السلام ُعلى من اتبع الهدى ..

أختكم .. تلك اللتي تزعم أنها شاعره : بشاير المقبل

بنات أفكاري أمانة في أرواحكم فلا تضيّقوا على طُهرها بالظنون .. ولا تسجِنوها !

دعوها تهاجر في أرض الله الواسعه🌷

رحم الله والديّ ووالديكم ..
أحبكم 💜

‏لا ينجرف قلبك ورا كل مكتوب
‏لو صدّقه حزنك ، وجا له من اقصاه

‏الشاعر مصيبه ! اذا جاك موهوب
‏يجرح ! ويسبق من جرحهم بـ شكواه
‏
‏⁧ #بشاير_عبدالعزيز ⁩

جابتني الكربه وأنا تايه الدرب
‏تكفين.. واللي ورّقك إحتويني

‏ماتت قلوب الناس من قسوة الحرب
‏إن كان في جوفك حياة احضنيني
‏
💔

#بشاير_عبدالعزيز

‏يا (حبة العيد) ياللي ما بها منّه
‏ياللي تغنوا بـ حلوك كل جداني

‏روحي لخدّه يا علّ أبوه للجنه
‏وقولي له اني تحرّيته ولا جاني

‏وقولي له إن الفرح في عيدنا سِنه
‏رد المراسيل واغسل باقي احزاني

‏إن ما سبقت العرب لمعايدي كنه
‏ما عاد بي عيدي ولاصحّت أبداني

‏بشاير_عبدالعزيز

‏يا عيد ماهو وجهك الأولاني
‏كنت أجمل من اليوم بأضعاف الأضعاف

‏هيّض شجوني وجهه اللي غشاني
‏وسط السلام وبين ضحكات الأضياف

‏ما بالتهاني بعد عينه تهاني
‏وحلو السوالف صارت هروج وإسفاف

‏من حرتي قلت : الله المستعان ِ
‏ما كنت أظن العيد في يوم ينعاف !

‏⁧ #بشاير_عبدالعزيز ⁩

‏هو فيه أحد مثلي اليامن فقد غالي ..
‏بين السكون يتورّالي سواليفه ؟

‏وان غمضت عيني بظلما تورّالي
‏ملامحه يوم يظحك مع مواليفه !

#بشاير_عبدالعزيز

‏ترجم لي احساسك .. (انا بنت القصيد)
‏واكتب على سطور الثريا بـ الشهب

‏جود العطا .. لا شحّ قلبك ما يفيد !
‏يطير لا حرّك (ولاء حبك ) مهبّ

‏البرد من حينه على الدنيا يزيد
‏وسطحية الكلمات .. ما تشعل لهب

‏إجذب شعورك في رشا حبل الوريد
‏بعض الكلام أغلا من عقود الذهب

‏⁧ #بشاير_عبدالعزيز ⁩

رديف الشهامه


دامكم عابرين ديار سمح المحيّا
نزلوني بشمّ القاع ، واروي ضماها ..

نفسي اللي مداوي شوقها ما تهيّا
كنها " نجد " لامن كدّر الله سماها

الجسد راح ساري ، مير قلبي هنيّا
طاف كل الديار اللي سكنها وسعاها

هو رديف الشهامه؟ او رديف الحميّا ؟
او شبيه السحاب اللي روى القاع ماها ؟

ما تعرفون كفه يوم ذا الوقت عيّا !
يوم كانت عيون القلب خايب رجاها

ما تعرفون قلبه يوم همي تِفيّا ..
سِدرة ٍ وسط صدري كان قلبي جناها

فَتّح أبواب صدره لي ... و هَلّا وحيّا
ورحت قدام حزني افتخر واتباها

مُذّ توارى وعيني لَمْ ترى قَطُّ .. ضَيّا
لو يشوف الضرير شْموس نجد وضياها

كان حباً بثوب ِ الرشدِ .. ماكان غيّا
كان أُولى الأماني كان لي مـُنتهاها

والله اني لأحبّه حيل .. ما دُمتُ حيّا
لا وأحب اممممه اللي شالته في حشاها

ولو خَذ الله عيوني عقب سَمح المحيّا
اعصبوها بثوبه ، يشفي الله عماها

#بشاير_عبدالعزيز

‏احيان اناوش بالطموح الغيمه
‏واحيان ماشوف لطموحي قيمه

‏عندك مثال الحين جلّ احلامي..
‏( ابريق شاهي خادر وتلقيمه )😍

‏⁧ #بشاير ⁩_عبدالعزيز

‏ ‏صباح الخير 😊🌸

‏حافظ على اللي في زحام انجازه
‏اختار قلبك ، منطقك ، تفكيرك

‏وصل استخاره عن رفيق العازه
‏اللي يجي لانه ما عيّن غيرك!

