​​Mualliflik huquqining buzilishi

Mualliflik huquqini buzish (odatda qaroqchilik deb ataladi) - bu mualliflik huquqi qonuni bilan himoyalangan ya'ni foydalanish uchun ruxsat talab qilinadigan asarlardan ruxsatsiz foydalanish, tarqatish, namoyish etish va boshqalar demakdir.

✍🏻 Mualliflik huquqining egasi kim? Bu ishning muallifi yoki mualliflik huquqi berilgan noshir yoki boshqa korxona bo'lishi mumkin.

⚖️ Mualliflik huquqining buzilishidan kelib chiqqan nizolar odatda fuqarolik sudida sud jarayoni orqali hal qilinadi. Agar qalbakilashtirish bilan bog'liq bo'lsa, ba'zan jinoiy javobgarlikka tortiladi.

ℹ️ Raqamli texnologiyalar sohasidagi yutuqlar va Internetning tobora kengayib borishi keng tarqalgan va anonim huquqbuzarliklarga olib keldi. Endilikda, mualliflik huquqi bilan himoyalangan ma'lumotlar internetdan izlanib, almashilsa, buni ta'qib qilishga kamroq e'tibor qaratilib, mualliflik huquqini kengaytirishga ko'proq e'tibor berilmoqda.

💁🏻 Mualliflik huquqning buzilmaslik holatiga misol uchun Disneyning mashhur Chip va Deyl multfilmidagi obraz, ya'ni Chipni olaylik. Muallif tomonidan himoya qilingan bo'lib, bu himoya aynan o'sha multfilmdagi Chipning faqatgina qiyofa, mimika, kiyinishiga nisbatan qo'yilgan.

Bu esa istagan boshqa bir insonning olmaxon personaji asosida multfilm qahramonini yaratishi uchun hech qanaqa cheklov yo'qligini anglatadi.

P.S. Biror marta mualliflik huquqining buzilishi bilan bog'liq muammolarga duch kelganmisiz?

📲 Telegram | Facebook

​​DMWF onlayn konferensiyasini e'lon qiladi

Raqamli marketing va ijtimoiy media sohasidagi yetakchi konferensiya - Digital Marketing World Forum (DMWF) o'zining to'liq onlayn konferensiyasini e'lon qildi. Dunyo bo'ylab konferensiya onlayn ravishda 2020-yil 16-17-sentyabr kunlari bo'lib o'tadi.

DMWF - eng so'nggi marketing tendensiyalari, strategiyalari va bilimlarini kengaytirishga intilayotgan talabchan marketologlar uchun bag'ishlangan 2 kunlik virtual konferensiya.

🌐 Konferensiyada dunyo miqyosidagi katta marketing rahbarlari jamoasi o'z fikrlari va strategik maslahatlarini berish uchun yig'iladilar. Shuningdek, 40 dan ortiq professional ma'ruzachilar o'zlarining asosiy sohalari, ya'ni:

• Kontent va raqamli tovar strategiyasi;
• Ma'lumotlar va disruptive texnologiyalar;
• Influencer va SMM;
• Raqamli tajriba va elektron tijorat strategiyasi;
• Raqamli transformatsiya va innovatsiyalar bo'yicha o'z tajribalari bilan o'rtoqlashadilar.

🎯 DMWF butun dunyodagi taniqli Google, Coca-Cola, Facebook, Burger King, Bloom & Wild, Sony, Adobe, BBC, Twitter, Danone, Unilever, Lego, Netflix, Revlon, Beano, Mastercard, Diageo, Instagram kabi brendlarning rahbarlarini birlashtiradi.

💡 Konferensiya kun tartibida jamiyat, kelajak, kompaniyalarga ta'sir ko'rsatadigan yangi strategiyalarni rejalashtirish, amalga oshirish va amalga oshirishda yordam beradigan amaliy maslahatlarni baham ko'rishga qaratilgan.

P.S. Siz ham DMWF konferensiyasining ishtirokchisi bo'lishni xohlarmidingiz?

📲 Telegram | Facebook

​​Kontekstli reklama nima?

Kontekstli reklama - bu foydalanuvchilarga qidiruv so'rovlarida yoki ular joylashgan sahifaning kontekstida ko'rinadigan reklamalar.

