«Raqamli marketing» kanalida shu paytgacha chiqqan postlar orasida eng muhim va foydalilari:

🔹 Mualliflik huquqining buzilishi
🔹 DMWF onlayn konferensiyasi
🔹 Kontekstli reklama nima?
🔹 Reklama samaradorligini qanday baholash mumkin?
🔹 SMM'ga yaxshi munosabatda bo'lish
🔹 Coca Colaning internet tarmoqlaridagi marketing strategiyasi
🔹 Target yoki blogerlar
🔹 Marketingda rasmlardan toʻgʻri foydalanish
🔹 Marketing o'rganishdagi top kitoblar
🔹 Telegram kanalni noldan rivojlantirish
🔹 Instagramda avtomatik posting
🔹 Auditoriya yig'ishning samarasiz usuli
🔹 Amerikadagi umrbod ishlaydigan obuna
🔹 Telegramdan yangi innovatsiya
🔹 Eng mashxur emojilar
🔹 Adobe kompaniyasi nimani hisobiga kun kechiradi?
🔹 Photoshopda dollarga ishlov bersa bo'ladimi?
🔹 VPN foydalanish hududimizni biladimi?
🔹 Youtuber'likka qiziquvchilar uchun bepul maslahat
🔹 Twitter yangi funksiyalar joriy qilmoqda

🔄 Ro'yxatning oxirgi marotaba yangilangan vaqti: 03.08.2020

​​Marketologlar yetishib chiqadigan top 3 ta oliygohlar

🤓 Esingizda bo'lsa, yaqin kunlar oldin marketingni o'rganish uchun foydali bo'lgan kitoblar ro'yxati bilan tanishtirgan edim. Bugun bo'lsa, kuchli marketologlar yetishib chiqadigan top oliygohlar bilan sizlarni tanishtiraman.

🙃 Ogohlantirib qo'yay, ushbu ro'yxatda o'zbek oliygohlari yo'q, chunki marketing mutaxassislari juda juda kam.

1️⃣ HEC Paris - Fransiyada joylashgan universitet. 2018- yildan beri dunyodagi biznes, marketing, menejment oliygohlari bo'yicha eng kuchlisi. 2017- yil statistikasiga ko'ra Yevropadagi 500 ta eng nufuzli kompaniya rahbarlari aynan shu universitetni tamomlagan.

2️⃣ Imperial College London - Buyuk Britaniyada joylashgan oliygoh. Biznes, marketing, muhandislik va tibbiyotga ixtisoslashgan universitet. Darajasi bo'yicha hatto Oxford universitetidan ham yuqori darajada turadi.

3️⃣ Columbia Business School - AQSHning Nyu-York shtatida joylashgan, Kolumbiya Universitetiga qarashli biznes maktab. 1916 yilda tashkil etilgan Kolumbiya Biznes Maktabi dunyodagi eng qadimgi biznes maktablaridan biridir. Marketing va biznes bo'yicha yuqori malakali mutaxassislarni tayyorlovchi oliygoh hisoblanadi.

Agarda bu ma'lumotim sizlar uchun foydali bo'lsa, kelajakda yaxshi marketolog bo'lib ketsangiz, meni ham eslab qo'yarsiz 😉

📲 Telegram | Facebook

Telegramdan SMM menejerlar uchun xushxabar

🙃 Hammaga tanish bo'lgan analitika qilishda juda yordam beradigan TGStat har bir repostdan qancha prosmotr kelishini ko'rsata boshladi.

Asosiysi, siz endi kimningdir xabarini kanalingizga repost qilsangiz, ushbu xabar noldan boshlab hisoblanadi.

Ya'ni, har bir ulashilgan xabarni kimni kanalida necha marotaba ko'rilganini hisoblash imkoniga ega bo'lasiz 🤩

📲 Telegram | Facebook

​​Facebook ads Google adwordsdan arzonroqmi?

🙃 Facebook'ning iqtisodiy narxi sizga bog'liq. Gap siz foydalanmoqchi bo'lgan byudjet haqida emas, gap o'z auditoriyangizni qanchalik yaxshi yo'naltirayotganingiz haqida. Auditoriyani to'g'ri tanlay olsangiz, reklamalar bilan kamroq vaqt o'tkazasiz.

