​​Trello nima va undan qanday maqsadlarda foydalanish mumkin?

Bugun sizlarga anchadan beri oʻzim foydalanib keladigan, juda ham bir foydali boʻlgan platforma haqida maʼlumot beraman. Masalan: kuningizni tartiblash, rejalarni samarali boshqarish, kerakli natijalarga erishishda yaxshigina qulaylik yaratadigan ajoyib instrument.

Trello — rejalashtirish, loyihalarni boshqarish, startaplar, kompaniya vazifalarini nazorat qilishga moʻljallangan eng mashhur onlayn platformalardan biri. Bunda yapon metodikasi hisoblangan kanban taxtasi, ishlarni samarali tashkil etishga imkon beradi.

Asosiy afzalliklari:
- sodda interfeys;
- cheksiz bepul kirish imkoniyati;
- foydalanish qulayligi, keng imkoniyatlar va boshqa mashhur saytlar bilan onlayn birlashish;
- Veb, iOS va Androidlar uchun mavjudligi.

Eng muhim jihati shundaki, mutlaqo bepul va cheksiz foydalanish mumkin. Albatta bepul versiyada bir nechta funksiyalar mavjud emas, lekin mavjud funksiyalarni oʻzi ham katta imkoniyatlar beradi.

Ertaga katta muvaffaqiyatlarga erishishingizda yordami tegsa meniyam eslab qoʻyarsizlar-a 😉

📲 Telegram | Facebook

Haftalik ijtimoiy tarmoqlar va SMM yangiliklari

Hafta davomida gigant tarmoqlar va SMM atmosferasida qanday yangiliklar boʻlgani bilan tanishtirib oʻtaman. Oʻylaymanki, bu hammaga qiziq.

Facebook:

▪️ Namoyish etiladigan reklamalar soniga cheklov kiritadi;
▪️ Hisobotlarni yuklashning maksimal muddatini 37 oyga belgilaydi;
▪️ Talabalar uchun Campus xizmatini ishga tushiradi;
▪️ Guruhlarda "Mening postlarim" boʻlimini sinovdan oʻtkazyapti;
▪️ Shaxsiy avatardan foydalangan holda postlar uchun fon qoʻyish imkoniyati;
▪️ Messenger'da Reply reminder funksiyasini sinab koʻradi, (xabarga javob berish uchun eslatma);
▪️ Ruhiy salomatlikni qoʻllab-quvvatlash uchun yangi funksiya eʼlon qildi;
▪️ Amerikaliklarni saylovlarda koʻngilli boʻlishga taklif qilyapti.

Instagram:

▪️ Yangi asosiy oynaning uchta versiyasini sinovdan oʻtkazyapti;
▪️ Pochta orqali ovoz berish uchun alohida stikerlarni ishga tushirdi;
▪️ Captions stikerini sinovdan oʻtkazyapti;
▪️ Asosiy lentaga Reels tavsiyalarini qoʻshadi;
▪️ Tez orada Instagram'da Rooms (Facebook'dan video suhbatlar) funksiyasi chiqadi.

TikTok:

▪️ TikTok algoritmlari qanday ishlashi haqida aytib berdi;
▪️ Batareyani tejash imkoniyatini sinovdan oʻtkazyapti;
▪️ Avgust oyida eng koʻp yuklab olingan dasturga aylandi (63,3 million yuklangan).

Roʻyxatda koʻrsatilgan yangiliklarning koʻplari hali test qilinyapti, baʼzilari faqat bizda chiqmagan boʻlishi mumkin. Umid qilamizki tez orada ushbu imkoniyatlardan foydalanish barchamizga nasib qiladi.

📲 Telegram | Facebook

​​Facebook yangi funksiyani sinovdan oʻtkazmoqda

Tez orada stories'larni 3 kun davomida koʻrish imkoniyati qoʻshilishi mumkin. Hozirda 24 soat turgan boʻlsa, ushbu funksiya ishga tushganida, ikki versiyadan birini tanlash mumkin boʻladi.

📲 Telegram | Facebook

​​Twitter dasturi uchun yangi dizayndagi icon (tugma) larni sinovdan oʻtkazmoqda. Avvalgi koʻrinishi shunchaki yozuvlardan iborat edi.