Undan maqsad nima?

🔸 Savdo hajmini oshirish;
🔸 Brendni reklama va targ'ib qilish;
🔸 Yangi mahsulot yoki yangi xizmatni namoyish etish;
🔸 Yangi resurslarni ilgari surish;
🔸 Kompaniyaning obro'yini oshirish.

Kontekstli reklamaning qanday turlari mavjud?

🔹 Qidiruv kontekstli reklama - bu e'lon qidiruv natijalarida 1-o'rinni egallaydi.
🔹 Internet saytlarida reklama (tematika) - reklama qidiruv natijalarida emas, balki turli saytlarning sahifalarida;
🔹 Targeting (remarketing va retargeting) - ijtimoiy tarmoqlarning saytlardagi e'lonlar;
🔹 Dinamik reklamalar - alohida kompaniyalardagi e'lonlar va Yandex qidiruvida hamda saytlarida joylashtirilgan reklama (tarmoqlardagi reklama).

Kontekstli reklamani o'rnatish xususiyatlari:

🔸 Bo'lingan kompaniyalarni qidirish va tematikaga ajratish;
🔸 Kalit so'zlarni tanlash;
🔸 Reklamadagi matnning dolzarbligi;
🔸 Qabul qilingan sahifalar.

ℹ️ Insonlarda allaqachon shakllangan so'rovning borligini tushunish muhimdir. Biz faqat ushbu so'rovga javoban reklamalarni namoyish qilishimiz mumkin. Agar ular nimani xohlashini hali bilmasa, unda biz ularga bunday reklamalarni ko'rsata olmaymiz.

P. S. Siz ham bu kabi reklamalarga duch kelganmisiz?

📲 Telegram | Facebook

​​Payoneer kartalaridagi pul muzlatildimi?

Payoneer - bu moliyaviy xizmatlar va onlayn pul o'tkazmalarini ta'minlovchi to'lov tizimi. Payoneer - MasterCard (Member Service Provider) dunyo bo'ylab ro'yxatdan o'tgan provayder bo'lib, kompaniya Nyu-Yorkda joylashgan.

📌 Payoneer karta foydalanuvchilari o'z hisobiga kirishni yo'qotib qo'yganliklari haqida shikoyat qila boshladilar. Payoneerdagi muammoning sababi, bir hafta oldin hisobotlarni soxtalashtirish va moliyaviy ko'rsatkichlarni 1,9 milliard yevroga oshirganlikda ayblangan Wirecard tufaylidir.

Payoneer kartasiga pul o'tkazib, uni Wirecard hisoblariga yuborishingiz ham mumkin. Shunday qilib, Wirecarddagi kelib chiqqan ayrim muammolar Payoneer ishiga bevosita ta'sir qilganligi ma'lum bo'ldi.

ℹ️ Ma'lumot o'rnida shuni aytish kerakki, O'zbekistondagi ko'plab freelancerlar ham Payoneerdan foydalanishadi. U sizga bir nechta to'lov xizmatlarini taklif qiladi. Shuningdek, siz "Request a Payment" xizmati orqali to'g'ridan-to'g'ri mijozingizga to'lov to'g'risida so'rov yuborishingiz mumkin.

P. S. Siz bilan ham Payoneer bilan bog'liq muammo kuzatildimi?

📲 Telegram | Facebook

​​🤔 Reklama samaradorligini qanday baholash mumkin?

📈 Agar siz internet reklamalaringizni sarhisob qilmasangiz, unda uni ish berayotgani yoki yo'qligini ham bila olmaysiz. Siz yana reklama uchun pul sarflash kerakmi yoki yo'qligini ham bilmay qolasiz. Reklama qanchalik effekt berayotganini ko'rish uchun esa:

1 ta mijoz narxi = reklama narxi / u nechta mijoz olib keldi.

🎯 Hammasi juda oddiy, agar sizda bir dona kanal bo'lsa, savdolar faqat shu kanal orqali bo'ladi. Agar sizda bir nechta kanallar bo'lsa-chi? Mijozlar qayerdan kelganini aniq bilish uchun, bu mijozlar turli xil havolalar orqali kelishlar kerak. Ammo bu har xil havolalar turli saytlarga olib borishi kerak degani emas.