🤓 Hozir 2 reklama kanali turini taqqoslab, yuqoridagi savolga javob berishga harakat qilaman:

Targeting: Facebook ads Google PPCdan farqli o'laroq, ma'lum bir auditoriya vositasiga ega, unda siz o'z kalit so'zlaringizga asoslanib ko'plab omillar orasidan o'z auditoriyangizni tanlashingiz mumkin. Agar siz Facebook'da tor va aniq maqsadli auditoriyani belgilasangiz, unda har bir bosish (click) uchun narx kamayadi.

⏳ Vaqt: Google'da sizning reklamangiz qidiruv bilan bog'liq bo'lib, sizning potensial mijozingiz aniq bir narsani qidirayotganini yoki hoziroq sotib olishga tayyorligini anglatadi. Facebookda kam odam ma'lum bir mahsulotni qidiradi, shu sababli kuzatuvchilar sizning reklama kompaniyangiz natijalarida muhim rol o'ynaydi.

🎯 Reklama sifati va moslashuvchanligi: Google orqali sizning reklamalaringiz qiziqtiruvchi bo'lolmaydi. Buning o'rniga Facebookda siz grafikalar, chiroyli fotosuratlar yoki videolarning karuselini joylashtirishingiz mumkin.

😀 Yuqoridagi usul bilan reklama berish uchun qaror qabul qilishda, o'zingiz ishlayotgan biznes turi va auditoriyangizning xususiyatlarini yodda tutishni unutmang.

📲 Telegram | Facebook

Demarketing o'zi nima?

Demarketing - teskari marketing, ya'ni talabni ataylab cheklash va kamaytirishga qaratilgan strategiya.

"Xo'sh, u bizga nima uchun kerak?" - dersiz.

Avvalo, u davlat tomonidan ma'lum bir mahsulotni iste'mol qilishni cheklash uchun ishlatiladi. Chekish, alkogol va hokazolar buning yaqqol misoli.

Bundan tashqari, u tovarlarni bozordan to'liq chiqarib olishga ham xizmat qiladi. Ayniqsa, mahsulot sog'liq uchun zararli bo'lsa. Samsung kompaniyasi o'zining "portlovchi" Galaxy Note smartfonlarini tortib olganligi esingizda bo'lsa kerak.

Demarketingning salbiy tomoni ham bor. Agar mamlakatda ba'zi filmlarni namoyish qilish to'xtatilsa, tabiiyki, biz uni internetdan qidirishni boshlaymiz. Shunda qidirish soni ham sezilarli darajada oshadi.

Sababi esa oddiy - ko'rishni istamaganlar ham negadir uni ko'rishga qiziqib qolishadi.

📲 Telegram | Facebook

Donald Tramp so'zining ustidan chiqdi

Anchadan buyon, ijtimoiy tarmoq foydalanuvchilari orasida ko'p muhokama qilinayotgan TikTok va nihoyat AQSh'da bloklanishi to'g'risidagi qaror imzolandi.

Esingizda bo'lsa, Tramp bu ijtimoiy tarmoqni Amerikada bloklashni qat'iy aytgandi. Prezident imzo chekkan, qarorda nafaqat, TikTok balki, Wechat ilovasi ham bloklanishi kerak.

Ushbu imzolangan qaror, 45 kundan so'ng kuchga kiradi. Shu kunga qadar biron bir Amerika kompaniyasi TikTokni sotib olsa, tarmoq bloklanishdan qochishi mumkin. Shuning uchun Microsoft hozirda muzokaralarni olib bormoqda.

Qaror kuchga kirgandan so'ng, har qanday Amerika fuqarosi, yuqorida aytilgan ilovalardan foydalansa, katta miqdordagi jarimaga tortilishi mumkin.

📲 Telegram | Facebook

Twitter TikTok bilan birlashishi mumkin

Shu TikTok masalasi juda juda chigallashib ketdi. Tramp bloklayman desa, yana boshqasi uni sotib olaman deydi.

Bugungi olingan ma'lumotlarga ko'ra, Twitter kompaniyasi TikTok bilan birlashishi haqida muzokaralarni boshlab yubordi. Bu muzokara to'g'risida batafsil ma'lumot berilmagan.

Undan tashqari, Twitter TikTok bilan kelishuvni moliyalash uchun investorlar yordamiga muhtoj ekanligini ochiqlagan. Eng qiziqarlisi, bir necha kun oldin Microsoft TikTokni bir qismini sotib olish uchun 30 mlrd$ to'lashi haqida aytgandi.

Endi hisoblab chiqsak, Twitterning kapitalizatsiyasi 29 mlrd$, Microsoftniki esa 1,6 trln$ ni tashkil qiladi.

Endi bir savol, Twitter qaysi puliga bitim imzolamoqchi ekanaa? Nima deb o'ylaysizlar?