📲 Telegram | Facebook

​​PR-CY sayti haqida

Bugun sizlarga PR-CY portali haqida maʼlumot beraman. Bu portalni, ayniqsa, Veb dasturchilar, turli saytlarni yurituvchi, saytlar bilan ishlovchi doʻstlarimizga ancha manfaatli tegadi.

Raqamli marketing, SEO mutaxassisi, sayt administratorlari uchun, juda ham kerakli va foydali boʻlgan portal.

Bu sayt orqali siz: saytni toʻliq analiz qilish, sayt monitoringi va pozitsiyasini koʻrish, kunlik, haftalik, oylik maʼlumotlarni olish, nimani yaxshilash va qanday oʻzgartirish boʻyicha maʼlumotlarni olishingiz mumkin.

Bundan tashqari, saytda "Sayt almashinuvi", "Yangiliklar va maqolalar" boʻlimlari, portal mavzusidagi savol-javob xizmati va SEO forumi mavjud.

Haftalik hisobotlarni pochta orqali koʻrib borish imkoniyati ham bor. Agar saytni pullik versiyasini sotib olsangiz barcha imkoniyatlar toʻliq ochiq boʻladi. Lekin bepul versiyada ham, juda koʻp imkoniyatlarni ishlatish mumkin.

Sayt manzili: https://pr-cy.ru

📲 Telegram | Facebook

​​SMM'chilar uchun Facebook'dan xushxabar

Tez orada Facebook veb sahifa orqali, Creator Studio bilan Storis qoʻyish funksiyasini ishga tushirishi mumkin.

TNW tarmogʻining, ijtimoiy tarmoq boʻyicha direktori Mett Naverra'ning xabar berishicha, hozirda Facebook ushbu funksiya ustida sinov oʻtkazyapti.

📲 Telegram | Facebook

​​Instagram'da bir nechta o'zgarishlar

Instagram platformasida kutilayotgan o'zgarishlar bo'yicha, bir nechta xabarlarni birlashtirgan holda ma'lumot beraman. Sababi kunda bir o'zgarishlar chiqib turibdi, shularni jamlab so'nggi yangiliklar haqida qisqacha aytib o'taman. 📈

Instagram:

1️⃣ Profil icon'larida biroz oʻzgarishlar qilishi mumkin. Yangi dizaynda IGTV, maska va profil icon'lari rangli koʻrinishda boʻladi. Yangilik ommalashmasligi ham mumkin, lekin, shu koʻrinishda boʻlishi kutilmoqda.

2️⃣ Live translyatsiyalarni qayta ishlash ustida ishlamoqda. Endi jonli efirning sarlavhasi foydalanuvchi nomi oʻrniga koʻrsatiladi. Yuqorida oʻng tomondagi Live tugmasini bosish orqali, translyatsiyaga qoʻshilishni soʻrash mumkin boʻladi. Asosiy oynada faqat oxirgi yozilgan izohlar koʻrinadi.

3️⃣ Shular bilan birga Instagram, IGTV videolarini birgalikda tomosha qilish imkoniyati ustida ishlamoqda.

📲 Telegram | Facebook

​​Videoga Intro yasash uchun top 5 saytlar

Ushbu servislar orqali siz, yuqori sifatli Intro'larni yaratishingiz mumkin va ulardan, videolarni boshlanish nuqtasida foydalansangiz boʻladi.

Soʻnggi vaqtlarda tomoshabinlarda qiziqish uygʻotish uchun, bir necha soniyalik Intro'lar qoʻshish mashhur boʻlib, ular qanday maʼlumot kutayotganini shu orqali aks ettirish mumkin. Shuni inobatga olish kerakki, hozirda Intro'larni juda qisqa soniyalik qilish toʻgʻri hisoblanadi. Sababi uzun Intro'lardan hamma charchagan.

1. Renderforest
Brauzerdan kirgan holda toʻgʻridan-toʻgʻri slayd-shou, treyler, Intro va boshqa turdagi videolarni yaratishingiz mumkin. Hozirgacha Renderforest orqali 10 milliondan ortiq videolar yaratilgan, ular orasida mashhur YouTube kanallari uchun Intro'lar ham bor.

2. OFFEO Intro Maker
Interfeys juda sodda va qulay boʻlib, koʻplab bepul shablonlar mavjud. Siz faqat kanal nomi, avatar, tavsif, rasm kabi kerakli maʼlumotlarni qoʻshsangiz kifoya.

