🟦🟦🟦🟦🟦🟦🟦

🇺🇿 O'zDJTU 🇺🇿 Roman-german filologiyasi fakulteti, Fransuz tili amaliy fanlar kafedrasi dosenti Z. Davronova tashabbusi bilan 2026-yil 13-14 may kunlari Notiqlik mahorati fani doirasida muhim ijodiy tadbir amalga oshirildi. Ushbu loyiha 2-kurs FFRA-2401 va FFRA-2404-guruh talabalari ishtirokida tashkil etildi.


✅ Talabalar tomonidan “Toshkent teatrlari”, “Parijning mashhur tarixiy obidalari”,        “ Gullar va inson tuyg'ulari: muhabbat, umid va go'zallik ramzi” hamda “ Kitoblar orqali dunyoni anglash” kabi mavzularda videoroliklar shaklida ijodiy ishlar tayyorlandi. Ushbu taqdimotlar orqali talabalar o'zlarining nutq madaniyati, tanqidiy fikrlash qobiliyati va fransuz tilida erkin ifoda etish ko'nikmalarini namoyon etdilar.


✅ Shuningdek, tadbir davomida fransuz adabiyotining mashhur vakillari — Giyom Apolliner va Artyur Rembo hamda boshqa fransuz shoir va yozuvchilarining she'rlari talabalar tomonidan ifodali tarzda ijro etildi. Bu esa ularning badiiy matnni tushunish va sahnaviy nutq mahoratini yanada rivojlantirishga xizmat qildi.


✅ Ushbu tadbir talabalarning ijodiy salohiyatini yuzaga chiqarish, nutq madaniyatini takomillashtirish hamda fransuz tiliga bo'lgan qiziqishini oshirishda muhim ahamiyat kasb etdi.