📲 Telegram | Facebook

​​📙 Targetologning lug'ati

Bugun sizlarni targetologlarning maqsadli lug'ati bilan tanishtirib o'tmoqchiman. Albatta, bilish foydadan holi bo'lmaydi😇

• Target (Targeting) - muayyan mezonlarga muvofiq tuzilgan ijtimoiy tarmoqlarda reklama.

• Tizer - maqsadli auditoriya ko'radigan tanlangan reklama.

• Retargeting - mahsulotni sotib olish yoki xizmatdan foydalanish uchun saytga tashrif buyurgan foydalanuvchilarga reklamalarni namoyish qilish.

• Показы - foydalanuvchilarga ko'rsatilgan reklama soni.

• Oxvat - reklamani ko'rgan foydalanuvchilar soni.

• Parsers - ma'lum belgilarga muvofiq foydalanuvchilar yoki foydalanuvchi identifikatorlari to'g'risidagi ma'lumotlarni to'playdigan dasturlar.

• Parsing - tahlil qilish xizmatlaridan foydalangan holda maqsadli auditoriyani to'plash.

• Pixel - sizning saytingiz uchun JavaScript kodining bir qismi bo'lib, u sizga reklama va qayta rejalashtirish uchun auditoriyani topishga imkon beradi.

• Lid - mahsulot yoki xizmatga qiziqish bildirgan tarmoq foydalanuvchisi (telefon raqami yoki elektron pochta manzilini qoldirgan foydalanuvchi).

• Lidogeneratsiya - potentsial mijozlarni jalb qilish va yetakchilik qilish.

• CPC (Cost-per-click) - reklama beruvchiga faqat sizning tashrif buyurgan sahifangizda olgan bosishlaringiz uchun to'lashga rozi bo'lgan miqdor.

• CPM (Cost-per-thousand) - bu siz olgan har ming ko'rsatma uchun to'lanadigan miqdor, reklama bilan hech qanday aloqasi yo'q.

• ROI (Return on Investment) - investitsiyadan tushgan daromad - investitsiya qiymati.

• KPI (Key Performance Indicator) - rejalashtirilgan maqsadga erishish ko'rsatkichi.

📲 Telegram | Facebook

Trenddan o'rinli foydalanish haqida

Bugun ijtimoiy tarmoqlarda faoliyatimizdan rozimisiz ma'nosidagi so'rovnomalar trendga chiqdi. Bularning barchasi Mahalla xayriya jamoat fondi tomonidan tuzilgan so'rovnoma tufayli yuzaga keldi.

O'zlari bilmagan holda ijtimoiy tarmoq foydalanuvchilarini oz bo'lsa-da kayfiyatini ko'tarishdi va eng asosiysi kun mavzusiga aylanishdi.

Ammo, shu vaziyatga tez moslashib trenddan o'rinli foydalanganlar rosti meni hayratlantirdi. Holatga tez moslashib, trenddan o'rinli foydalangan Nozim Safari, Xushnudbek, Alimoff va Najot Ta'lim kanali yurituvchilariga alohida minnatdorchilik bildirmoqchiman.

Qisqasi shunaqa gaplar. Do'stlar, trenddan o'rinli foydalanishingiz siz uchun juda katta + olib kelishi mumkin. Shunchaki, vaziyatga moslasha olishni va to'g'ri fikrlay olsangiz bas 😁

SMM yuritishda trendlardan foydalanish yaxshi effekt olib keladi.

📲 Telegram | Facebook

Eng ko'p tashrif buyurilgan saytlar

2020-yil iyul oyi holatiga ko'ra, Rossiya internet foydalanuvchilari eng ko'p tashrif buyurgan saytlar ro'yxati tuzildi.

1 yandex.ru =
2 vk.com =
3 google.com =
4 youtube.com =
5 mail.ru =
6 ok.ru =
7 avito.ru =
8 instagram.com =
9 facebook.com =
10 google.ru =
11 wildberries.ru =
12 wikipedia.org +1
13 gosuslugi.ru -1
14 market.yandex.ru +2
15 gismeteo.ru -1
16 drom.ru +1
17 rambler.ru -2
18 aliexpress.ru +3
19 sberbank.ru +1
20 xvideos.com -1
21 twitter.com +7
22 lenta.ru +1
23 ozon.ru +1
24 news.mail.ru +3
25 rbc.ru +1
26 ria.ru +3
27 2gis.ru +7
28 kinopoisk.ru +2
29 auto.ru +6
30 hh.ru +9

👀 Eshittinglarmi, Rossiyaliklar vaksina ixtiro qilishipti?

