت ابوي واشعاري على سمعه تعيد ..
يقول يا فخري بها !! كيف التفت للي يقال ؟
#بشاير_المقبل
فقلت:
ياللي تقول (الصوت عوره) لا تعدّين القصيد!!
حنّا نعرف اللي يقال .. ونعرف اللي ما يقال
حتى قصايدنا حشمناها عن الهرج الزهيد
والهرج له حشمه مثل ما للمفاتن والجمال
حنّا حراير من حراير ما يذللنا عبيد
واليا حكينا .. ما تضيق صدور ، ما يزعل رجال !
انا سمعت ابوي واشعاري على سمعه تعيد ..
يقول يا فخري بها !! كيف التفت للي يقال ؟
#بشاير_المقبل
❤2
يوم اشوف صديقتي اللي دائما كانت جنبي متضايقه وانا ما في يدي من الحيله الا شِعري ودعواتي💔
اقول :
لا يا دلال ارجوك لا .. لا تزعلين !
ان كان لي عندك قدر .. ارجوك لا
مثلك حرام يمرها يومٍ حزين
مثلك حلال تعز ّ عن كل الملا
ما يجرحك شخصٍ معه قلبٍ وعين !
يا يسعدك من يعرفك .. والا فلا
وجهك أجر للطيبين الصالحين
صِدّي عن الوجه الكليح المبتلا
وعيونك عيونك ! دخيلك لا تجين ..
وعيونك تدوّر من الضيقه سلا
انا فداك بكل مابي ، وش تبين ؟
قولي وياتي لك على كف الغلا
يا أجمل صدوف الليالي و السنين
يكفي معك قلب ٍمع الغيم عْدَلا
ايه .. إشرقي منتي بعَرض الآفلين
ايه اضحكي .. زودي حلا وجهك حلا 🤍
#بشاير_المقبل
اقول :
لا يا دلال ارجوك لا .. لا تزعلين !
ان كان لي عندك قدر .. ارجوك لا
مثلك حرام يمرها يومٍ حزين
مثلك حلال تعز ّ عن كل الملا
ما يجرحك شخصٍ معه قلبٍ وعين !
يا يسعدك من يعرفك .. والا فلا
وجهك أجر للطيبين الصالحين
صِدّي عن الوجه الكليح المبتلا
وعيونك عيونك ! دخيلك لا تجين ..
وعيونك تدوّر من الضيقه سلا
انا فداك بكل مابي ، وش تبين ؟
قولي وياتي لك على كف الغلا
يا أجمل صدوف الليالي و السنين
يكفي معك قلب ٍمع الغيم عْدَلا
ايه .. إشرقي منتي بعَرض الآفلين
ايه اضحكي .. زودي حلا وجهك حلا 🤍
#بشاير_المقبل
❤3
االلهم صلِ على حبيبي محمد عدد ما ذكره الذاكرون وغفل عنه الغافلون ✨
❤1
#محاوره
قال:
ودعتك الله في أمان الكريم
إقري مْعَوذاتك وإستري هالجمال
وبين ولد الحرام ودربك المستقيم
جعل تبنى ديار! وجعل ترسي جبال!
قالت:
الله بعزه يحفظك من صميم ..
قلب ماشال غيرك من وجيه الرجال
ويبعد الله عن دروبك جميع الحريم
من بنات الحرام ومن بنات الحلال :)
#بشاير_المقبل
قال:
ودعتك الله في أمان الكريم
إقري مْعَوذاتك وإستري هالجمال
وبين ولد الحرام ودربك المستقيم
جعل تبنى ديار! وجعل ترسي جبال!
قالت:
الله بعزه يحفظك من صميم ..
قلب ماشال غيرك من وجيه الرجال
ويبعد الله عن دروبك جميع الحريم
من بنات الحرام ومن بنات الحلال :)
#بشاير_المقبل
❤3
رساله الى ناقلين القصيد 🤚🏻:
.
.
كلي رجا جيتكم يا ناقلين القصيد
تكفون روفوا على الشعّار وافكارها
هذي بنات الفكر .. لاحدٍ يزيل ويزيد !
محشومة حظور ! فوق الروس مقدارها !
أشعارنا ما بها شيٍ علينا زهيد !
وكسرة قلوب العرب أشوى من أشعارها
#بشاير_المقبل
.
.
كلي رجا جيتكم يا ناقلين القصيد
تكفون روفوا على الشعّار وافكارها
هذي بنات الفكر .. لاحدٍ يزيل ويزيد !
محشومة حظور ! فوق الروس مقدارها !
أشعارنا ما بها شيٍ علينا زهيد !
وكسرة قلوب العرب أشوى من أشعارها
#بشاير_المقبل
❤1
ضايع أجرك بين ( قال ) وبين ( سوّا ) !
كنك اللي ضامن ٍ باقي حياته !
.
.
تِضعِف الأيام لو نفسك تقوّا ..
