🎙 Jahon atrof-muhitni muhofaza qilish kuni munosabati bilan davra suhbati tashkil etildi

5-iyun — Jahon atrof-muhitni muhofaza qilish kuni munosabati bilan O‘zbekiston davlat jahon tillari universiteti Roman-german filologiyasi fakultetida davra suhbati tashkil etildi. Tadbirning asosiy maqsadi talaba-yoshlar orasida ekologik madaniyatni yuksaltirish, tabiatni asrash va atrof-muhitni muhofaza qilishga oid bilimlarni kengaytirishdan iborat bo‘ldi.

Davra suhbati davomida ishtirokchilarga ekologik muammolar, ularning inson hayoti va salomatligiga ta’siri, tabiiy resurslardan oqilona foydalanish hamda ekologik mas’uliyatni oshirish masalalari haqida batafsil ma’lumotlar berildi. Shuningdek, yoshlarning atrof-muhitni asrash borasidagi tashabbuslarini qo‘llab-quvvatlash va bu yo‘nalishda faol bo‘lishlari zarurligi ta’kidlandi.

Tadbir yakunida talabalar tomonidan ekologik muammolarni bartaraf etish bo‘yicha fikr va takliflar bildirildi. Davra suhbati ochiq muloqot ruhida o‘tib, ishtirokchilarning ekologik bilim va dunyoqarashini yanada boyitishga xizmat qildi.

✅ Biz bilan birga bo’ling!

📱 Telegram 📱 Instagram 📱 You Tube

📚 ✨KITOBXONLIK VA ILMGA OSHNO QALBLAR UCHRASHUVI

O‘zbekiston Respublikasi Prezidenti tashabbusi bilan boshlangan “Milliy kitobxonlik harakati” doirasida Buxoro viloyati G‘ijduvon tumanidagi 20-sonli umumta’lim maktabida ma’naviy-ma’rifiy uchrashuv tashkil etildi.

🇺🇿 Tadbirda O‘zbekiston davlat jahon tillari universiteti professori, filologiya fanlari doktori (DSc) Dilrabo Keldiyorovna Baxronova hamda O‘zbekistonda xizmat ko‘rsatgan madaniyat xodimi, taniqli shoira Zulfiya Mo‘minova ishtirok etdilar.

🎓 Uchrashuv davomida yoshlar bilan kitobxonlik madaniyati, zamonaviy ta’lim, xorijiy tillarni o‘rganish, sun’iy intellekt, xalqaro grantlar va Erasmus+ dasturlari haqida samimiy suhbat olib borildi.

📖 Tadbirning eng quvonchli lahzalaridan biri — Dilrabo Baxronova tomonidan maktab kutubxonasiga 120 dan ortiq badiiy, ilmiy va ma’rifiy kitoblar sovg‘a qilinishi bo‘ldi. Ushbu ezgu hadya maktabning sobiq bitiruvchisi tomonidan o‘z ta’lim maskaniga bildirilgan yuksak ehtirom va minnatdorlik ramziga aylandi.

💬 Savol-javoblarga boy o‘tgan uchrashuv o‘quvchilarda ilm-fan, mutolaa va ma’naviyatga bo‘lgan qiziqishni yanada kuchaytirdi.

📌 Prezidentimiz Shavkat Mirziyoyev ta’kidlaganidek:

"Kitob o‘qiydigan odam teran va sog‘lom fikrlaydi. Bunday tafakkurga ega inson esa jamiyatni o‘zgartira oladi."

#UzDJTU #Kitobxonlik #MilliyKitobxonlikHarakati #DilraboBaxronova #ZulfiyaMominova #IlmVaMarifat

ISPANIYADA SAQLANAYOTGAN O‘ZBEKISTON TARIXIY MEROSI: ILMIY SEMINAR MUVAFFAQIYATLI O‘TKAZILDI

🌐 2026-yil 12-iyun kuni O‘zbekiston Respublikasi Fanlar akademiyasi Temuriylar tarixi davlat muzeyida “Ispaniyada saqlanayotgan O‘zbekiston tarixiga oid manbalar, hujjatlar va muzey eksponatlari” mavzusida ilmiy seminar bo‘lib o‘tdi.

Mazkur tadbir O‘zbekiston Respublikasi Prezidentining 2026-yil 5-fevraldagi PQ–46-son qarori bilan tasdiqlangan “Temuriylar davri tarixini tizimli o‘rganish va ilmiy natijalarini keng targ‘ib etish bo‘yicha 2030-yilgacha mo‘ljallangan Yo‘l xaritasi” doirasida tashkil etildi. Tadbirning ochilishida Temuriylar tarixi davlat muzeyi direktori, tarix fanlari nomzodi, dotsent Xurshid Fayziyev, Toshkent davlat sharqshunoslik universiteti prorektori, filologiya fanlari doktori, professor Qudratillo Omonov nutq so‘zladilar.
🇺🇿 Seminarda O‘zbekiston davlat jahon tillari universiteti professori, filologiya fanlari doktori Dilrabo Keldiyorovna Baxronova ma’ruza bilan ishtirok etdi. Ma’ruzada Ispaniya arxivlari, kutubxonalari va muzeylarida saqlanayotgan O‘zbekiston tarixi, xususan Amir Temur va Temuriylar davriga oid noyob qo‘lyozmalar, diplomatik maktublar, tarixiy xaritalar, numizmatik yodgorliklar hamda san’at asarlari to‘g‘risida hamda ispan va o‘zbek tillarining qiziqarli xususiyatlari haqida batafsil ma’lumot berildi.

✅Ayniqsa, Kastiliya elchisi Rui Gonsales de Klavixoning Samarqand safariga oid manbalar, Amir Temur va Kastiliya qiroli Enrike III o‘rtasidagi diplomatik yozishmalar, Sevilya va Madrid muzeylarida saqlanayotgan Markaziy Osiyoga oid eksponatlar tinglovchilarda katta qiziqish uyg‘otdi.

✅ Seminar davomida O‘zbekistonda xizmat ko‘rsatgan madaniyat xodimi, yozuvchilar To‘lqin Hayit, Amirqul Karim va Temuriylar tarixi davlat muzeyi ilmiy xodimi, astronom Saidbahrom Azizov tomonidan ma’ruza yuzasidan yuqori baholar berildi. Muhokamalar jarayonida O‘zbekiston va Ispaniya o‘rtasidagi tarixiy-madaniy aloqalarni yanada chuqur o‘rganish zarurligi alohida ta’kidlandi.

✅ Tadbir savol-javoblar va ilmiy munozaralarga boy o‘tdi. Seminar ishtirokchilari Ispaniyada saqlanayotgan tarixiy merosimizni aniqlash, o‘rganish va ilmiy muomalaga kiritish bo‘yicha olib borilayotgan tadqiqotlarni yuksak baholadilar hamda kelgusida yangi loyihalar ustida ishlash bo‘yicha o‘zaro hamkorlik masalalarini muhokama qildilar.