🟦🟦🟦🟦🟦🟦🟦

🇺🇿 O‘zDJTU 🇺🇿 Roman-german filologiyasi fakulteti kafedralari tomonidan tashkil etilgan “Sun’iy intellekt va raqamli kommunikatsiya asrida fan, madaniyat va til: dolzarb nazariy-amaliy masalalar” mavzusidagi talabalar ilmiy-amaliy anjumani yuqori ilmiy saviya hamda qizg‘in bahs-munozaralar ruhida bo‘lib o‘tdi.

✅ Mazkur ilmiy anjumanni O‘zDJTU ilmiy ishlar bo‘yicha prorektori Otabek Yusufov ochib berdi hamda bugungi kunda ilm-fan va ta’limda sun’iy intellektning o‘rni, yoshlarning ilmiy salohiyatini oshirish va innovatsion yondashuvlarning ahamiyati haqida fikr bildirdi.

✅ Anjuman davomida talabalar tilshunoslik, tarjimashunoslik, madaniyatlararo kommunikatsiya, sun’iy intellekt va zamonaviy lingvistik tadqiqotlarga oid dolzarb mavzularda o‘z ilmiy ma’ruzalari bilan ishtirok etdilar. Qizg‘in savol-javoblar va ilmiy munozaralar tadbirga alohida mazmun bag‘ishladi.

✅ Tadbir yakunida faol ishtirok etgan bir qator talabalar munosib taqdirlanib, ularning ilmiy izlanishlari e’tirof etildi.

🌎 Ilm, tafakkur va muloqot uyg‘unlashgan ushbu anjuman yosh tadqiqotchilar uchun muhim tajriba maydoni bo‘lib, ishtirokchilarda katta taassurot qoldirdi.