Yaqindagina 16 yoshga to'lgan tarmoqdan kutilayotgan yangiliklar

4 kun avval 14-fevral sanasida o'zining 16 yillik tavalludini nishonlagan YouTube mazkur yilda biz obunachilarni qanday yangiliklar kutayotgani haqida xabar berdi:

🔹 YouTube Shorts'ning beta-versiyasi AQShda mart oyida ishga tushiriladi;

🔹 Planshetlar va YouTube VR dasturining asosiy sahifasi redizayn qilinadi;

🔹 Smart TV' televizorlarda 4K formatidagi shoularni tomosha qilish yoki keyinchalik oflayn rejimda tomosha qilish uchun ularni yuklab olish mumkin bo'ladi;

🔹 Ota-onalar asosiy YouTube platformasidan o'ziga xos video va kanallarni YouTube Kids'ga o'tkazish imkoniga ega bo'ladilar;

🔹 Muxlislarga sevimli YouTube kanallarini moliyaviy qo'llab-quvvatlashga imkon beruvchi yangi "Qarsaklar" xususiyati taqdim etilishi kutilmoqda.

💬 Siz aynan qaysi funksiyani kutyapsiz?

P/S: Bizga shuncha yordam bergani uchun YouTube'ga maqtov yorlig'i berish kerak🏆😄

📲 @raqamlimarketing

​Endi firibgarlarni aniqlay olasiz

📑 Yaqindagina Instagram oʻz foydalanuvchilarini firibgarlikdan himoya qilish boʻyicha rasmiy qoʻllanmani eʼlon qildi.

🧨 Koʻp miqdordagi oʻgʻrilik harakatlari ishbilarmon va mashhur foydalanuvchilarni xavotirga solayotganligi sababli Instagram maʼmuriyati nihoyat munosabat bildirishni boshladi:

• Yandex Direct'da firibgarlar toʻgʻrisida ogohlantirish joylashtirildi;

• xakerlar tomonidan oʻchirilgan xabarlarni tiklash imkoniyati yaratildi;

• tasdiqlovchi belgi hamda chiroyli nomga ega akkauntlarni oʻgʻirlab, yashirincha savdo qilgan yuzlab xakerlar tarmogʻini yopgani va bloklaganligi haqida xabar bergan.

🧑🏻‍💻 Bundan tashqari, mazkur tarmoqda qanday firibgarlik usullari rivojlangani haqida ham xabar berdi:

• “Tabriklaymiz, siz sovrin yutdingiz”;

• “Siz Instagram qoidalarini buzdingiz, zudlik bilan ushbu soʻrovnomani toʻldiring”;

• “Siz daromadli ish oʻrniga munosibsiz, biroq buning uchun pul toʻlashingiz lozim”;

• “Farzandim ogʻir kasallik tufayli vafot etishi mumkin, menga yordam bering”.

❗️ Shunday ekan, shu kabi xabarlarga duch kelsangiz, javob qaytarmaslikni maslahat beraman.

P/S: Ogoh boʻling va unutmang: Bepul pishloq faqat qopqonda boʻladi🧀

📲 @raqamlimarketing

Ingichka yuk mashinasini ko'rganmisiz?

😎 Marketing olamida kreativ reklamalar talaygina. Albatta ularni yaratishda marketologlarda kuzatuvchanlik, fantaziya va kreativlikdan bir chimdim bo'lishi talab etiladi.

🚚 Ana shunday reklamalardan birini sizga taqdim etmoqchiman. Sur'atda ingichka yuk mashinasi va ayiq tasvirlangan.

💭 Endi sizga savol, sur'atdagi reklama qaysi brendga tegishli ekanligini emas, qanday mahsulot reklama qilinayotganini ayting.

💬 Javoblaringizni izohlarda kutaman.

📲 @raqamlimarketing

Endi blok emas, super blok qilib qoʻyamiz

🚀 Boshqa ijtimoiy tarmoqlar kabi Instagram ham rivojlanishdan ortda qolayotgani yoʻq. Aksincha, u raqobatchilarida umuman mavjud boʻlmagan funksiyalarni oʻz foydalanuvchilariga taqdim etmoqda. Bu gal ham ana shunday qulayliklardan birini taqdim etdi.