3. Biteable
Ikki oʻlchovli videolar yaratish uchun mashhur servis: foydalanish juda oson va tez ishlaydi. Eng muhimi, oddiy Intro yaratish uchun juda mos keladi, juda koʻp video kontent yaratuvchi insonlar Intro va Outro'larini ushbu servis yordamida yaratadilar.

4. Panzoid
Turli darajadagi tayyor shablonlardan foydalangan holda, murakkab animatsiyalar yaratish uchun juda qoʻl keladi. Panzoid yordamida siz turli oʻyin kanallari uchun 3D Intro'lar va taʼlim yoʻnalishidagi kanallar uchun 2D Intro'lar yaratishingiz mumkin.

5. Wideo
Ushbu servis nafaqat tayyor shablonlarni, balki koʻplab elementlarni ham taklif qiladi, bu bilan siz oʻzingizning videolaringizni oʻzgacha loyihalashingiz mumkin, bu boshqa tayyor shablonlar kabi boʻlmasligini taʼminlaydi.

📲 Telegram | Facebook

​​Raqamli olamda boʻlayotgan yangiliklar haqida chet el manbalari nima demoqda:

➖ Facebook zoʻravonlikni targʻib qiluvchi guruhlarni cheklash va tibbiy maslahatlar bilan boʻlishish boʻyicha yangi tizimni eʼlon qildi. Facebook endi ushbu guruhlarni foydalanuvchilarga tavsiya qilmaydi;

➖ Mark Sukerbergning aytishicha Facebook oʻzining ichki aloqa qoidalarini oʻzgartiradi, sabab qilib ijtimoiy va siyosiy mavzulardagi muhokamalarni ish mavzusidagi muhokamalardan ajratish koʻrsatilgan;

➖ Twitter AQShdagi saylovlar oldidan yirik siyosiy akkauntlarni yuqori xavfsizlik choralarini koʻrishga chaqiradi. Keyingi bir necha kun ichida platforma avtomatik ravishda baʼzi akkauntlar uchun parolni qayta tiklashdan himoya qiladi va ularga ikki faktorli autentifikatsiyani yoqishni ham tavsiya qiladi;

➖ Yirik texnologik kompaniyalar AQSh hukumati bilan saylovlarning haqqoniyligi boʻyicha oʻzlarining soʻnggi ishlarini natijasi bilan boʻlishdilar;

➖ Senatorlar Amazondan ishchilarning ijtimoiy tarmoqlardagi postlariga oʻgʻirlik qilishni toʻxtatishni talab qilmoqda.

📲 Telegram | Facebook

​​Millionlab odamlar sevgan Smayl'ning tug'ilgan kuni 🥳

🤓 Messenjerdagi zamonaviy yozishmalarimizni asosiy emotsiya beradigan Smaylsiz tasavvur qilish qiyin. Bugun uning tugʻilgan kuni, yaʼni bu u haqida koʻproq maʼlumot olish uchun sababdir.

▫️ Smayllarning tugʻilishi 38 yil oldin sodir boʻlgan. Keyinchalik, 1982-yil 19-sentyabrda Karnegi Mellon universiteti professori Skott Fahlman birinchi boʻlib ketma-ket uchta belgidan foydalanishni taklif qilgan: yoʻgʻon nuqta, defis va yopiladigan qavs :-), :-(

▫️ Shundan beri smayllar borgan sari rivojlanib boryapti. Hozirga kelib turli xil animatsion emotsiyalar, ularga turli nomlar ham chiqib ketgan. Biz foydalanayotgan smayllar emoji va animoji deb ataladi. Ya'ni harakatli va harakatsiz degan ma'noda.

😁 Eng qizigʻi boshida oʻylab topilgan klassik kulgichlar hech qayerda yoʻq boʻlib ketmagan va hanuzgacha mashhurligicha qolgan :-)

📲 Telegram | Facebook

​​Smayl'larga doir bir qator yangiliklar ham bor ekan. Xullas, 2021-yilgacha yana 217 ta yangi emoji chiqishi rejalashtirilgan.

Roʻyxatda koʻrish mumkinki, oʻzgarishlar juda katta emas. Asosan terining ranglari bilan bogʻliq. Yangi emojilar esa olovli yurak, bulutlar ichidagi emoji, ogʻzidan bugʻ chiqayotgan emoji va yaralangan yurak kabi koʻrinishlarda chiqadi.

