🟦🟦🟦🟦🟦🟦🟦

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakultetida fakultet tyutori P. Jabborova hamda 🇺🇿 Yoshlar ittifoqi boshlang‘ich tashkiloti fakultet kengashi a’zolari tashabbusi bilan qatag‘on qurbonlaridan biri — Mulla Abduvahhob Ibodiy xotirasiga bag‘ishlangan ma’naviy-ma’rifiy tadbir tashkil etildi.

📚 Tadbir davomida ushbu buyuk ma’rifatparvarning hayot yo‘li, ilmiy va ijtimoiy faoliyati, millat ravnaqi yo‘lida qilgan xizmatlari haqida batafsil ma’lumotlar berildi. Talabalar uning boy ma’naviy merosi, ezgu g‘oyalari hamda fidokorona faoliyati bilan yaqindan tanishish imkoniga ega bo‘ldilar.

✨ Shuningdek, tadbirda qatag‘on davrining og‘ir sinovlari, bu davrda xalqimiz boshidan kechirgan murakkab tarixiy jarayonlar haqida ham so‘z yuritilib, yoshlarning tarixiy ongini mustahkamlashga alohida e’tibor qaratildi.

🎯 Bunday ma’naviy-ma’rifiy uchrashuvlar yosh avlodni ajdodlar xotirasiga hurmat ruhida tarbiyalash, ularning qalbida vatanparvarlik, milliy g‘urur va tarixiy xotiraga sadoqat tuyg‘ularini yanada kuchaytirishga xizmat qiladi.

🟦🟦🟦🟦🟦🟦🟦

🧵 IJOD DAVOM ETMOQDA: KASHTACHILIK TO‘GARAGI FAOLIYATI

🧠 5-TTJda tashkil etilgan kashtachilik to‘garagi o‘z faoliyatini izchil davom ettirmoqda. To‘garak 🇺🇿 Roman-german filologiyasi fakulteti talabasi Hasanboyeva Marjona Xalimjon qizi boshchiligida tashkil etildi.

✅ Navbatdagi mashg‘ulotlarda ishtirokchilar murakkabroq naqshlar ustida ishlashni boshladilar. Har bir talaba o‘z ijodiy yondashuvi asosida noyob va betakror ishlar yaratib, kashtachilik sir-asrorlarini chuqurroq o‘zlashtirmoqda.

🤝 To‘garak jarayonlari talabalar o‘rtasida hamkorlik muhitini kuchaytirib, ularning estetik didi va sabr-toqatini rivojlantirishga xizmat qilmoqda. Ijodiy jarayon esa tobora qiziqarli va samarali tus olmoqda.

✅ Biz bilan birga bo’ling!

📱 Telegram 📱 Instagram 📱 You Tube