🚫 Yaʼni, endilikda ushbu tarmoq foydalanuvchilari boshqa shaxs akkauntini nafaqat oddiygina blok qilishi, balki kelajakda oʻsha insonning qurilmasi yordamida yaratiladigan yangi akkauntlarni ham bloklash imkoniga ega boʻladilar.

📱 Masalan, siz kimnidir profilini super blok qilsangiz, u inson sizning profilingizni topa olmaydi, postlaringiz va storislaringizni ham koʻra olmaydi va eng asosiysi bu taʼqiq oʻsha inson boshqa qurilmada akkaunt ochgunga qadar davom etadi.

P/S: Dushmanlarimning eng katta xatosi, ularni menga negativ izoh yozishganidadir. Chunki endi men ularni super blok qilib qoʻya olaman😎

📲 @raqamlimarketing

Endi Telegramda ham jonli podkastlar eshitamiz

🎙 Ovozli format tobora trendga aylanib borayotgan bir vaqtda, Telegram messenjerining beta versiyasida koʻplab qulayliklar qatorida mazkur formatga mos funksiyalar ham taqdim etildi.

🧑🏻‍💻 Gap shundaki, endilikda sevimli messenjerimizda translyatsiya guruhlari tashkil etish imkoni paydo boʻladi. Bu guruh cheksiz koʻp aʼzolarga ega boʻlishi mumkin, ammo unda faqatgina adminlar xabar yozish imkoniga ega boʻladilar. Kanaldan farqli oʻlaroq, xabarlarda ularni joylashtirgan mualliflarning nomlari mavjud boʻladi.

🙋‍♂️ Bundan tashqari, siz jonli efirda ovozli suhbatni boshlashingiz mumkin, ammo undagi aloqa faqat guruh egalari uchun mavjud bo'ladi. Doimiy ishtirokchi munozaraga qoʻshilishi mumkin, ammo nazorat huquqiga ega boʻlgan adminlar unga bunday imkoniyatni taqdim etmasligi ham mumkin.

P/S: Funksiya barchada ishlay boshlaganda, Ayfonchilar ClubHouseʼda suhbatlashsa, biz Androidchilar Telegramda podkastlar uyushtiramiz🥳

📲 @raqamlimarketing

Ingichka yuk mashinasi nimani anglatadi?

❓ Avvalroq obunachilarimizga kreativ reklamalardan birini taqdim etgan edim.

🤓 Ushbu reklamada ingichka ayiq va ingichka yuk mashinasi tasvirlangan edi va obunachilarimiz mazkur reklama qanday mahsulot reklamasi ekanligini topishlari kerak edi.

💬 Mazkur savolga ko'plab javoblar berildi va ular orasida albatta toʻgʻri javoblar ham bor edi.

✅ Endi toʻgʻri javobni aytsam, ushbu reklama Huawei kompaniyasining 12.5 mm qalinlikdagi MateBook X noutbukining reklamasi edi. Unda: “Bunday qalinlikda noutbukimizdan kuchliroq narsa yoʻq” degan maʼnoni koʻrishingiz mumkin.

Nima ham derdim, kreativlikka tasanno🤩

P/S: Sizga savol yoqdimi? Yana shunday savollar berishimni istaysizmi?🤔

📲 @raqamlimarketing

​Zamon bilan hamnafas tarmoqdan yangi funksiyalarni kutib oling!

♻️ Rivojlanish va yangilanishdan bir zum ham to'xtamaydigan zamonda sevimli va qadrdon messenjerimiz yana bir-biridan yangi funksiyalarni taqdim etdi. Bulardan biri haqida kanalimizda ma'lumot bergan edim. Endi qolganlari haqida ham bilib olasiz.

⏰ Avtomatik oʻchirish taymeri. Bu funksiya barcha aʼzolar uchun xabarlarni yuborilganidan 24 soat yoki 7 kun keyin avtomatik ravishda oʻchirib tashlash imkonini beradi.