🙅‍♂️ Shuning uchun barcha havolalar maxsus belgilarga ega bo'lishi kerak. Ular UTM - belgilardir. Ushbu teglardan foydalanib, siz nafaqat reklama kanallarini kuzatishingiz, qolaversa, Facebookdan, VK'dan yoki boshqa tarmoqlardan kelganini ham bilishingiz mumkin.

Bularning barchasini ko'rish va tahlil qilish uchun veb-analitika tizimlarini o'rnatishingiz kerak:

🔸 Яндекс.Метрика https://yandex.ru/support/metrica/general/creating-counter.html

🔸 Google Analytics https://support.google.com/analytics/answer/1008015?hl=ru

💡 Maslahat: Birinchi joylashtirishdan reklama samaradorligini kuzatib boring, aks holda u ishlaydimi yoki yo'qmi bilmaysiz.

P. S. Yuqoridagi qaysi veb-analitika tizimidan foydalangansiz?

📲 Telegram | Facebook

​​Biz barcha O'zbekiston yoshlarini 30- iyun "Yoshlar kuni" munosabati bilan chin yurakdan qutlaymiz.

😇 O'qish-o'rganish, doimiy izlanish, ilm-fan, taraqqiyot cho'qqilarini egallashga intilib yashash doimo hamrohingiz bo'lsin!

Shu o'rinda, ushbu kun jahon hamjamiyatida ijtimoiy media kuni sifatida nishonlanishini ham eslatib o'tamiz.

📲 Telegram | Facebook

​​Bugun ertalabdan telegramga kirib yaxshi yangilikka ko'zim tushdi.

"Update Telegram" tugmasini ko'rganimda, yangilikni ko'rish uchun shoshilib ketaman. 🙃

Bu safargi telegramning beta versiyasida oldindan telefonlarda mavjud bo'lgan eng kerakli funksiyalardan biri, Multiaccount qo'shilibdi 🥳

Endi kompyuterda ham, bir necha akkauntlardan foydalanish mumkin!

Buning uchun, shunchaki telegram sozlamalaridan beta versiyani yuklab olishni yoqib qo'yish kerak xolos. Yoki rasmiy relizni kutish kerak! 🤓

Yana bir bor yoshlar kuni bilan! 🇺🇿

📲 Telegram | Facebook

​​Foydali ma'lumot

👤 Pet Flin- onlayn tarzda pul ishlashni kuzatib borish uchun yaratilgan http://smartpassiveincome.com blogining muallifi. Hozirgi paytgacha u odamlarga biznes boshlash haqidagi maslahatlarini ulashib kelmoqda. U o'z blogida SMM'ga yaxshi munosabatda bo'lishni va o'zi undan rohatlanishini aytadi:

🧐 Tasavvur qiling, dam olish uchun to'plangan odamlarning oldiga borib, darhol statistika va savdo darajasining grafigini ko'rsatishni boshladingiz.

G'alati holat, shunday emasmi?

🎯 Shuning uchun ham, SMM'da brendingiz va mahsulotingiz haqida doimiy tarzda ma'lumot joylashtirishingiz shart emas. Buning o'rniga, birinchi qilishingiz kerak bo'lgan narsa maqsadli auditoriyangiz nimalar haqida muhokama qilayotganiga e'tibor berishdir.

Odamlardan nimalarni bilishni istayotganlarini so'rang, biling, qiziqing, so'ng, ularni mijozlaringiz bilan bo'lishing. Natijada, ular sizga nisbatan e'tiborni kuchaytirishadi va aytishingiz mumkin bo'lgan narsalar haqida ko'proq bilishni xohlashadi.

📌 Yana qanday holatlar mijozning e'tiborini ko'proq jalb qiladi deb hisoblaysiz? Fikringizni izohlarda yozib qoldiring!

📲 Telegram | Facebook

​​Coca Colaning internet tarmoqlaridagi marketing strategiyasi

Coca Colaning marketing strategiyasi shu darajada ajoyibki, xatto siz va biz qayerda bo'lishimizdan qat'iy nazar, kunda bir marotaba bo'lsa ham unga aloqador belgilarga duch kelamiz. Tabiiyki, bu jarayonda ijtimoiy tarmoqlarning o'rni baland.