📲 Telegram | Facebook

Haftalik ijtimoiy tarmoqlar va SMM yangiliklari

Hafta davomida gigant tarmoqlar va SMM atmosferasida qanday yangiliklar bo'lgani bilan tanishtirib o'taman. O'ylaymanki, bu hammaga qiziq.

Facebook

▪️ Storis'larni 3 kun davomida ko'rish imkoniyatini sinovdan o'tkazmoqda;
▪️ Endi guruhlarda ham reklama paydo bo'ladi;
▪️ "Birgalikda tomosha qilish" imkoniyati taqdim etildi - endi video qo'ng'iroqlar va Messenger video chatlari orqali videofilmlarni birgalikda ko'rish va muhokama qilish mumkin;
▪️ Platformada "Iqlim bo'yicha axborot ilmiy markazi" paydo bo'ldi;
▪️ Creator Studio'da storis'lar qo'yish imkoniyatlari bo'yicha o'tkazilayotgan sinovlar;
▪️ Creator Studio'da postlarning AB testini qilish imkoniyatini sinovdan o'tkazadi;
▪️ Onlayn translyatsiyalarga sun'iy intellekt bilan ishlaydigan subtitrlarni qo'shish;
▪️ Oculus Quest 2, Virtual ofis va AR ko'zoynaklarini taqdim etdi;
▪️ Kichik biznes uchun yagona dasturni taqdim etdi;
▪️ Har qanday kishining qaysi guruhlarga qo'shilganligini bilishga imkon beradigan xatolikni tuzatdi.

Instagram

▪️ IGTV videolarini birgalikda tomosha qilish imkoniyatini sinovdan o'tkazmoqda;
▪️ Biznes akkauntlar uchun tez-tez beriladigan savollar funksiyasi ustida ishlamoqda;
▪️ Instagram'da rus tilidagi avtomatik subtitrlar ishga tushirildi;
▪️ Instagram'dagi storis'lar oynasining o'lchami kattalashtiriladi;
▪️ Storis'larga "MultiCapture" imkoniyati qo'shadi.

Twitter

▪️ Ilova yangi icon (tugma) larni sinovdan o'tkazmoqda;
▪️ Yangi Holiday Hub mini saytini ochdi, unda maslahatlar, ta'tillar to'g'risida amaliy tadqiqotlar beriladi;
▪️ Guruhli audio chat funksiyasini sinovdan o'tkazmoqda.

WhatsApp

▪️ Veb versiyasini barmoq izlari yordamida himoya qilish funksiyasini sinovdan o'tkazmoqda;
▪️ Endi turli xil suhbatlar uchun turli xil fon rasmlarini o'rnatishga imkoniyat beriladi.

Youtube

▪️ Rejalashtirilgan translyatsiyalar va premyeralar uchun yangi bo'limni sinovdan o'tkazmoqda;
▪️ Pleylist'larni tahrirlash bilan bog'liq bir qator funksiyalarni olib tashlanganligini e'lon qildi;
▪️ YouTube Music'ning veb versiyada qo'shiq matnlari paydo bo'ldi.

Boshqa yangiliklar

▪️ 2021-yilgacha yana 217 ta yangi smayl paydo bo'ladi;
▪️ TikTok Apple Music'da musiqiy pleylist'larini ishga tushirdi.

ℹ️ Ro'yxatda ko'rsatilgan yangilik va imkoniyatlarning ko'plari hali test qilinyapti, ba'zilari faqatgina bizda chiqmagan bo'lishi mumkin. Umid qilamizki tez orada ushbu imkoniyatlardan foydalanish barchamizga nasib qiladi. Raqamli olamda bulardan tashqari yana juda ham ko'plab yangilik va o'zgarishlar bo'lib o'tgan.

📲 Telegram | Facebook

​​Yandex.Music orqali istalgan musiqani Instagram storis'larida ulashish mumkin

Uzoq kutilgan funksiya, endi Yandex.Music orqali o'zingizning sevimli musiqangizni Instagram storis'larida ulashish imkoniyatini mavjud. Storis'lar avtomatik ravishda albom muqovasi, musiqachining ismi va qo'shiqning nomi bilan tartiblanadi.

Avvalroq bu kabi funksiyani Apple Music va Spotify amalga olishgan edi.