📱 Bosh ekran vidjetlari. Eng muhim chatlaringizga tezda kirish uchun bosh ekranga Telegram vidjetini qoʻshishingiz mumkin. Chatlar vidjeti tanlangan chatlardagi oxirgi xabarlarni, yorliqlar vidjeti esa faqat ismlar va profil rasmlarini ko'rish imkonini beradi.

⏱ Vaqtincha taklif havolalari. Endi asosiy taklif havolasidan tashqari, administratorlar qoʻshimcha havolalar yaratishi va ular uchun amal qilish muddati, foydalanishlar sonini yoki har ikkala parametrni cheklashi mumkin.

🖨 QR kod. Istalgan taklif havolasini skanerlanadigan QR kodga aylantirish imkoni yaratildi.

P/S: Bizning Telegram oddiygina messenjer emas, super messenjer bo'lib boryapti🤩

📲 @raqamlimarketing

Alvido layklar yoxud Instagramdan yangi bloklash turi

🎁 Oʻz foydalanuvchilariga yangidan-yangi qulaylik va funksiyalarni taqdim etish bilan birgalikda, Instagram tarmogʻi koʻplab konkurslarning oyogʻiga bolta uradigan yangi blok turini taqdim etdi.

🔒 Gap shundaki, endilikda oʻz obunachilaridan layk bosish, obuna boʻlish vai izoh qoldirishni soʻragan foydalanuvchilar bloklanadi. Yaʼni bunday postlar “obunalar, layklar, koʻrishlar soni yoki ulashishlar sonini koʻpaytirish uchun spam” sifatida oʻchiriladi va profil egalariga ogohlantirish beriladi.

😞 Bu nimani anglatadi? Ushbu funskiya ishga tushgandan soʻng, faollikni sunʼiy ravishda oshirishga xizmat qiladigan hamda blogerlar sevib foydalanadigan LikeTime, Likechat va GiveAway tashkil etish tugashi kutilmoqda.

Shu Postga layk bosish va obuna boʻlishni unutmang😅

P/S: Endi bu gaplarni Instagramda emas, Telegramda aytarkanman-da😂

📲 @raqamlimarketing

Twitter yangi "safety mode" funksiyasini ishga tushirmoqchi

💡 Twitter yangi funksiyani sinovdan o'tkazayotganini ma'lum qildi. Yangi "Safety mode" funksiyasi sizga qaysidir foydalanuvchi tomonidan har xil nafrat va adovatli gaplar yozilishini oldini oladi.

🚫 Ushbu parametr Twitter qoidalarini buzgan va haqorat ishlatgan akkauntlarni avtomatik ravishda bloklaydi. Bunday hisob qaydnomalar 7 kun davomida siz bilan muloqot qila olmaydi. Aytgancha, 7 kun aloqa qila olmaslik bu ogohlantirish, agarda yana shu hol takrorlansa qattiqroq jazo qo'llanilishi mumkin.

✅ Ha endi hamma twitterga kirsin, sizlarni hech kim xafa qila olmaydi)

📲 @raqamlimarketing

Rivojlanish mana bunaqa bo'libdi

🔝 Yuqoridagi postlarimizdan birida internet tarmoqlarida borgan sari ovozli format rivojlanayotgani haqida xabar bergan edik.

😎 Mana gap tasdig'i bilan deganlaridek, Clubhouse ovozli tarmog'i Rossiyada trend bo'lishni boshlabdi, ya'ni rossiyalik blogerlar test rejimida ishlayotgan tarmoqda yaxshigina obunachi yig'ishga erishibdilar. Bulardan eng mashhur uchlik:

1️⃣ Ilya Varlamov - 279k
2️⃣ Kseniya Duklas - 156k
3️⃣ Oleg Tinkov - 165k

🤓 Foydali ma'lumotlar insonlarga qanddek yoqadi-da. Clubhouse'da ham ma'noli va kerakli podkastlar uyushtirsangiz, balki siz ham shu natijaga erisha olarsiz?

🤔 Aytgancha, sizda ham Clubhouseda akkaunt ochish niyat bormi?

📲 @raqamlimarketing

Sochlaringiz qay darajada mustahkam?

🤒 Avvalgi postlarimizdan birida OKTS ya'ni orttirilgan kreativlik tanqisligi sindromi tarqalgani va marketologlar orasida ommalashayotgani haqida xabar bergan edim.