Keling, bo'lmasa bugun Coca Cola'ning ijtimoiy tarmoqlaridagi marketing strategiyasi haqida gaplashamiz:

🔵 Facebook - kompaniya ko'p kuch sarflamasa ham o'nlab muxlislarni oson jalb qila oladi. Post engagement hayratlanarli darajada yaxshi. Coca Cola mijozlarni haydab chiqaradigan biron bir do'konga ega emas. Shuning uchun uning asosiy maqsadi brend tanilishini kengaytirish.

⚪️ Twitter - Coca Cola ushbu platformadagi eng faol brendlardan biri hisoblanadi. Kompaniya 3 milliondan ortiq izdoshlar va 270 mingdan ortiq tvitlarga ega. Coca-Cola Twitterdan o'ziga xos usullarda foydalanadi.

🔴 Pinterest - Coca Cola Pinterestni diqqat markazida bo'lmagan qiziqarli usul orqali ishlatadi. Kompaniyaning strategiyasi brendga tegishli rasmlarni bir joyga to'plashdir. Ko'rsatilgan tasvirlar nafaqat reklama maqsadlari, balki o'yin-kulgi va quvonch uchun ham joylashtiriladi. Ushbu strategiya bilan kompaniya odamlarni brend bilan o'zaro aloqada bo'lishga undaydi.

🟡 Snapchat - 2015- yildan boshlab, Coke Snapchatda ishtirok etishning sezilarli o'sishini ko'rdi. Uning hiyla-nayranglari xabar almashish dasturi, shuningdek, foydalanuvchilarning demografiyasiga mos keladi.

P. S. Siz ham ijtimoiy tarmoq orqali Coca Cola kompaniyasini kuzatib borasizmi?

📲 Telegram | Facebook

​​Sukerberg Facebook'ni boykot qilgan kompaniya rahbarlari bilan uchrashadi

💡 Yaqin kunlar oldin 400 ga yaqin brend kompaniyalar Facebook'ga qarshi boykot e'lon qilgandi. Buning sababi, Facebook zo'ravonlik va nafratni targ'ib qilishga qarshi kurashga kam e'tibor berganida. Boykotga yirik-yirik brendlar qo'shilgani bu masalani yanada chigallashishiga olib keldi.

Natijada, kompaniya yuqoridagi kontentlarni ekspertizadan o'tkazishga rozi bo'ldi. Kompaniyaning media ma'murlari, reklama bo'yicha vitse-prezidentlari Kerolin Everson va Neil Potts boykot tashkilotchilari bilan ularni fikridan qaytarish uchun kamida 2 marta uchrashuv o'tkazgan. Ammo, uddalay olishmagan. Shu sababli, Sukerberg bu masalani o'z bo'yniga olgan.

🙈 Eng qiziq tomoni, bu boykot kompaniyaning moliyaviy holatiga qattiq ta'sir ko'rsatishi dargumon. Chunki, 2019-yilda Morningstar'ning tahlillariga ko'ra, Facebook'dagi 100 ta eng katta brendlarning reklama ulushi jami daromadning atigi 6% ini tashkil etgan.

P. S. Nima deb o'ylaysizlar Sukerberg boykotchilarni fikridan qaytara oladimi?

📲 Telegram | Facebook

​​Target yoki blogerlar

💁🏻 Ko'pchilik o'z biznesini rivojlantirish uchun target yoki blogerlardan foydalanadi. Aslida, ikkisi bilan ham kutgan natijalarga erishish mumkin. Biroq, foyda va kamchiliklardan holi emasligi, shubhasiz. Keling, yaxshisi ular bilan tanishib chiqsak:

Target

✅ Foydasi:
+ Maqsadli auditoriyani to'g'ri tanlash;
+ Aniq narxlash;
+ Trafik va savdo barqarorligi;
+ Tezkor savdo;
+ O'zaro qulay aloqalar.