#بشاير_عبدالعزيز

ي مطوّل الغيبات .. حافظك الله
‏إنقع غنايمك بـ جفى و إشربها

‏الدرب لو بعدك (وعر) .. بـندلّـه
‏ما أشرقت هالشمس من مغربها :) !
‏
‏⁧ #بشاير_عبدالعزيز ⁩

‏ ‏للشوق كفٍ تعصر القلب بسكات
‏يامجربين الشوق وش طب حالي؟

‏قلنا بخير وطيبين وسهالات!
‏والوقت شقق صورته من خيالي

‏للحين طيفه حيّ ،للحين مامات
‏كنه قبل يومين كانت قبالي

‏ويلاه! تردفها من الجوف ويلات!
‏لاقيل (يمه)من صغار العيالي

‏وتلفّتت فيني حوايج وشرهات
‏وعيون قلب ٍ هدّه الشوق خالي

‏بشاير

والله ان ماهيب حِرّه ، يا كريم السيره
: كبد رجالٍ تعوّد يبلع ويتغابا

انت عزّي .. والحَميّه ما تبــي تأشيره
دار قومٍ ما بها شرواك .. دار غْــلابا

ان زعلت؟ أزعل لاني ي الامير ، إميره
ياخذوني بالسياسه ، والامور مْحابا

واحدٍ ما به على نسوان بيته غيره
(جعل ما يمشي وراه اللي ينادي : بابا )


#بشاير_عبدالعزيز

‏دافنين دموعنا بين الوسايد والقصيد
‏ما رجينا الناس كف ٍ تمسح اللي ندمعه

‏والورود اللي زرعناها على جال الوريد
‏عمرها فات ، وورقها كل ريحٍ تجمعه

‏كل يوم الوقت يا ابن الناس في شحّه يزيد
‏لين ما ظل لقصيد الشوق قلب ٍ يسمعه !

‏⁧ #بشاير_عبدالعزيز ⁩

دوّن جروحك لا تشافيت بكتاب
‏علمٍ يضوّي فالعلاقات نوّه

‏لولا جروحٍ ما حسبنا لها حساب
‏محدٍ يميّز صاحبه من عدوّه
‏
‏⁧ #بشاير ⁩_عبدالعزيز

‏حيّ زولٍ كل ما تلقاه عيني
‏كن روحي عوّدت عقب المنيّه

‏وقمت من ضيق المقابر .. للوسيعه
‏وانتشيت النود في نجد العذيه 💕

‏⁧ #بشاير_عبدالعزيز ⁩

عمّر وسط قلبي ولا ذاق تقصير
‏واقفى وخلّى عقبه (حروق وشقوق

‏وخيبة رجى)،،لو وزّعتها المقادير
‏ماحب مخلوقٍ على الارض..مخلوق!
‏
‏⁧ #بشاير ⁩_عبدالعزيز

وكأنهُ قال : " اشقه اللهم بي ..
حباً " ورددتِ السما آمينا 💕

#بشاير_عبدالعزيز

‏يا (حبة العيد) ياللي ما بها منّه
‏ياللي تغنوا بـ حلوك كل جداني

‏روحي لخدّه يا علّ أبوه للجنه
‏وقولي له اني تحرّيته ولا جاني

‏وقولي له إن الفرح في عيدنا سِنه
‏رد المراسيل واغسل باقي احزاني

‏إن ما سبقت العرب لمعايدي كنه
‏ما عاد بي عيدي ولاصحّت أبداني

‏بشاير_عبدالعزيز

ماني ردية نفس يا ولد الاجواد
امك وابوك اجواد والا انت غادي

دوّر على مثلك "مفاليس وزهاد"
واترك نفيس الناس لا صرت صادي

ماني من اللي تشفق لساقط الزاد
ولاني من اللي تلتفت للمنادي

مليانه عيوني مطاليق واسياد
مابه محل لـ بايعين المبادي

سطحي فكر ، فارغ ، ورجليك بجهاد
تلحق بنات الناس في كل وادي

بتعيش "عادي" ما طمح فيك ورّاد
وتموت عادي .. والعزا فيك عادي

بشاير عبدالعزيز 🍃