😷 Lekin yuqoridagi reklamada buning mutlaqo aksini ko'rishingiz mumkin. Ya'ni ushbu reklamani yaratgan marketologlar virusga qarshi emlagan ko'rinadi.

🤩 Sababi, surat juda kreativ ishlangan bo'lib, bir qarashda insonlarning e'tiborini tortadi. Hozirgi vaqtda esa bunday qobiliyatga ega e'lonlarni yaratish borgan sari qiyinlashib bormoqda.

🔪 Aytgancha, reklama nima haqida ekanligini aytmapman-ku. Suratda shampun reklamasi aks etgan bo'lib, undan foydalanganingizda sochlaringiz shu darajada mustahkam bo'ladiki, hatto u bilan o'tkir pichoqni ham kesishingiz mumkin.

Xo'sh, sizda ham ushbu reklama uchun g'oyalar bormi?

📲 @raqamlimarketing

Instagram yangiliklari: so'zlarni boshqarish, audio va videochatlar

🤩 Barchamizning sevimli tarmog'imiz yangiliklar ustida ishlash bilan band. Shulardan bir nechtasi sinov holatida. Bular:

• So'zlarni boshqarish - bu funksiya orqali siz directdagi yozishmalaringiz yashirib qo'yish yoki yashirgan xabarlaringizni ochiq holatga o'tkazib qo'yishingiz mumkin.

• Audiochatlar - Instagram audioxonalarni sinovdan o'tkazmoqda. Bu funksiya Clubhousedan umuman farq qilib, Whatsappning audiochat funksiyasiga o'xshab ketadi.

• Videochatlar - bu funksiyada esa IMO kabi suhbatdoshingizni ko'rib muloqot qilishingzi mumkin. Ha aytgancha. ushbu funksiya jonli efirga o'xshamaydi))) Yana kamiga instagram videochat tugmasini profilning ko'rinadigan joyiga joylashtirmoqchi chunki foydalanuvchilar tez-tez foydalanishlari uchun.

🧐 Xo'sh, bu funksiyalar ishga tushishi bilan qaysi biridan ko'proq foydalanasiz? Qaysi biri sizni ko'nglingizni ko'proq zabt etdi?

📲 @raqamlimarketing

Rebrending o'zi nima?

📌 Rebrending - bu o'z brendingizni o'zgartirishdir, ya'ni bundan asosiy maqsad sodiq mijozlar qiziqishini oshirish va yangi xaridorlarni jalb qilish hisoblanadi.

🍟 Bu ishni yaqinda "McDonald's" brendi amalga oshirdi. Ular dizaynni yangilash va qadoq dizaynini soddalashtirishdi. Bundan ko'zlangan maqsad esa o'z raqobatchilari orasida ajralib turish va brend taniqliligini oshirish edi. Natija ham ko'zlanganidek ish berdi chamamda)))

✅ Rebrending qilish doim ham muvaffaqiyatli bo'lmasligi mumkin. Lekin, kreativlik va kuchli g'oya bilan qilingan o'zgarishlar vaqt o'tishi bilan foyda keltirishi aniq.

🤔 Xo'sh, siz ham rebrending qilgan yirik brendlarni bilasizmi?

📲 @raqamlimarketing

Telegram dunyoni zabt etishda davom etmoqda

📌 Biz ishlatishimiz uchun qulay va ijtimoiy tarmoqlardan xavfsiz bo'lgan messenjer bu Telegram albatta. Messenjerning foydalanuvchilari kundan kunga bir maromda oshib boraytganini yuqoridagi postlarimizda ham keltirib o'tgandik.

📩 Telegram ham dunyo bo'ylab qancha foydaluvchisi borligining taqsimotini taqdim etdi:

Ma'lumotlar quyidagicha:
- Osiyo - 38%;
- Yevropa - 26%;
- Yaqin sharq - 17%;
- Shimoliy va Janubiy Amerika - 12%;
- Afrika - 7%;

©️ Pavel Durov foydalanuvchilarning 7% Rossiyaga to'g'ri kelishi aytib o'tdi. Esingizda bo'lsa 2018 - yilda Rossiya Telegramni bloklagan. Shu vaqtda ham foydalanuvchilar soni 7% edi. Demak, blokga qaramasdan odamlar o'z sevimli messenjerlariga sodiq qolishgan.