❎ Kamchiliklari:
- Ishonch darajasi past;
- Auditoriyani jalb qilish qiyin;
- Tabiiylikning yo'qligi;
- Senzura (hamma narsani reklama qilish mumkin emas)

Blogerlar

✅ Foydasi:
+ Yuqori darajadagi ishonch;
+ Auditoriyani tezda jalb qilish imkoniyati;
+ Brend xabardorligini oshiradi.

❎ Kamchiliklari:
- Izlash va tekshirishga sarflagan vaqt;
- Yomon bloger xavfi;
- Blogerlarning yetarli emasligi.

Ba'zan bir yoki bir nechta vositalarni birgalikda ishlatish talab etiladi. Eng samaralisi - ularni bir-biri bilan uyg'unlikda ishlatishdir.

P. S. Biznes rivoji uchun qaysi biri afzal deb o'ylaysiz? Fikringizni izohlarda yozib qoldiring!

📲 Telegram | Facebook

​​2020-yil eng ko'p pul topgan Youtuber bolalar

🔴 YouTube ushbu yilda eng yaxshi maosh oladigan vlogerlarni aniqladi. Ro'yxatda har kim har bir video uchun qancha pul topayotgani aks ettiriladi.

Har bir video uchun 312,312 dollar bilan Vlad va Nikita peshqadamga aylandi. 41 milliondan ortiq obunachisiga ega bo'lgan aka-ukalar o'z sahifalarida o'yinchoq o'ynayotgani, turli xil o'yin va voqealarni ko'rsatishadi. Shu o'yin kulgu bilan Vlad va Nikitaning umumiy mablag'i 64 million dollarni tashkil etgan.

💡 Shuningdek, xuddi shu bolalarga o'xshab g'ayritabiiy tarzda faoliyat yuritadigan Youtuber Anastasiya Radzinskaya har bir video uchun 258 493 dollar topgan. 6 yoshli qizaloq 55.3 million obunachiga ega hisoblanadi.

👀 Endi tasavvur qilib ko'ring, Vlad va Nikitaning o'yin kulgu bilan topgan daromadi vaholanki, bizning summada 640 milliard so'mni tashkil qiladi. Bu mablag'ga yaqindagina sotuvga qo'yilgan Toshkent Versal to'yxonasidan 18 ta sotib olsa bo'ladi degani.

📲 Telegram | Facebook

​​Marketingda rasmlardan toʻgʻri foydalanishni bilasizmi?

🧑‍💻 Biz kun davomida turli axborotlar qabul qilamiz. Bu jarayon audio, video, matn yoki foto tasvir koʻrinishda boʻlishi mumkin. Tadqiqotlarda aniqlanishicha, insonning miyasi rasmdagi maʼlumotlarni matnga nisbatan 60,000 marta tez qabul qilib, qayta ishlaydi.

Demak, marketing sohasida rasmlardan foydalanishga ham alohida eʼtibor qaratish kerak:

🎨 Ranglar uygʻunligiga alohida ahamiyat bering
Avvalo, auditoriyangizning yoshi va ijtimoiy holatini eʼtiborga olgan holda ranglarni tanlang. Tanlangan ranglarda esa uygʻunlikni saqlab qoling. Ulardan iliq (qizil, sariq, zargʻaldoq); salqin (yashil, koʻk, qirmizi); betaraf (orqa fonda foydalaniluvchi yorqin ranglar) guruhlariga mansubligiga koʻra foydalaning.

🏞 Rasmlarni tanlashda mahalliy muhitni unutmang
Siz foydalanmoqchi boʻlgan foto tasvirlaringiz iloji boricha mahalliy muhitingizga mos boʻlishi kerak. Undagi muayyan joy, yoki insonlar tasviri aynan auditoriyangiz uchun tanish boʻlishi taʼsir kuchini oshiradi. 2019-yilning dekabr oyidagi soʻrovnomada ishtirok etgan xaridorlarning 60 %i mahalliy rasmlardan foydalanilgan kontentlarga eʼtibor qaratishini ta'kidlangan.

📸 Tayyor rasmlardan cheklaning
Bugungi kunda internetdagi tayyor rasmlar orqali kuzatuvchilaringizda reaksiya paydo qila olmaysiz. Yaxshisi, oʻzingiz bir oz ijod qilib, yangi asar yarating. Buning uchun vaqt yoki imkoningiz boʻlmasa, tayyor rasmni montaj qilib, foydalaning.

