📚✨ “Yosh olimlar va tadqiqotchilar klubi” navbatdagi mashg‘uloti bo‘lib o‘tdi

🇺🇿 2026-yil 23-aprel kuni 🇺🇿 Roman-german filologiyasi fakulteti Ispan tili nazariy fanlar kafedrasi o‘qituvchisi M.Sh. Achilova tomonidan tashkil etilgan “Yosh olimlar va tadqiqotchilar klubi” iqtidorli talabalar to‘garagining navbatdagi mashg‘uloti o‘tkazildi.

📝 Mazkur mashg‘ulot “O‘zbekiston Respublikasi Prezidenti Davlat stipendiyasi hamda nomli davlat stipendiyalariga nomzod iqtidorli talabalarni imtihonlarga tayyorlash va hujjatlarini rasmiylashtirish” mavzusiga bag‘ishlandi.

📍 Mashg‘ulot universitet asosiy binosidagi kutubxonada tashkil etilib, bu esa uning yanada samarali va mazmunli o‘tishiga xizmat qildi.

💡 Mashg‘ulot davomida o‘qituvchi, shuningdek, Islom Karimov nomidagi davlat stipendiyasi hamda rektor stipendiyasi sohibi sifatida:

davlat stipendiyalarini qo‘lga kiritish yo‘llari,
hujjatlarni to‘g‘ri rasmiylashtirish,
imtihonlarga puxta tayyorgarlik ko‘rish

bo‘yicha o‘zining amaliy tajribasi bilan o‘rtoqlashdi.

🔍 Shuningdek, talabalarda:

ilmiy izlanish olib borish,
manbalar bilan ishlash,
tahliliy fikrlash ko‘nikmalarini shakllantirishga alohida e’tibor qaratildi.

📖 Kutubxona muhitida tashkil etilgan mashg‘ulot talabalarning ilmiy adabiyotlardan samarali foydalanishi va mustaqil ishlash malakasini oshirishiga ijobiy ta’sir ko‘rsatdi.

🏆 Mashg‘ulot yakunida faol ishtirok etgan talabalar rag‘batlantirilib, ularga kelgusida ilmiy faoliyatlarini yanada rivojlantirish bo‘yicha tavsiyalar berildi.

4-bosqich Roman-german filologiyasi fakulteti talabalari bilan pedagogika fanlari nomzodi Saparova N.B. tomonidan «Книга в жизни современного студента» nomli tadbir o‘tkazildi ✅

Tadbir davomida talabalar kitobning zamonaviy talaba hayotidagi o‘rni va ahamiyati haqida fikr almashdilar. Ular o‘qish madaniyati, mutolaaning shaxsiy rivojlanishga ta’siri, shuningdek, an’anaviy va elektron kitoblarning afzalliklari haqida muhokama olib bordilar. Tadbir jarayonida qiziqarli ma’lumotlar taqdim etildi, prezentatsiyalar va viktorinalar tashkil qilinib, ishtirokchilar faol jalb etildi. Alohida e’tibor kitobning tafakkur, dunyoqarash va nutq madaniyatini rivojlantirishdagi roliga qaratildi.

Tadbir yakunida faol ishtirok etgan talabalar faxriy yorliqlar bilan taqdirlandilar 🏆

✅ Biz bilan birga bo’ling!

📱 Telegram 📱 Instagram 📱 You Tube

🧠 San’at haftaligida ilhomli tashrif

O‘zbekiston davlat jahon tillari universiteti Roman-german filologiyasi fakulteti 2501-guruh talabalari bo‘sh vaqtlarini mazmunli o‘tkazish maqsadida O‘zbekiston Badiiy san’at akademiyasida “San’at haftaligi” munosabati bilan tashkil etilgan ko‘rgazmaga tashrif buyurdilar.

Ko‘rgazmada san’at, rassomchilik va milliy madaniyatga oid asarlar namoyish etilib, ular talabalarning estetik didini shakllantirish va san’atga bo‘lgan qiziqishini yanada oshirishga xizmat qildi. Ayniqsa, o‘zbek milliy ruhini aks ettirgan ijod namunalari ishtirokchilarda katta taassurot qoldirdi.

Tashrif davomida talabalar galereyada namoyish etilgan maxsus san’at asarlarini katta qiziqish bilan tomosha qilib, o‘zgacha zavq bilan qaytdilar. Ma’lumot uchun, mazkur ko‘rgazma 20–24-aprel kunlari davom etadi.

✅ Biz bilan birga bo’ling!

📱 Telegram 📱 Instagram 📱 You Tube

Millat fidoiylari xotirasiga ehtirom

🧠 O‘zbekiston davlat jahon tillari universiteti Roman-german filologiyasi fakulteti talabalari “Millat fidoiylari” xiyoboniga tashrif buyurdilar. Mazkur tashrif talabalarning bo‘sh vaqtlarini mazmunli tashkil etish, ularning ma’naviy dunyoqarashini boyitish hamda milliy qadriyatlarga hurmat ruhini kuchaytirish maqsadida tashkil etildi.

Tashrif davomida talabalar xiyobonda joylashgan yodgorliklar va esdalik lavhalari bilan yaqindan tanishib, millat ravnaqi yo‘lida fidokorona xizmat qilgan ajdodlar xotirasiga hurmat bajo keltirdilar. Ularga ushbu maskanning tarixiy ahamiyati, unda aks etgan qahramonlik va fidoyilik namunalarining mazmuni haqida batafsil ma’lumotlar berildi.

Mazkur tashrif talabalarda vatanparvarlik tuyg‘ularini mustahkamlash, tarixiy xotiraga ehtiromni yanada kuchaytirish hamda kelajakda yurt ravnaqi yo‘lida faol bo‘lishga undashda muhim ahamiyat kasb etdi.

✅ Biz bilan birga bo’ling!

📱 Telegram 📱 Instagram 📱 You Tube