P.S: Men ham Telegramda akkaunt ochganimga 5 yildan oshibdi.

🤔 Siz messenjerdan foydalanayotganingizga qancha bo'ldi?

👉 @raqamlimarketing

Telegramda yana qanday yangiliklar?

🌟 Telegram butun dunyo bo'ylab o'z foydalanuvchilariga yangi 7.6 versiyani taqdim qildi.

💡 Yangi versiyadagi asosiy yangiliklardan:

• Yanada kuchaytirilgan ovozli chatlar va chat paytida gapirish uchun qo'l ko'tarish imkoniyati;

• Guruhlardan tashqari endi kanallarda ham uyushtirish mumkin bo'lgan ovozli chat imkoniyati;

• Kanal nomidan qatnashish. Ovozli chatga nafaqat oʻz nomingizdan, balki kanalingiz nomidan qoʻshilishingiz mumkin – shu usul bilan siz chat paytida jamoat arboblari va taniqli shaxslarning diqqatini tortishdan cheklangan bo'lasiz 😉

📊 Hozircha Durov akamizdan shu yangiliklar. Keyingi telegram yangilanishi uchun foydalanuvchilardan so'rovnoma uyushtirilar ekan.

🗂 So'rovnoma tashkillashtirilsa siz telegramdan nima xohlagan bo'lar edingiz?

📲 @raqamlimarketing

​Clubhouse'ning xatosi nimada?

🌐 Internetda tobora ovozli format urfga kirayotgani barchamizga ma'lum. Kecha Telegram ham yangilanib o'zidagi ovozli chat funksiyasini kuchaytirdi va foydalanuvchilarga ancha qulaylik yaratdi.

🤔 Endi, Clubhouse'ga kelsak, qanchalik mashhur tarmoq bo'la oladi?

Fikrimcha, endi ushbu tarmoq ommalashishi biroz qiyin, chunki uning xatosi o'z ilovasini Android smartfonlari uchun ishlab chiqmaganida bo'ldi. Clubhouse o'zi yaratilgan vaqtda faqat iOS'da emas, Androidda ham ishlay olganida xuddi TikTok kabi ancha mashhur tarmoqqa aylanib ulgurgan bo'lar edi.

😎 Ya'ni TikTok birinchi qisqa videoli platforma bo'lgani va iOS, Android tizimida ishlagani uchun katta mashhurlikka erisha oldi. Qolgan platformalar ham, jumladan, Instagram Reels, Youtube short videos ham TikTok kabi yangilik qilishga urindi, ammo afsuski TikTok'dek mashhur bo'la olmadi.

🤓 Clubhouse funksiyasini esa tezlik bilan Telegram o'z interfeysiga qo'shdi va foydalanuvchilariga ko'proq imkoniyatlarni taqdim etdi. Endi, tayyor obunachilariga ega blogerlar bundan foydalanishmoqda.

🎙 Men ham kelgusi hafta shu kanalimda ovozli chat uyushtirmoqchiman, qaysi mavzu haqida suhbatlashsak sizlarga ma'qul bo'ladi?

📲 @raqamlimarketing

​​Mobil reklamalar kelajagi

📈 Facebook kompaniyasining bu yilgi hisobotlariga turli mobil reklamalar kompaniyalar uchun sezilarli darajada foydali bo'lgan va oshgan.

🎯 2020 yilda mobil reklamalarga katta miqdorda mablag' ajratgan mintaqalar bu 61% bilan Amerika va 39% bilan Yevropa hisoblanmoqda.

✅ Ushbu uslub Osiyo Tinch-Okeani mintaqasida ham yaxshi daromad keltirgani uchun xarajatlar ham 6% ga oshgan.

📌 eMarketer 2021-yilda AQShning mobil reklama xarajatlari 22% ga o'sib, 117 milliard dollardan oshishini taxmin qilmoqda. Ilova ichidagi reklama daromadlari o'sishi nafaqat kompaniyada balki butun dunyo bo'yicha kutilmoqda. Omdia esa bu o'sishni 2025-yilga kelib 68% tashkil etishini kutmoqda.

