🙂🙂🙂🙂🙂🙂🙂🙂🙂🙂

🇺🇿 O‘zDJTU 🇺🇿 Yoshlar ittifoqi boshlang‘ich tashkiloti 🇺🇿 Roman-german filologiyasi fakulteti kengashi tomonidan aprel oyi “Yoshlar festivali” oyligi doirasida tashkil etilgan tadbirlar yuqori saviyada davom etmoqda! 🎉

📣 ZAKOVAT O‘YINI YAKUNI

🧠 Yotoqxonamizda o‘tkazilgan intellektual bilimlar bellashuvi — “Zakovat” o‘yini ko‘tarinki ruhda, yuqori saviyada tashkil etildi. Tadbir davomida talabalar o‘z bilimlari, mantiqiy fikrlashi va jamoaviy hamkorlik ko‘nikmalarini namoyon etdilar.

📊 Qizg‘in va murosasiz bahslarga boy bo‘lgan o‘yin natijalariga ko‘ra:

🥇 1-o‘rin — “Jajman” jamoasi
🥈2-o‘rin — “Espada” jamoasi
🥉3-o‘rin — “Zabarjad” jamoasi

👏 G‘olib jamoalarni samimiy tabriklaymiz va barcha ishtirokchilarga faol qatnashganliklari uchun minnatdorchilik bildiramiz!

🔥 Siz ham faol bo‘ling, bilimlaringizni sinab ko‘ring va keyingi tadbirlarda albatta ishtirok eting! 🚀

🟦🟦🟦🟦🟦🟦🟦

🇺🇿 2026-yil 21-aprel kuni 🇺🇿 Roman-german filologiyasi fakulteti, Fransuz tili amaliy fanlar kafedrasi tomonidan ZOOM platformasi orqali Fransiyada StellaPolare tahallusi bilan ijod qilib kelayotgan rassom Xulkar Yunusova bilan onlayn uchrashuv tashkil etildi. Mazkur uchrashuvda 1-2-kurs talabalari hamda kafedra professor-o'qituvchilari faol ishtirok etdi.

💠 Uchrashuv davomida Xulkar YUnusova o'z ijodiy faoliyati, Fransiyadagi madaniy muhit va san'at sohasidagi tajribalari bilan o'rtoqlashdi. Shuningdek, u fransuz tili fonetikasida muhim o'rin tutuvchi H (h muet) va H (h aspiré) harflarining qo'llanilishi, ularning talaffuzdagi o'ziga xos jihatlari hamda amaliy ahamiyati haqida batafsil ma'lumot berdi.

Shuningdek, Xulkar Yhnusova talabalar tomonidan berilgan savollarga atroflicha javob berdi, muloqot esa interaktiv ruhda olib borildi. Ayniqsa, fransuz tilini o'rganish jarayonida fonetik qoidalarni to'g'ri o'zlashtirish, nutq madaniyatini shakllantirish va amaliyotda qo'llash masalalariga alohida e'tibor qaratildi.

✅ Ma'lumot uchun: StellaPolare (Xulkar Yunusova) O‘zbekistonda tug‘ilib, voyaga yetgan. Bugungi kunda u Fransiyada yashab, faoliyat yuritadi. 2016-yil Toshkentdagi Fransuz Alyansida, 2018-yilda Xalqaro zamonaviy Biennale hamda Toshkent fotosuratlar uyida “Recycle” nomli shaxsiy ko'rgazmasi bilan ishtirok etgan.
Onlayn uchrashuv yuqori saviyada tashkil etilgan bo'lib, u talabalarning nazariy bilimlarini mustahkamlash, ularda fransuz tiliga bo'lgan qiziqishni yanada oshirish hamda xalqaro madaniy muloqot ko'nikmalarini rivojlantirishda muhim ahamiyat kasb etdi. Tadbir yakunida ishtirokchilar tomonidan bunday uchrashuvlarni muntazam ravishda tashkil etib borish taklifi bildirildi.

🧠Sog‘lom turmush tarzini targ‘ib etishga bag‘ishlangan seminar hamda “Birga hayotni saqlaymiz” milliy
donorlik aksiyasi tashkil etildi

O‘zbekiston davlat jahon tillari universiteti Roman-german filologiyasi fakultetida hamshira Z. Azimbayeva hamda tyutorlar L. Rahmatullayeva va P. Jabborova ishtirokida yurak-qon tomir kasalliklarining xavf omillari va ularning oldini olishga bag‘ishlangan keng qamrovli targ‘ibot seminari tashkil etildi.

Tadbir davomida ishtirokchilarga yurak-qon tomir kasalliklarining kelib chiqish sabablari, jumladan noto‘g‘ri ovqatlanish, jismoniy faollikning yetishmasligi, stress va zararli odatlarning salbiy ta’siri haqida batafsil ma’lumot berildi. Shuningdek, sog‘lom turmush tarzini shakllantirish, kun tartibini to‘g‘ri tashkil etish hamda muntazam tibbiy ko‘riklardan o‘tishning ahamiyati alohida ta’kidlandi.

Seminar davomida talabalar o‘zlarini qiziqtirgan savollar bilan murojaat qilib, mutaxassislardan foydali tavsiyalar oldilar. Tadbir sog‘lom hayot tarzini targ‘ib qilishda muhim ahamiyat kasb etdi.

✅ Biz bilan birga bo’ling!

📱 Telegram 📱 Instagram 📱 You Tube