وما كرهت يزين ! ، وتسوي سواته !
.
.
لا تشمّت وأنت ولد آدم وحوّا !
والله إن يبلاك ربي بالشماته !
#بشاير_المقبل
كنك اللي ضامن ٍ باقي حياته !
.
.
تِضعِف الأيام لو نفسك تقوّا ..
وما كرهت يزين ! ، وتسوي سواته !
.
.
لا تشمّت وأنت ولد آدم وحوّا !
والله إن يبلاك ربي بالشماته !
#بشاير_المقبل
❤1
يقولون انتِ قصيره .. إذا أنتِ فاتنه 🥰
واقول :
لا يهمك من يعذرب بالقصيره
العذارى من تِغطرافك تِعلّم
غصن وردٍ عطّر الأرض بعبيره🌷
وما خبرت الورد يِرقى له بسلّم
يكفي إنك بينهن .. مثل الإميره !
ينحني لك كل من جا لك يسلّم 😌✋🏻
#بشاير_المقبل
واقول :
لا يهمك من يعذرب بالقصيره
العذارى من تِغطرافك تِعلّم
غصن وردٍ عطّر الأرض بعبيره🌷
وما خبرت الورد يِرقى له بسلّم
يكفي إنك بينهن .. مثل الإميره !
ينحني لك كل من جا لك يسلّم 😌✋🏻
#بشاير_المقبل
❤2
ياللي هرجتوا في قفاي ، افداكم ..
هذي تفاصيلي .. وذا عذروبي
قولوا بها .. لين الضغاين تبرد
وكبودكم تروى بكاس عيوبي
انا رقادي حان ، ما أوصيكم ..
لا أصْبِح إلا قاضيات ذنوبي 😴✋🏻
#بشاير_المقبل
هذي تفاصيلي .. وذا عذروبي
قولوا بها .. لين الضغاين تبرد
وكبودكم تروى بكاس عيوبي
انا رقادي حان ، ما أوصيكم ..
لا أصْبِح إلا قاضيات ذنوبي 😴✋🏻
#بشاير_المقبل
❤5
صُداع الراس: حربٍ في ضميري ما انتهت برفوق
يقود أطرافها قلب ٍشفوق وعقل مِتعَسّف
عجز عنها الكرى وأصحابي وحَبّ الدوا والموق
أجر خطاي في درب ٍ وراه رقاد ، متكسّف
شعَلها من طغى وأسرف وذَبّح وإستلذّ العوق
وردّ أبرد من الثلج بهجير الصيف : “متأسّف !”
#بشاير_المقبل
يقود أطرافها قلب ٍشفوق وعقل مِتعَسّف
عجز عنها الكرى وأصحابي وحَبّ الدوا والموق
أجر خطاي في درب ٍ وراه رقاد ، متكسّف
شعَلها من طغى وأسرف وذَبّح وإستلذّ العوق
وردّ أبرد من الثلج بهجير الصيف : “متأسّف !”
#بشاير_المقبل
❤1
✨
لا يعيّن له رسول ، ولا يجيب مْحامي
قاضيٍ في حكمه الإنصاف لو هو ظالم !
ٍ
لو عرف قدره وقف بين البشر متسامي
ما تواضَع ، ما مشى بين العباد مْسالم
يحسب انه شخص من هالعالم المترامي !
ما درى انه في " عيون إنسان " كل العالم !
#بشاير_المقبل
لا يعيّن له رسول ، ولا يجيب مْحامي
قاضيٍ في حكمه الإنصاف لو هو ظالم !
ٍ
لو عرف قدره وقف بين البشر متسامي
ما تواضَع ، ما مشى بين العباد مْسالم
يحسب انه شخص من هالعالم المترامي !
ما درى انه في " عيون إنسان " كل العالم !
#بشاير_المقبل
❤1
🎵
دايم الحب متجلّي
يفضح اللي مدّعينه
والمواقف ما تخلي
واحد ٍ في زيف دينه
ودك إنك تعرف اللي ..
يقطع ظنونك يقينه ؟
يستحق تقول "خِـليّ"
وتزهد بعمرك لـ عينه؟
راجع الماضي وقلّي !
يوم ضاقت فيك .. !
وينه ؟
#بشاير_المقبل
دايم الحب متجلّي
يفضح اللي مدّعينه
والمواقف ما تخلي
واحد ٍ في زيف دينه
ودك إنك تعرف اللي ..
يقطع ظنونك يقينه ؟
يستحق تقول "خِـليّ"
وتزهد بعمرك لـ عينه؟
راجع الماضي وقلّي !
يوم ضاقت فيك .. !
وينه ؟
#بشاير_المقبل
❤2
#مجاراة
قال الشاعر خالد المقبل :
سرّجت .. وسط صدري وحرمتنى الرقاد
جمرة من صديق ..!! وليتها من عدو
ليت كفه توانا ... ماسحب للزناد
ماسمع هرج ناس في غيابي وشو
قلت :
يا بعد ضيّ عيني .. ما يجيب السهاد
غير كبر الهقاوي .. وإلتزام الهدو
المواقف تِكرر ، والمشاهد تْعاد !