💭 Xo'sh, shu kabi natijalarni Osiyo mintaqasi ham qayd eta oladimi, nima deysiz?

📲 @raqamlimarketing

Tizimlashtir va hukmronlik qil

🇬🇧 Ingliz tilidagi Customer Relationship Management so’zlarining bosh harflaridan tashkil topgan bu qisqa atama o’zbek tilida "Mijozlar bilan munosabat boshqaruvi", degan ma’noni anglatadi.

💡 O’z nomidan ma'lumki, mijozlar bilan munosabatni boshqaruvchi tizim - sotuvchi va xaridor, ishlab chiqaruvchi va iste’molchi, xizmat ko’rsatuvchi va undan foydalanuvchi o’rtasidagi har qanday aloqaga oid ma’lumotlarni boshqaradi.

📝 Mijozlar bilan munosabatni boshqarish tizimi yordamida sotuvchi, ishlab chiqaruvchi, xizmat ko’rsatuvchi tomon quyidagi qulayliklarga ega:

🔹 Qaysi mahsulotga talab ko’pligini aniqlash;
🔹Iste’molchi xizmat yoki mahsulotga qanday munosabatdaligini o’rganish;
🔹Avvalgi savdolar natijasi bilan tanishish;
🔹 Kelajakdagi foydani taxmin qilish;
🔹 O’tgan va kelasi xarajatlar/foydalarni solishtirish;
🔹 Strategiyani osonlik bilan o’zgartirish;
🔹 Xodimlar samaradorligini nazorat qilish;
🔹 Iste’molchilar uchun har doim yaqin bo’lish.

✅ Ro’yxat CRM tizimining tijorat uchun, har qanday tashkilot faoliyati uchun qay darajada muhimligini ko’rsatib bera oldi degan umiddaman😊

P/S: Bu gal noodatiy fikrlaymizda, siz menga CRM'ni afzalligini emas, uni kamchiliklarini ayta olasizmi?

📲 @raqamlimarketing

Maqsadli reklamani ham o'ziga yarasha sir-sinoatlari borda

💻 Zamonaviy kasblardan biri boʻlgan targeting sohasiga talab shunchalik kuchayib boryaptiki, agar ushbu sohada tajribangiz boʻlsa har qanday joyda ham ish topishingiz muammo boʻlmaydi. Ammo bunday kasb egalarining malakali yoki yetarli malakaga ega emasligini qanday bilish mumkin? Javob quyidagicha:

1️⃣ Tajribali targetolog har qanday ish qilishdan oldin, kam xarajatli sinovlarni oʻtkazadi va natijaga qarab harakat qiladi, tajribasiz targetolog esa bir martada bor mablagʻni sarflaydi natijaga kelganda: men to'g'ri bajargan edim, ammo mahsulotda kamchiligi bor ekan deydi.🤷🏻‍♂️

2️⃣ Tajribasiz targetolog barcha kompaniyalarning natijalariga qaraydi va yuqori natija koʻrsatgan auditoriyaga reklama beradi lekin oʻz mahsulotini auditoriyasini yaxshi bilmaydi. Malakali mutaxassis esa doimiy ravishda oʻziga: yanada samarali boʻlishi uchun nimalarni sinab koʻrishim mumkin? degan savolni beradi.

3️⃣ Malakasiz mutaxassis maʼno jihatidan bir xil, lekin tashqi qiyofasi bilan ajralib turadigan ijodkorlarni sinab koʻradi, ammo tajribali targetolog reklamalarida sinashga arziydigan kamida 7 ta xabar borligini biladi.

4️⃣ Yaxshi hamda yomon mutaxassislarning asosiy farqi shundaki, yaxshi har doim oʻrganadi, izlanadi va faol rivojlanadi, yomoni esa faqat oʻrganganiga amal qiladi rivojlanishga va yangi bilimlar olishga hech qachon eʼtibor qaratmaydi.

P/S: Siz ham ularni bir-biridan ajratishni bilasizmi? Izohlarda javobingizni kutaman🤓

📲 @raqamlimarketing