🟦🟦🟦🟦🟦🟦🟦

🇺🇿 O‘zbekiston davlat jahon tillari universiteti Roman-german filologiyasi fakulteti rahbariyati talabalarning yashash sharoitlarini o‘rganish maqsadida 5-TTJga tashrif buyurdi. Tashrif davomida talabalar turar joyidagi xonalar holati, tozalik darajasi, maishiy sharoitlar hamda yaratilgan imkoniyatlar ko‘zdan kechirildi.

Shuningdek, rahbariyat talabalar bilan bevosita suhbat o‘tkazib, ularning yashash sharoitlari, muammolari va takliflari bilan qiziqdi. Talabalar tomonidan bildirilgan fikr va mulohazalar tinglanib, mavjud kamchiliklarni bartaraf etish yuzasidan tegishli mas’ullarga zarur topshiriqlar berildi.

Mazkur tashrif talabalarga yaratilgan sharoitlarni yanada yaxshilash, ularning qulay va xavfsiz muhitda yashashini ta’minlashga qaratilgan bo‘lib, bu kabi o‘rganish ishlari muntazam ravishda davom ettirilishi ta’kidlandi.

✅ Biz bilan birga bo’ling!

📱 Telegram 📱 Instagram 📱 You Tube

Talabalar uchun ma’naviy-ma’rifiy tashrif tashkil etildi

O‘zbekiston davlat jahon tillari universiteti Roman-german filologiyasi fakulteti tyutori A. Bekmurzayeva tomonidan talabalar uchun Temuriylar tarixi davlat muzeyiga tashrif tashkil etildi. Mazkur tashrif talabalarning tarixiy bilimlarini boyitish hamda milliy merosimizga bo‘lgan qiziqishini oshirish maqsadida amalga oshirildi.

Tashrif davomida talabalar muzey eksponatlari bilan yaqindan tanishib, Temuriylar davriga oid boy tarixiy manbalar, madaniy yodgorliklar hamda noyob artefaktlar haqida batafsil ma’lumotga ega bo‘ldilar. Shuningdek, ularga buyuk ajdodlarimizning ilm-fan, madaniyat va davlat boshqaruvidagi ulkan hissasi haqida tushunchalar berildi.

Bunday ma’naviy-ma’rifiy tadbirlar talabalarning dunyoqarashini kengaytirish, tarixga hurmat ruhini shakllantirish hamda ularni har tomonlama yetuk shaxs sifatida kamol topishiga xizmat qiladi.

✅ Biz bilan birga bo’ling!

📱 Telegram 📱 Instagram 📱 You Tube

Yoshlar muammolariga bag‘ishlangan davra suhbati

O‘zbekiston davlat jahon tillari universiteti Roman-german filologiyasi fakulteti Fransuz tili amaliy fanlar kafedrasi stajyor-o‘qituvchisi N. Rasulova tomonidan “Kafedra kunlari” doirasida 5-sonli TTJda yoshlarning ma’naviy-axloqiy holatiga ta’sir ko‘rsatuvchi muammolar mavzusida davra suhbati tashkil etildi.

Suhbat davomida talabalar huquqbuzarlik, giyohvandlik va boshqa salbiy holatlarning kelib chiqish sabablari haqida fikr almashdilar. Asosiy omillar sifatida oilaviy nazoratning sustligi, bo‘sh vaqtni to‘g‘ri tashkil etmaslik hamda internetdagi zararli axborotlar ta’siri qayd etildi.

Shuningdek, muammolarni bartaraf etish bo‘yicha takliflar bildirilib, yoshlarni sport va to‘garaklarga jalb etish, oila va ta’lim muassasalari hamkorligini kuchaytirish hamda huquqiy savodxonlikni oshirish muhimligi ta’kidlandi. Tadbir talabalarning faol ishtirokida o‘tdi.

✅ Biz bilan birga bo’ling!

📱 Telegram 📱 Instagram 📱 You Tube