P. S. Nima deb o'ylaysizlar sizningcha marketingda rasmlarning o'rni qanday?

📲 Telegram | Facebook

​​Marketingni o'rganaman deysizmi?

Do'stlar! Online marketing shiddat bilan rivojlanayotgani va uni tezroq o'rganish kerakligi hammamizga birdek ayon.

Xo'sh, qanday qilib qo'shimcha bilimga ega bo'lsa bo'ladi?

Ko'pchilik marketing o'zi nimaligi haqida google bilangina kifoyalanadi. Googleda minglab ma'lumotlar, kitoblar bor. Ularning aksari qismi vaqt o'tgach chang yig'ish uchungina xizmat qiladi. Ya'ni, yaxshi kitob topish ozgina muammoli holat. Biz esa sizlar uchun ularning bir qator ro'yxatlarini tuzib chiqdik:

1️⃣ Martin Lindstromning "Buy • ology" kitobi;

2️⃣ Joe Pullizzining "Epic Content Marketing" kitobi;

3️⃣ Olivier Blanchardning "Social Media ROI" kitobi;

4️⃣ Emanuel Rosenning "The Anatomy of Buzz" kitobi;

5️⃣ Chip Heath va Dan Heathning "Made to Stick By" kitobi.

📌 Yuqorida keltirilgan ro'yxatdagi kitoblar, yozuvchilarning yillar davomida to'plagan tajribalariga asosan yozib chiqilgan.

O'ylaymizki, sizlar uchun albatta foydali manba bo'lib xizmat qiladi.

📲 Telegram | Facebook

​​Sukerberg ham noiloj qoldi

ℹ️ 2020-yil iyun oyining o'rtalaridan boshlab AQShda irqchilikka qarshi namoyishchilarning chaqirig'idan so'ng, ko'plab brendlar, shu jumladan Coca-Cola, Unilever va boshqalar Facebook saytlaridagi e'lonlarni boykot qilishgan edi.

💻 Facebook rahbarlari tomonlar kelishuvga erisha olmagach, Sukerberg faollarning o'zi bilan uchrashishga rozi bo'lgan edi. Uchrashuv Zoom orqali bo'lib, bir soatdan ko'p davom etdi.

“Kompaniya rahbarlari bizning talablarimizni bajarmay bizni ishontirishga harakat qilishdi. Facebook hanuzgacha o'z foydalanuvchilari, reklama beruvchilari va keng jamoatchilikka javobgarlikdan voz kechayotganidan juda xafa bo'ldim. Facebook bizning bugungi uchrashuvimizga xuddi PR tadbiridan boshqa narsa emasdek qaradi", - deydi Free Press hamkori Jessika Y. Gonsales.

💁🏻 Facebook vakilining so'zlariga ko'ra, ushbu yig'ilish kompaniya uchun aksiya tashkilotchilarini tinglash va nafratga qarshi kurashishga sodiqligini yana bir bor tasdiqlash uchun imkoniyat bo'lganligi aytilgan:

“...Ular bizni so'zimiz bilan emas, balki xatti-harakatlarimiz bilan hukm qilishlarini bilamiz va boshqa ko'plab tashkilotlarning doimiy ishtiroki uchun minnatdormiz"

P.S. Nima deb o'ylaysiz Sukerberg endi qanday chora ko'radi?

📲 Telegram | Facebook

​​Telegram kanalini qanday qilib noldan rivojlantirish kerak?

💡 Demak, siz kanal ochib, ishni boshlab oldingiz. Endi esa biz kanalingizni rivojlantirish uchun nima qilish kerakligi haqida bir qancha ma'lumotlarni siz bilan bo'lishamiz.

1️⃣ Dastlabki bir necha kun kanalingizni kontentga to'ldirib tashlang. Bo'sh bo'lgan kanalga hech kimning obuna bo'lgisi kelmaydi. Shuning uchun kuniga 1 yoki 2 ta post qo'yishingiz kerak, lekin birdaniga 10 talab qo'yib tashlamang.