📲 Telegram | Facebook

​​AQSh'da TikTok bloklanmaydigan bo'ldi

Esingizda bo'lsa bir yarim oylar oldin AQSh'da TikTok 45 kundan keyin bloklanar ekan, deb maqolalar yozayotgan edim. Shuncha vaqt bir pasta o'tib ketibdi.

🥱 Xullas, yana o'sha shov-shuvli mavzu TikTok. Eng so'nggi ma'lumotlarga qaraganda Donald Tramp TikTok'ning Oracle va Walmart bilan hamkorligiga rozilik bergan.

Unga ko'ra AQSh prezidenti Donald Tramp Amerikaning Oracle va Walmart kompaniyalari TikTok ilovasining 20 foiziga egalik qilishi bo'yicha kelishishgan.

▫️ Ya'ni TikTok ilovasi AQSh'da bloklanmaydi, chunki Oracle AQSh'ning TikTok foydalanuvchilari ma'lumotlarini "AQSh milliy xavfsizlik talablariga muvofiq" o'z ma'lumotlar bazasida saqlaydi. Bundan AQSh TikTok'ni to'liq sotib oldi degani kelib chiqmaydi. Chunki Xitoyliklar ham anoyi emas albatta. TikTok'ning 80 foiz ulushi Xitoyliklarga tegishli bo'ladi. Shunda ByteDance TikTok'ning asosiy aksioneri bo'lib qoladi.

▫️ Shunga qaramay bu qarorlar hali aniq shu ko'rinishda bo'ladi degani emas. Chunki ByteDance Tramp qo'ygan muddatda sotishga ulgurmagani uchun yana imkoniyat berishga qaror qilingan va TikTok'ni blokirovka qilish muddati kechiktirilgan. AQSh savdo vazirining aytishicha, so'nggi ijobiy o'zgarishlar ilova blokirovkasini 2020-yil, 27-sentyabrga qoldirishga imkon berdi.

TikTok bilan birga muhokamada turgan WeChat ham bloklanishi kutilayotgan edi, bu qaror Kaliforniya sudi tomonidan vaqtincha to'xtatildi.

📲 Telegram | Facebook

Adobe Photoshop'ga sun'iy intellekt yordamida osmonni tahrirlash instrumenti qo'shiladi

Grafik dizaynerlar uchun ajoyib yangilik, ozgina bo'lsayam vaqt tejaladigan bo'libdi 😄

Photoshop'da chiqadigan yangi instrumentda siz tanlagan osmonni algoritmlarning o'zi variantga muvofiq rang va haroratini avtomatik o'rnatadi. Masalan, to'q sariq rangdagi quyosh botishini qo'shsangiz, Photoshop rasmning qolgan qismini shu quyosh botishiga mos qilib yangilaydi.

Bu yangilikni barcha dizayner tanishlarga yuboring, ertaga instrument ishga tushsa men o'rgatganman deb yurasiz 😎

Aytgancha, Adobe bunday vositani taklif qilgan birinchi kompaniya emas. Masalan, Luminar'ning rasm muharriri o'tgan yili shunga o'xshash variantni taklif qilgan edi. Adobe Photoshop'ga yangi funksiya qachon qo'shilishi aytilmagan, ammo tafsilotlar yaqinlashib kelayotgan Adobe Max (20-22-oktyabr) konferensiyasida e'lon qilinishi mumkin.

📲 Telegram | Facebook

Slack.com saytining imkoniyatlari

Slack — bu xodimlar uchun aloqa platformasi. Elektron pochtaga bo'lgan ehtiyojni to'liq qondirishi mumkin. Bundan tashqari Slack ko'plab qo'shimcha afzallik va imkoniyatlarga ega. Hatto siz frilanser bo'lsangiz ham bu platforma turli muloqotlar uchun juda qo'l keladi.

Jamoadoshlar bilan guruh hosil qilish va turli mavzularni alohida bo'limlar ochish bilan tartiblash mumkin.

Slack korporativ aloqalarni amalga oshirish uchun zarur bo'lgan barcha imkoniyatlarga ega. Bundan tashqari, chatingizga uchinchi tomon vositalarini ulash imkonini beruvchi integratsiya ham mavjud.

Kamchiliklari haqida aytadigan bo'lsam, platforma ingliz tilida. Tillar bo'limida rus yoki o'zbek tili mavjud emas.

