🟦🟦🟦🟦🟦🟦🟦

🇺🇿 2026-yil 15-aprel kuni 🇺🇿 Fransuz tili amaliy fanlar kafedrasi dotsenti Davronova Zulfiya Boboevna tashabbusi bilan fransuz tili yo‘nalishi 2-kurs FFRA-2401 va FFRA-2404 guruh talabalari o‘rtasida “Notiqlik mahorati” tanlovi tashkil etildi.

💠 Mazkur tadbir talabalarning fransuz tilida erkin va ta’sirchan nutq so‘zlash qobiliyatini rivojlantirish, ularning ijodiy fikrlashi hamda jamoat oldida chiqish ko‘nikmalarini mustahkamlashga qaratildi.

💠 Tanlov davomida ishtirokchilar mashhur fransuz yozuvchilarining asarlaridan tanlab olingan parcha va monologlar, shuningdek, she’rlarni mazmunan boy, usluban puxta va ta’sirchan tarzda taqdim etdilar.

💠 Ishtirokchilar chiqishlari talaffuz aniqligi, grammatik to‘g‘rilik, fikrni ravon va aniq bayon etish hamda auditoriya bilan samarali muloqot o‘rnatish kabi mezonlar asosida baholandi.

🏆 Tanlov yakuniga ko‘ra:
• FFRA-2401 guruh talabasi Kazakov Murodbek
• FFRA-2404 guruh talabalari Lutfilloyeva Mahinabonu
• Raxmatullayeva Maxfuza g‘olib deb topilib, diplom va esdalik sovg‘alari bilan taqdirlandilar.

👏 Shuningdek, barcha ishtirokchilarga faol qatnashganliklari uchun minnatdorchilik bildirildi.

✨ Tadbir yuqori kayfiyat, qizg‘in va samarali ruhda o‘tkazildi.


Bizni kuzatib boring ;

📱 Telegram 📱Instagram 📱Telegram

📢 Fransuz tili bo‘yicha master-klass o‘tkazildi

💠 2026-yil 17-aprel kuni Toshkent shahri Olmazor tumanidagi 196-sonli umumiy o‘rta ta’lim maktabida fransuz tili bo‘yicha master-klass darsi tashkil etildi.

🇺🇿🇺🇿 Mazkur dars O‘zbekiston davlat jahon tillari universiteti Roman-german filologiyasi fakulteti Fransuz tili amaliy fanlar kafedrasi o‘qituvchisi, italyan tili, adabiyoti va sivilizatsiyasi bo‘yicha doktor Rachid Baccouche tomonidan olib borildi.

🎯 Master-klassning asosiy maqsadi boshlang‘ich sinf o‘quvchilarida fransuz tiliga qiziqish uyg‘otish, ularning dastlabki kommunikativ ko‘nikmalarini shakllantirish hamda zamonaviy pedagogik metodlarni amaliy tarzda namoyish etishdan iborat bo‘ldi.

👩‍🏫 Dars 2-sinf o‘quvchilari ishtirokida interfaol usullarda tashkil etildi. Mashg‘ulot davomida:
• didaktik o‘yinlar
• vizual materiallar (rasmlar, kartochkalar)
• og‘zaki nutqni rivojlantiruvchi mashqlar

keng qo‘llanildi.

O‘quvchilar fransuz tilida oddiy salomlashuv, o‘zini tanishtirish, ranglar va kundalik so‘zlardan foydalanishni o‘rgandilar.

✨ Dars jarayonida kommunikativ yondashuv, o‘yin asosidagi ta’lim hamda audio-vizual metodlar samarali qo‘llanilib, o‘quvchilarning faolligi va qiziqishini yanada oshirdi.

↗️ Natijada o‘quvchilarning fransuz tiliga bo‘lgan qiziqishi ortib, ular sodda muloqot elementlarini amaliy qo‘llashga erishdilar. Shuningdek, ushbu master-klass maktab o‘qituvchilari uchun ham foydali metodik tajriba almashish imkonini yaratdi.

🔹 Xulosa qilib aytganda, mazkur dars yuqori saviyada tashkil etilib, boshlang‘ich bosqichda chet tilini o‘qitishda zamonaviy yondashuvlarning samaradorligini yana bir bor namoyon etdi.


Bizni kuzatib boring ;

📱 Telegram 📱Instagram 📱Telegram

📢 Iqtidorli talabalarni qo‘llab-quvvatlashga bag‘ishlangan tadbir o‘tkazildi

🇺🇿🇺🇿 2026-yil 17-aprel kuni Roman-german filologiyasi fakulteti Ispan tili nazariy fanlar kafedrasi o‘qituvchisi hamda iqtidorli talabalar bilan ishlashga mas’ul o‘qituvchi M.Sh. Achilova tashabbusi bilan iqtidorli talabalarni aniqlash, ular bilan tizimli ishlash hamda laboratoriyalar faoliyatini takomillashtirishga bag‘ishlangan tadbir tashkil etildi.

🎯 Tadbirning asosiy maqsadi:
• iqtidorli talabalarni aniqlash
• ularni yosh olimlar klublari faoliyatiga jalb etish
• ilmiy va ijodiy salohiyatini rivojlantirish
• ilmiy ishlarini nashr ettirishga ko‘maklashishdan iborat bo‘ldi

📚 Tadbir davomida o‘qituvchi, shuningdek, Islom Karimov nomidagi davlat stipendiyasi hamda Rektor stipendiyasi sohibi M.Sh. Achilova stipendiya qo‘lga kiritish jarayoni, hujjat tayyorlash va imtihonlarga samarali tayyorgarlik ko‘rish bo‘yicha o‘z tajribasi bilan o‘rtoqlashdi.

🏅 Tadbir yakunida xalqaro konferensiyada o‘z ilmiy ishlari bilan munosib ishtirok etgan 2 nafar talaba sertifikat bilan taqdirlandi.

✨ Mazkur tadbir universitetda iqtidorli yoshlarni qo‘llab-quvvatlash, to‘garaklar faoliyatini kengaytirish hamda talabalarni ilmiy loyihalar va startap g‘oyalarga jalb etishda muhim ahamiyat kasb etdi.

Bizni kuzatib boring ;

📱 Telegram 📱Instagram 📱Telegram