2️⃣ Kanalni kontentga to'ldirib olganingizdan so'ng, unga obunachilarni taklif qilsangiz ham bo'ladi. O'zingiz uchun obunachi qo'shib olishingiz mumkin. Barcha tanishlaringizni unga taklif eting. Qancha ko'p odam sizning kanalingiz haqida xabar topsa, shuncha kanalingizning rivojlanishi oson bo'ladi.

3️⃣ Kanalingizni barcha ijtimoiy tarmoqlardagi sahifalaringizda reklama qilishga harakat qiling.

4️⃣ O'z chatingizni yarating. Bu obunachilarni tahlil qilish va ularning fikrlarini bilishga imkon beradi. Guruhni boshqarishingizda sizga @combot yaqindan yordam berishiga ishonamiz.

5️⃣ Kanallar katalogi start uchun ajoyib vosita. Kanalingizni bepul kataloglarga joylashtirish mantiqqa ega emas, shuning uchun pullik kataloglarga joylashtiring va yetarlicha obunachilarga ega bo'ling.

6️⃣ O'zaro PR - kanal trafigini oshirish uchun eng samarali yo'llardan biri hisoblanadi. Biroq ehtiyot bo'ling, har qanday reklama sizning obunachilaringizga yoqmasligi mumkin. O'zaro PRdan foydalanayotgan paytingizni o'zidayoq reklama postni joylamang. Obunachilar reklama havolasiga kirib, o'zlari hozirgina o'tgan kanalning reklamasini ko'rib qolishadi.

P. S. Biz kanalingiz uchun foydali bo'la oladigan kanallarni va SMM rivojlanishdagi yangiliklarni muntazam kuzatib borishni tavsiya qilamiz.

📲 Telegram | Facebook

​​📌 AQSh kompaniyalari rekord darajada bankrot bo'ldi

Ulardan:

1. Victoria's Secret bankrotlik to'g'risida ariza berdi;
2. Zara 1200 ta do'konni yopdi;
3. La Chapelle 4391 ta do'konni yopdi;
4. Chanel ishlab chiqarishni to'xtatdi;
5. Patek Philippe ishlab chiqarishni to'xtatadi;
6. Shu jumladan, Rolex ham;
7. Nike jami 23 milliard dollarlik qarzlarga ega;
8. Gold's gym bankrotlik to'g'risida ariza berdi;
9. AirBnb asoschisining ta'kidlashicha, pandemiya sababli 6 hafta ichida 12 yillik urinishlar yo'q qilindi;
10. Hatto, Starbucks ham 400 ta do'konini abadiy yopishini e'lon qilishdi;
11. Nissan Motor Co. yopilishi mumkin;
12. Eng yirik avtomobil lizing kompaniyasi (Hertz) bankrotlik to'g'risida da'vo arizasi bilan chiqdi;
13. Eng yirik yuk tashish kompaniyasi (Comcar) bankrot deb e'lon qilindi - ular 4000 ta yuk mashinalariga ega;
14. Eng qadimgi chakana savdo shirkati (JC Penny) bankrotlik uchun ariza bergan - Amazon tomonidan sotib olinadi;
15. Dunyoning eng yirik investori (Uorren Baffet) so'nggi 2 oy ichida 50 milliard dollar yo'qotdi;
16. Dunyodagi eng yirik investitsiya kompaniyasi (BlackRock) global iqtisodiyotdagi falokat to'g'risida signal beradi - u 7 trln. dollardan ortiq mablag'ni boshqaradi;
17. Amerikaning eng yirik savdo markazi (Mall of America) ipoteka kreditlarini to'lashni to'xtatdi.

ℹ️ 2020-yilda 12 000 dan 15 000 tagacha chakana savdo do'konlarining yopilishi kutilmoqda. Ishsizlik bo'yicha da'volar soni rekord darajaga yetdi: 38+ million ya'ni ishsizlik darajasi 25% dan ortiq (160 million mehnatga layoqatli aholining qariyb 40 millioni ishsizlardir). Daromad bo'lmasa, iste'mol talabi keskin tushib ketadi va iqtisodiyotning erkin pasayishiga olib keladi.

P. S. Nima deb o'ylaysiz AQSh bu vaziyatdan qanday chiqib ketadi?

📲 Telegram | Facebook

​​Instagram qulaylik yaratishdan charchamaydi

📌 Instagram matbuot xizmatining yozishicha, may oyidan beri sinab ko‘rilgan o‘ziga xos "Pinned comments" kuni kecha barchaga rasmiy ravishda e'lon qilindi.