📲 Telegram | Facebook

Androidchilar uchun yangilik

Yaqinda Telegram IOS uchun test rejimida video qo'ng'iroq funksiyasini ishga tushirgan edi. Ko'p vaqt o'tmasdan, ushbu funksiya Android foydalanuvchilari uchun beta 7.0.0 versiyasida taqdim etildi.

Ushbu funksiya test rejimida ishga tushirildi. Betani mana bu yerdan yuklab olsangiz bo'ladi: http://t.me/betainfo/270

📲 Telegram | Facebook

​​1 kun, 1 soat, 1 daqiqa

Bu ma'lumot barchangizga qiziq bo'lsa kerak. Chunki, bir kun davomida dunyo bo'ylab nimalar bo'lishi har bir insonga qiziq.

Xo'sh, dunyo bo'ylab nimalar bo'layotganini OAV lar yordamida bilishimiz mumkin. Ammo, internetda 1 kun davomida nimalar bo'lishini, har doim ham bilavermaymiz. Kelinglar bo'lmasa, bugun internetda bir kun emas bir soat ham emas, bir daqiqada nimalar bo'lishi haqida gaplashamiz.

2020-yil ortda qolgan yillarga nisbatan juda boshqacha bo'ldi. Ayniqsa, pandemiya insonlarni uyga qamab qo'ydi va bu esa internetga bo'lgan bosimni oshishiga olib keldi.

Har yili "Domo" kompaniyasi internetda 1 daqiqada nimalar bo'layotganini aks ettirgan Data Never Sleeps infografikasini ishlab chiqadi. Bu yilgi ma'lumotlar juda boshqacha, masalan:

🔹 Facebook foydalanuvchilari 147 ming rasm yuklaydi;
🔹 Instagram foydalanuvchilari 347 mingdan ortiq storieslar joylaydi;
🔹 YouTube ijodkorlari 500 soatlik video yuklaydi.

Endi tasavvur qilib ko'ringlar, 1 daqiqada shuncha narsa bo'layotgan bo'lsa, 1 yilda nimalar bo'lib ketadi :) Shunchaki, hammaga tanish bo'lgan platformalarning statistikasi bilan tanishtirdim. Qolgan ma'lumotlarni quyidagi rasmdan olishingiz mumkin.

Ma'lumot siz uchun qiziq bo'lsa, do'stlaringizga ulashishni unutmang.

📲 Telegram | Facebook

​​🤖 @joinhider_bot nima va u qanday ishlaydi?

Bugun sizlarga ushbu botning vazifasi, uni qanday topish mumkinligi va undan qanday to'g'ri foydalanish kerakligi haqida gapirib o'tmoqchiman.

Ushbu bot foydalanuvchilarning guruhga qo'shilgani hamda guruhdan chiqib ketgani haqidagi xabarlarini o'chirish uchun xizmat qiladi.

Botni qidirish Telegramda kanal izlashdan farq qilmaydi. Uni ushbu @joinhider_bot username orqali osongina topa olasiz.

Foydalanishga kelsak, botni guruhga admin sifatida qo'shib, xabarlarni o'chirish uchun ruxsat bersangiz kifoya. U sizdan boshqa ruxsatnomalar talab qilmaydi.

Guruhingizni keraksiz xabarlar bilan to'ldirishni istamasangiz, ushbu botni qo'shib qo'yishni unutmang🙃

📲 Telegram | Facebook

​​‍‍Twitterda qanday qilib pul topish mumkin?

- Nima? Oʻzbekistonda twitterdan pul topish?
- Albatta, buni imkoni bor.

Deyarli barchamiz twitter qanday tarmoq ekanini, umuman twitter degan platforma borligini bilamiz. Lekin bu orqali daromadimizni koʻpaytirish uchun harakat qilmaymiz. Barchamiz aytadigan gap esa shunday: “Bizda hech kim ishlatmaydi”.

🤫 Endi bu yogʻini diqqat bilan oʻqing! Uncha muncha odam eshitmagan maʼlumotlar qarshisida turibsiz.

Twitter haqida umumiy gaplarga toʻxtamayman-da gapni indallosiga oʻtib, twitterda pul topish uchun kerakli maʼlumotlar va bir nechta bosqichlar bilan sizlarni tanishtiraman.

