“#Bir_kitob_ming_dost” chellenjiga start berildi!

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti tashabbusi bilan “Bir kitob — ming do‘st” chellenji yo‘lga qo‘yildi.

📖 Ushbu chellenj doirasida talabalar o‘zlari sevib mutolaa qilgan kitoblarining ilk sahifasiga samimiy tilaklari, motivatsion so‘zlari va ezgu niyatlarini yozib, ularni qishloq hududlaridagi tengdoshlari hamda abituriyent yoshlarga hadiya qilishmoqda. Mazkur kitoblar yoshlarning bilim olishga bo‘lgan qiziqishini oshirish, ularga motivatsiya berish va kitobxonlik madaniyatini keng targ‘ib qilish maqsadida yetkaziladi.

🌎 Ushbu ezgu tashabbusga ilk qadamni 🇺🇿 O‘zDJTU
🇺🇿 Yoshlar ittifoqi boshlang’ich tashkiloti 🇺🇿 Roman-german filologiyasi fakultet kengashi boshlab berdi. Talabalar tomonidan tayyorlangan kitoblar kelajakda talaba bo‘lishni orzu qilayotgan yoshlar qo‘liga yetib borib, ularning katta maqsadlari sari ilhom manbai bo‘lishi ko‘zda tutilgan.

💫 Bir kitob — nafaqat bilim, balki motivatsiya, ishonch va katta orzularga ochilgan eshikdir. Keling, birgalikda yoshlar qalbiga ilm va umid ulashaylik!

📚 E’LON 📚

21-may soat 19:00 da talabalarni ilmiy faoliyatga yo‘naltirish hamda kitobxonlik madaniyatini rivojlantirishga bag‘ishlangan uchrashuv bo‘lib o‘tadi.

Tadbir mehmoni — filologiya fanlari doktori (DSc), professor, O‘zbekiston davlat jahon tillari universiteti Ispan tili amaliy fanlar kafedrasi mudiri Dilrabo Keldiyorovna Baxronova.

Tadbir davomida:
🔹 ilmiy izlanish va zamonaviy ta’limning ahamiyati,
🔹 xorijiy tillarni samarali o‘rganish yo‘llari,
🔹 kitobxonlikning yoshlar tafakkuridagi o‘rni,
🔹 tarjimashunoslik va madaniyatlararo muloqot mavzularida suhbat olib boriladi.


📍 Tadbir joyi: 5-TTJ majlislar zali
🕖 Vaqt: 19:00

Barcha talabalarni ushbu foydali va motivatsion uchrashuvga taklif etamiz!

✅ Biz bilan birga bo’ling!

📱 Telegram 📱 Instagram 📱 You Tube

📚 “Bir kitob – ming do’st”: Qoraqalpog‘istonlik tengdoshlarimizga quvonch ulashamiz!

🇺🇿 O‘zDJTUning aziz va mehribon talabalari!

Sizning javoningizda turgan birgina kitob chekka qishloqdagi bir bolajonning dunyoqarashini o‘zgartirishi, uning kelajakdagi orzulariga qanot bag‘ishlashi mumkinligini bilasizmi?

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti barchangizni ko‘ngilli va xayrli 📚 “Bir kitob – ming do’st” chellenjda ishtirok etishga chorlaydi!

Universitetimiz delegatsiyasi yaqin kunlarda 🇺🇿 Qoraqalpog‘iston Respublikasining eng chekka qishloqlariga tashrif buyurib, u yerdagi maktab o‘quvchilari va bolajonlarga siz yig‘ib bergan kitoblarni o‘z qo‘llari bilan topshiradi.

✉️ Loyihaning eng maxsus qismi: Kitob ichidagi maktub!
Siz shunchaki kitob sovg‘a qilmaysiz, siz o‘z dilingizdagilarni ulashasiz. Sovg‘a qilayotgan kitobingizning birinchi sahifasiga:
🔴 O‘z tilaklaringiz va maslahatlaringizni,
🔴 Sizni qalban ruhlantirgan chiroyli gaplarni,
🔴 "Seni kelajakda bizning universitetimiz — O‘zDJTUda kutib qolaman!" kabi motivatsiya beruvchi dil izhorlaringizni yozib qoldiring!

🔺Sizning yozgan har bir so‘zingiz u yerdagi uka-singillarimiz uchun eng qimmatli maslahat va yorqin kelajak sari yo‘llanma bo‘lishi shubhasiz.

🚨Kitob olib kelish va loyihada qatnashish bo‘yicha barcha savollaringizga javob olish hamda murojaat qilish uchun:
@matlabxonovaa