🟦🟦🟦🟦🟦🟦🟦

O‘zDJTU vakillari Erasmus+ KA171 loyihasi doirasida Ispaniyaga tashrifining 1-kuni

O‘zbekiston davlat jahon tillari universitetining xalqaro hamkorlik aloqalari doirasida Yevropa Ittifoqining Erasmus+ KA171 dasturi asosidagi loyihalar izchil rivojlanib bormoqda.

Tashrifning birinchi kuni Rioxa universiteti rahbariyati bilan rasmiy uchrashuv hamda universitet faoliyati taqdimotidan so‘ng seminar-trening dasturiga muvofiq universitet kampusi bo‘ylab tanishtiruv ekskursiyasi tashkil etildi.

Ekskursiya davomida O‘zDJTU delegatsiyasi Rioxa universitetining o‘quv binolari, fakultetlari, ilmiy-tadqiqot laboratoriyalari, zamonaviy kutubxona majmuasi, talabalar va professor-o‘qituvchilar foydalanishi uchun yaratilgan sport infratuzilmasi hamda ta’lim jarayonini qo‘llab-quvvatlovchi zamonaviy obyektlar faoliyati bilan yaqindan tanishdi.

Shuningdek, delegatsiya a’zolariga universitetda ta’lim va ilmiy faoliyatni tashkil etish, innovatsion laboratoriyalar faoliyati, talabalar uchun yaratilgan shart-sharoitlar hamda xalqaro hamkorlikni rivojlantirish bo‘yicha amalga oshirilayotgan ishlar haqida batafsil ma’lumot berildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦🟦

O‘zDJTU vakillarining Erasmus+ KA171 loyihasi doirasida Ispaniyaga tashrifi davom etmoqda

O‘zbekiston davlat jahon tillari universiteti delegatsiyasi Erasmus+ KA171 loyihasi doirasidagi xizmat safari davomida Ispaniya Qirolligining Logronyo shahrida joylashgan Rioxa universitetida (Universidad de La Rioja) tashkil etilgan xalqaro seminar-trening va tajriba almashish dasturida faol ishtirok etmoqda.

2026-yil 13–17-iyul kunlari O‘zbekiston davlat jahon tillari universiteti rektori Ilxomjon Tuxtasinov boshchiligidagi delegatsiya Erasmus+ KA171 dasturi doirasida tashkil etilgan mazkur xalqaro tadbirda ishtirok etib, oliy ta’lim sohasidagi ilg‘or tajribalarni o‘rganish, xalqaro hamkorlikni kengaytirish hamda akademik mobillikni rivojlantirish masalalari yuzasidan fikr almashmoqda.

Seminar-treningning ikkinchi kunida O‘zDJTU rektori Ilxomjon Tuxtasinov universitet faoliyati va rivojlanish strategiyasiga bag‘ishlangan taqdimot bilan ishtirok etdi. Taqdimot davomida universitetning bakalavriat va magistratura bosqichlaridagi ta’lim yo‘nalishlari hamda mutaxassisliklari, qo‘shma ta’lim dasturlari, doktorantura va ilmiy-tadqiqot faoliyati, milliy va xalqaro reytinglardagi natijalari, yetakchi xorijiy oliy ta’lim muassasalari bilan yo‘lga qo‘yilgan hamkorlik aloqalari, dual ta’lim dasturlari, Erasmus+ loyihalari doirasida amalga oshirilayotgan talaba va professor-o‘qituvchilar almashinuvi, shuningdek, universitetdagi xorijiy talabalar va mutaxassislar ulushi haqida batafsil ma’lumot berildi.

Shuningdek, taqdimot yakunida O‘zDJTUning xalqaro hamkorlikni yanada rivojlantirish, ilmiy-tadqiqot salohiyatini oshirish hamda ta’lim sifatini xalqaro standartlar asosida takomillashtirish borasidagi ustuvor yo‘nalishlari yuzasidan fikr almashildi. Seminar ishtirokchilari universitetning xalqaro faoliyati va Erasmus+ dasturlaridagi muvaffaqiyatlarini yuqori baholab, istiqboldagi hamkorlikni yanada kengaytirishga qiziqish bildirdilar.

🌐 Biz ijtimoiy tarmoqlarda:
Telegram | Instagram | Facebook | Sayt

Talabalar Gyote instituti faoliyati bilan tanishdilar

16-iyul sanasida Oʻzbekiston davlat jahon tillari universiteti Roman-german filologiyasi fakulteti talaba-yoshlari uchun Ijtimoiy-psixologik muhit bilan ishlash boʻlimi mutaxassisi M. Abdurahmonova tashabbusi bilan Gyote institutida tanishuv uchrashuvi tashkil etildi.

Unda talabalar Gyote institutining taʼlim dasturlari, nemis tilini oʻrganish imkoniyatlari, xalqaro loyihalari hamda faoliyati haqida batafsil maʼlumot oldilar. Shuningdek, institutda oʻtkazilgan “Biznes bozori” yarmarkasi bilan tanishib, unda ishtirok etayotgan tashkilot va kompaniyalarning xizmatlari, faoliyat yoʻnalishlari hamda mahsulotlarini keng jamoatchilikka taqdim etish jarayonlarini kuzatdilar.

Mazkur tadbir talabalarning kasbiy dunyoqarashini kengaytirish, xorijiy tillarni oʻrganishga boʻlgan qiziqishini yanada oshirish hamda taʼlim va kelajakdagi kasbiy faoliyatiga oid foydali maʼlumotlarga ega boʻlishiga imkon yaratdi.

🌐 Biz ijtimoiy tarmoqlarda:
Telegram  | Instagram   | Facebook | Sayt