1️⃣ Avvalo, biror yoʻnalish tanlang. Agar oʻz biznesingiz boʻlsa, shu boʻyicha, boʻlmasa oʻzingiz qiziqqan biror yoʻnalish boʻyicha akkaunt oching. Roʻyxatdan oʻtganingizdan keyin maʼlumotlaringizni yozib, avatar uchun rasm qoʻying va uni mukammal tartibda toʻldiring (maʼlumotlar pala-partish yozilgan boʻlsa qiziquvchilarning koʻpayishi qiyin).

2️⃣ Soʻng followerlar yaʼni sizni kuzatib boruvchilarni koʻpaytiring. Agar sizni hech kim kuzatmasa, deyarli pul topishning imkoni ham yoʻq. Xoʻsh, buni qanday uddalaymiz? Kuzatuvchilarni jalb qilishning eng oson usuli doimiy faol boʻlishdir. Koʻp sahifalarga aʼzo boʻling va ularga izohlar qoldirib, layklar bilan siylang.

3️⃣ Shuningdek, tvit yozayotganda doim hashtaglardan foydalaning. Bu ham juda samarali usul hisoblanadi. Masalan, marketing haqida yozsangiz, shunga doir bir nechta hashtag qoʻying. Sababi boshqalar shu mavzuni qidirganda sizni topishadi.

😎 Twitterda pul topish! Eng qiziq joyiga ham yetib keldik.

Kuzatuvchilaringiz ortib, koʻpchilik orasida tanilib qolganingizdan keyin homiylik tvitlardan foydalaning. Agar ancha mashhur boʻlib olgan boʻlsangiz, katta yoki kichik xizmat koʻrsatuvchilar va brendlar haqida tvitlar yozganingiz evaziga pul topishingiz mumkin.

🔗 Hattoki, tvitlaringizga pul toʻlashni istagan onlayn platformalar ham mavjud. Bulardan ikkitasi:
– SponsoredTweets
– PaidPerTweet
Koʻrib turganingizdek ular tvit yozishingiz uchun pul toʻlashadi.

😉 Qisqasi, twitter bilan juda katta ishlarni amalga oshirish mumkin. Hozircha shular bilan kifoyalanaman. Agar ochilgan mavzu sizga qiziq boʻlsa, izohlarda oʻz fikrlaringizni qoldiring. Yana shu mavzuda maqolalar koʻrishni istasangiz esa layklarni ayamasdan bosing.

❗️ Ha aytgancha, ertaga bizda twitter shiddat bilan rivojlanib ketsa, essiz avvalroq akkaunt ochib, yuritib qoʻymagan ekanman deb yurmaslik uchun bu ishlarni hozirdan boshlang!

📲 Telegram | Facebook

​​Qo'shaloq bayram?!

Bugun Telegram 7 yoshga to'lish arafasida Android'li qurilma egalari uchun rasmiy ravishda video qo'ng'iroqlar funksiyasini taqdim etdi. Nega faqat Android? Chunki iOS moderatorlari o'z vaqtida yangi versiyani tekshirib bo'lishga ulgirmagan ekan. Lekin imkon tug'ilishi bilanoq iOS uchun ham rasmiy ravishda chiqishi aniq.

Shu o'rinda Telegram iOS emas balki "foydalanuvchi va dasturchilarga hurmat bilan qaraydigan boshqa platformalarga (masalan, Andorid 😉) o'tib olish vaqti kelmadimikin kabi gaplarni ham yozib "xitrilik yo'llari bilan" odamlarni Apple'dan sovutmoqchi shekilli.

Raqobat o'z yo'liga, men esa Play marketga telegramni yangilash uchun ketdim 😊.

SMM'ni qayerda o'rgansa bo'ladi?

Esingizda bo'lsa, kanalimiz obunachilari uchun maxsus guruh tashkil qilgandik. Guruhda SMM va marketingga oid savol javoblar juda qizg'in bo'lyapti.

Undan tashqari, ko'pchilik SMM'ni qayerda o'rgansam bo'ladi, yoki, o'rganish uchun qanday maslahat berasiz ma'nosida savollar yuborishyapti.

Kelib tushgan barcha savollarni hisobga olib, barchasiga bir qilib javob bermoqchiman. SMM'ni o'rganish uchun Najot Ta'lim markazini tavsiya qilaman.

SMM'ga oid darsliklar markazning YouTube sahifasiga joylashtirilgan. O'zingizni qiziqtirgan savollarga markazning ijtimoiy tarmoqlardagi sahifalari orqali javob olsangiz bo'ladi.