مرتوين ٍ من اللي قرّبوا وابعدو
مير ياما وياما مدّعين الوداد ..
من عِداد النّشاما بالعرب ورّدوا
لو نشوف النوايا في وجيه العباد !
ما لقينا صديق ، ولا فقدنا عدو
جعلهم للذهايب نافخين الوقاد
حايكين النمايم حوك خيط السدو
كيد الأصحاب حربك .. والمراجل جهاد
والنفوس العظيمه ربعها ما غَدوا
اصبر إن قاله الله ما يطول الهَجاد
عِدّهم جمرتين ٍ بالحشى رمّدوا
ولا توجّد على اللي ضلّ بعد الرشاد
الزمن ذا وأنا اختك مسلمين .. الحدو !
#بشاير_المقبل
قال الشاعر خالد المقبل :
سرّجت .. وسط صدري وحرمتنى الرقاد
جمرة من صديق ..!! وليتها من عدو
ليت كفه توانا ... ماسحب للزناد
ماسمع هرج ناس في غيابي وشو
قلت :
يا بعد ضيّ عيني .. ما يجيب السهاد
غير كبر الهقاوي .. وإلتزام الهدو
المواقف تِكرر ، والمشاهد تْعاد !
مرتوين ٍ من اللي قرّبوا وابعدو
مير ياما وياما مدّعين الوداد ..
من عِداد النّشاما بالعرب ورّدوا
لو نشوف النوايا في وجيه العباد !
ما لقينا صديق ، ولا فقدنا عدو
جعلهم للذهايب نافخين الوقاد
حايكين النمايم حوك خيط السدو
كيد الأصحاب حربك .. والمراجل جهاد
والنفوس العظيمه ربعها ما غَدوا
اصبر إن قاله الله ما يطول الهَجاد
عِدّهم جمرتين ٍ بالحشى رمّدوا
ولا توجّد على اللي ضلّ بعد الرشاد
الزمن ذا وأنا اختك مسلمين .. الحدو !
#بشاير_المقبل
❤4
معهم جسد .. لكن انا وقلبي معك !
يكفي نظر عيني صورك اللي تشوف
٧٠ واحد لي يسولف .. وأسمعك !
ماغير صوتك في حرم قلبي يطوف
يومي يروح أستقبلك .. وأودّعك
شفت أربعينك ؟ صاروا بعيني أُلوف!
طفلٍ يحبك .. ومْتعوّد يتبعك
لو دونه ودونك فناجيل وضيوف ..
#بشاير_المقبل
يكفي نظر عيني صورك اللي تشوف
٧٠ واحد لي يسولف .. وأسمعك !
ماغير صوتك في حرم قلبي يطوف
يومي يروح أستقبلك .. وأودّعك
شفت أربعينك ؟ صاروا بعيني أُلوف!
طفلٍ يحبك .. ومْتعوّد يتبعك
لو دونه ودونك فناجيل وضيوف ..
#بشاير_المقبل
❤1
🌙
ما طاح قدرك من(عيون القلب)في ساعة ذهول
له مدةٍ منها يحوّل وأنت ما لقّيت بال !
إن غبت فجأه! إعرف إني لي مع الخيبات حول
وشهور أجمّع قلبي بصدري وأشده بالرّحال
الشمس ماقد فاجأتنا يا بن آدم بالأفول !
والبدر ماقد صار في ليله على الدنيا هلال !
#بشاير_المقبل
ما طاح قدرك من(عيون القلب)في ساعة ذهول
له مدةٍ منها يحوّل وأنت ما لقّيت بال !
إن غبت فجأه! إعرف إني لي مع الخيبات حول
وشهور أجمّع قلبي بصدري وأشده بالرّحال
الشمس ماقد فاجأتنا يا بن آدم بالأفول !
والبدر ماقد صار في ليله على الدنيا هلال !
#بشاير_المقبل
❤1
حيّ زولٍ كل ما تلقاه عيني
كن روحي عوّدت بعد المنيّه
وقمت من ضيق المقابر للوسيعه
وانتشيت النود في نجد العذيه 💕
#بشاير_المقبل
كن روحي عوّدت بعد المنيّه
وقمت من ضيق المقابر للوسيعه
وانتشيت النود في نجد العذيه 💕
#بشاير_المقبل
❤1
✨
اعطيتك اللي ما عطيته مستجير
ما باقي الا اني اناديك ولدي !
واعطيتني من كفة إهمالك كثير
شكراً على قل الكلافه ي بعدي
#بشاير_المقبل
اعطيتك اللي ما عطيته مستجير
ما باقي الا اني اناديك ولدي !
واعطيتني من كفة إهمالك كثير
شكراً على قل الكلافه ي بعدي
#بشاير_المقبل
❤2