💁🏻 Ya'ni Instagramning yangi xususiyati foydalanuvchilarga o'zlarining sevimli izohlarini postlarning eng yuqori qismiga qo'shish imkonini berdi.

💬 Belgilangan izohlar siz yoki boshqalar tomonidan bo'lishi mumkin. Izoh qadab qo'yilgandan so'ng, u qachon yozilganiga qaramay, postning yuqori qismida joylashgan bo'ladi. Foydalanuvchilar o'z tasmalarini ko'rib chiqqanida, birinchi navbatda qadalgan izohlarga ko'zi tushadi.

✅ Belgilangan izohlar foydalanuvchilar uchun salbiy izohlarni yashirish, shuningdek, izohlardagi suhbatni yaxshi nazorat qilishga yordam beradi.

P.S. Siz ham buni tasmangizdagi izohlarda sinab ko'rdingizmi?

📲 Telegram | Facebook

​​Instagramda avtomatik posting

🎗Instagram tasmasining 7 soatdan 14 soatgacha ishlashi eng faol vaqti hisoblanadi. Avtomatik joylashtirish xizmatlari O'zbekistonning barcha hududlariga moslashish imkonini beradi. Shuningdek, profilingizni bir hafta oldin tartib bilan to'ldirishingiz va undan keyin postlarni nazorat qilishingiz mumkin.

Avtomatik joylashtirish ilovalari quyidagilar:

1️⃣ Preview

To'liq funksionallikni yoqish

VSCO ilovasi kabi filtrlar sizga internetsiz ishlash va repost qilish imkoniyatini beradi. Shuningdek, cheksiz xabarlar, xabarlarni qayta tashkil etish, ularni tahrirlash, jadval, hashtag menejeri va hattoki analitika ham mavjud.

2️⃣ InPreview (faqat iOS uchun)

Faqat obuna uchun to'lash

Bu ilova instagram postlarini rejalashtirishga yordam beradi. Bu ilova orqali tasmadagi fotosuratlarni ko'chirish, ularni ijtimoiy tarmoqqa yuborish imkoniyati va filtrlar mavjud. Bepul versiya faqatgina bitta profilni boshqarish hamda postdan xabarni yashirib yangi fotosuratlarni yuklash imkoniyatini beradi. Premium versiyada funksionallik yanada kengroq bo'ladi.

P. S. Ilgari hech bu haqida eshitganmisiz?

📲 Telegram | Facebook

​​Auditoriya yig'ishning samarasiz usuli

Ijtimoiy tarmoqlarning tez auditoriya yigʻish usullari orasidagi eng noo'rin usul — bu giveaway'lar. To'g'ri , bu arzon va bu orqali bir vaqtning o'zida juda katta auditoriya yigʻib olsa boʻladi.

💁🏻‍♂️ Biroq ozgina aql ishlatish orqali bir narsani tushunib olish mumkin. Giveaway orqali yigʻilgan auditoriyaga:

🔷 Sizning post va maqollaringiz qiziq emas;

🔷 Ular faqat vaʼda berilgan sovgʻa uchun kelishdi;

🔷 Giveaway tugagandan keyin nima qilasiz? Koʻpchilikka oʻxshab akkauntni axlat qutisiga tashlaysizmi?

🔷 Instagram ham give'larga qarshi va ularni amal oshirishga har tomonlama toʻsqinlik qilishi, obunalarni cheklab, bloklab qoʻyishi mumkin.

Giveaway'larning marketing bilan hech qanday aloqasi yoʻq. Hech bir haqiqiy mutaxassis sizga buni maslahat bermaydi. Bunday xatolarga, ayniqsa, yosh SMM mutaxassislar yoʻl qoʻymasligi kerak. Chunki sovg'ali o'yinlar bilan yig'ilgan auditoriyaning maqsadi ham sovg'a bo'ladi.

P. S. Siz ham bu usuldan foydalanganmisiz yoki faqat ishtirokchisi bo'lganmisiz?

📲 Telegram | Facebook