👉 YouTube sahifaga o'tish

P. S. Bu keltirilgan maslahatlar hech qanday tijoriy hamkorlik yoki reklama yuzasidan berilmayapti!

📲 Telegram | Facebook

​​Haftalik ijtimoiy tarmoqlar va SMM yangiliklari

Bugungi maqolada bir hafta davomida gigant tarmoqlar va SMM atmosferasida qanday yangiliklar bo'lgani bilan tanishishingiz mumkin. O'ylaymanki, bu hammaga qiziq.

Facebook:

🔹 Rossiyada Facebook Pay to'lov xizmati ishga tushirildi;
🔹 COVID-19 haqidagi maqolalarni ko'rsatishdan oldin ogohlantirish;
🔹 1000 dan ortiq maqsadli variantlarni olib tashlash (target);
🔹 TikTok'dagi kabi qisqa videolarni test qilib ko'ra boshladi;
🔹 Ovoz berish uchun axborot markazini ishga tushirdi;
🔹 Guruhlardagi individual xabarlar uchun batafsil tahlilni sinab ko'radi (faqat guruh adminlari uchun).

Instagram:

🔹 Discover bilan Reelsni o'rnini almashtirish muhokamasi;
🔹 Shubhali hisoblarni tekshirishni boshladi;
🔹 Pro kamera rejimini qo'lda sozlash bilan sinovdan o'tkazadi;
🔹 Storieslarga subtitrlar qo'shish variantini sinab ko'radi.

Twitter:

🔹 Tvit qoldirishdan oldin haqoratli tvitni tahrirlashni taklif qiluvchi xususiyat yangilandi;
🔹 Ovozli xabarlarni DM-ga yuborish imkoniyatini sinab ko'radi;
🔹 Tvitga kim javob berishni tanlashingiz mumkin bo'lgan funksiya barcha foydalanuvchilar uchun mavjud bo'ldi;
🔹 Tvitlarni avtomatik tarjima qilishni sinab ko'radi.

TikTok:

🔹 Blogerlarga to'lovlarning "birinchi to'lqini" ni e'lon qildi;
🔹 Brendlar uchun yangi o'quv platformasini ishga tushirdi;
🔹 Ikki faktorli autentifikatsiya qo'shildi.

📲 Telegram | Facebook

​​🤔 Instagram foydalanuvchilari bu haqida eshitganmi?

Instagramning eng diqqatga sazovor joyi - bu profilimizda doimiy ravishda ko'rsatishimiz mumkin bo'lgan Instagram stories hisoblanadi. Biroq ularni faqatgina 24 soat saqlay olamiz.

Agar ularni highlightsga qo'shsak, istagancha ko'rish va saqlash imkoniyatiga ega bo'lamiz. Shubhasiz, highlights taassurotlarga boy storiesimizni saqlash uchun eng yaxshi usul hisoblanadi.

Shuningdek, hozir Instagram highlightsiga oid bir faktni sizlar bilan bo'lishmoqchiman. Instagramda highlights qo'yish uchun limit mavjud bo'lib, biz bir highlightsda 100 dan ortiq stories qo'ya olmaymiz.

😶 Agar Instagramdan faqat kuzatuvchi sifatida foydalansangiz, buni guvohi bo'lmagan bo'lishingiz tabiiy hol. Chunki odatda oddiy foydalanuvchilarga qaraganda mashhurlargina o'z Instagram sahifalarida ushbu ko'rsatgichga yetadigan miqdorda highlights qo'yishlari mumkin bo'ladi.

📲 Telegram | Facebook

"To'pni emas, postni uzat!"

SMM sohasi bilan shug'ullanib keladigan insonlar gap qaysi so'z haqida ketayotganini bilishgan chog'i miyig'ida jilmayib qo'yishdi.

Repost - bu so'z bizga ijtimoiy tarmoqlarda yod bo'lib ketgan bo'lsa-da, bu so'zga ta'rif berishni xohladim 🙃

📱 Odatda biror bir tarmoqda vaqt o'tkazayotib, chiroyli yoki hazilomus postga ko'zimiz tushadi va bexosdan uni do'stlarimiz bilan ulashamiz. Mana shu harakatlar jamlanmasi marketing tilida aytganda "Repost" bo'ladi.

😉 Xuddi futbolchilar bir biriga to'pni ulashgandek, siz ham kanalimizdagi foydali postlarni o'z do'stlaringizga ulashing va repost qanday bo'lishini o'z ko'zingiz bilan tomosha qiling!

📲 Telegram | Facebook