Sayt manzili: https://slack.com

iOS foydalanuvchilari uchun - link
Android foydalanuvchilari uchun - link

📲 Telegram | Facebook

​​Instagram yana bir ajoyib imkoniyat ustida ishlamoqda

▫️ Gap shundaki chiqishi kutilayotgan yangilikda Instagram'ning asosiy ikonkasini bir nechta ko'rinishi mavjud bo'ladi. Siz istalgan birini tanlab o'zgartirishingiz mumkin.

🤩 Bu sovg'a Instagram'ning yaqinlashib kelayotgan 10 yilligiga tayyorlanmoqda. Ma'lumot uchun, 6-oktyabr kuni Instagram 10 yoshga to'ladi.

📲 Telegram | Facebook

Biznesmenlarning uygʻonishi yoxud bannerlarning barakasi uchdi

▫️ Pandemiya boshlangandan beri, bir narsani diqqat bilan kuzataman. Sezgan boʻlsangiz, karantin boshlanishi bilan yoʻllarda turadigan bannerlarning anchagina barakasi uchdi. Rosti bundan unchalik ajablanmayapman. Chunki, bu narsani bir kunmas bir kun odamlar tushunishini bilardim.

Xoʻsh, nega bannerlarning barakasi uchdi. Sababi juda oddiy.

Endi bir necha kriteriyalarni keltirib oʻtsam. Siz biznes egasisiz. Mahsulotingizni reklama qilmoqchisiz. Oldingizda 2 ta yoʻl turibdi.

1️⃣ Birinchisi, bir mahmadonaning gapi bilan narxi osmon boʻlgan bannerlar.
2️⃣ Ikkinchisi, koʻrinishidan hech narsani qoyillata olmaydigan bir insonning tavsiyasi. Yaʼni, mahsulotingizni SMM orqali reklama qilish.

Kutganimdek, birinchisini tanlaysiz. Chunki, siz uchun oʻsha mahmadonaning gaplari haqiqatdek tuyuladi. Sizning foydangizni oʻylab gapirayotgan insonni, goʻyoki, hech narsani bilmaydigan omi odam singari koʻrasiz.

Achchiq boʻlsa ham haqiqat shuki, bannerlarning effektiv kuchi yoʻqoldi. Yana bir marta oʻylab koʻring, banner uchun shartnoma qilayotganingizda sizga hech qanday garantiya berilmaydi. Aksincha, siz u reklamangizni hech kim koʻrmagan kuniga ham pul sarflaysiz.

SMMʼda esa aksi. Siz har bir koʻrgan odam uchungina pul toʻlaysiz. Sarflangan xarajatlaringizni oyma-oy hisobotini ham olib yurasiz. Bu esa keyinchalik reklama qilishingizda muhim omil boʻladi.

Qisqasini aytganda, biznesingizni saqlab qolish uchun toʻgʻri yechim, SMM xizmatlaridan foydalanish.

▫️ Hali ham oʻsha eski usullarga mahliyo boʻlib yurgan boʻlsangiz, qisqa vaqt ichida biznesingizni SMM orqali yurgizishingizni tavsiya qilaman. Albatta, bularning barchasini oʻz shaxsiy tajribamdan kelib chiqib aytyapman.

P.S. Agar yuqoridagi xatolarni hali ham qilayotgan tanishlaringiz boʻlsa, ularga ham bu narsa xato ekanligini eslating yoki shunchaki bu postni ular bilan boʻlishing.

📲 Telegram | Facebook

​​Biznes profillar uchun FAQ bo'limi

Instagram biznes profillar uchun alohida FAQ bo'limi ustida ishlamoqda.

📈 Bu juda yaxshi yangilik, ayniqsa SMM sohasidagilarning Instagram bilan bog'liq muammo yoki savollarida ancha yordami tegadi degan umiddaman.

📲 Telegram | Facebook

Sizlarda ham Telegram ishlamay qoldimi, yoki faqat mendami 🤔

O'zi 1 soat dtm.uz, abitur.dtm.uz saytlariga kirolmay xunob bo'lgandik, endi Telegram'da aloqa uzilib qoldi, bir gap bordaa

Durov brat nazoratni kuchaytirishi kerag-ov buyog'iga 😅

O'zi sizlarda ham uzilish bo'ldimi telegram'da?

📲 Telegram | Facebook