🇺🇿 MUSTAQILLIKNING 35 YILLIGIGA BAG‘ISHLANGAN MAQOLALAR TANLOVI

📚 O‘zbekiston Respublikasi Prezidentining 2026-yil 1-apreldagi PQ-120-son qarori ijrosini ta’minlash hamda O‘zbekiston Respublikasi davlat mustaqilligining 35 yilligini keng nishonlash doirasida O‘zbekiston davlat jahon tillari universitetida talabalar o‘rtasida maqolalar tanlovi o‘tkazilmoqda. 🇺🇿

✍️ Tanlov quyidagi mavzular bo‘yicha tashkil etiladi:

🔹 “Ona Vatanimning buyuk farzandlari”
🔹 “O‘zbekistonlik ekanimdan faxrlanaman”
🔹 “Vatanga xizmat qilish – buyuk maqsadim”

🎯 Tanlovdan ko‘zlangan asosiy maqsad — talaba-yoshlarda Vatanga muhabbat va sadoqat, milliy g‘urur va iftixor, fuqarolik mas’uliyati hamda daxldorlik tuyg‘ularini yanada mustahkamlash.

🌱 Shuningdek, O‘zbekiston mustaqilligi yillarida erishilgan yutuqlar va amalga oshirilayotgan keng ko‘lamli islohotlarni yoshlar orasida keng targ‘ib etish, Uchinchi Renessans bunyodkorlari bo‘lishga intilayotgan iqtidorli va ijodkor talabalarni qo‘llab-quvvatlash ko‘zda tutilgan.

📝 Tanlov ishtirokchilarining maqolalari quyidagi mezonlar asosida baholanadi:

📌 mavzuning mazmun-mohiyati to‘liq yoritilganligi;
📌 Vatanga muhabbat va vatanparvarlik g‘oyalarining ifodalanganligi;
📌 Yangi O‘zbekiston taraqqiyoti va Uchinchi Renessans g‘oyalari bilan bog‘liqligi;
📌 muallifning mustaqil fikri va tahliliy yondashuvi;
📌 mantiqiy izchillik va adabiy til me’yorlariga rioya etilishi;
📌 manbalarning to‘g‘ri ko‘rsatilishi va akademik halollik talablariga rioya qilinishi.

🏆 Har bir mavzu yo‘nalishi bo‘yicha I, II va III o‘rin sohiblari aniqlanadi hamda g‘oliblar diplom va esdalik sovg‘alari bilan taqdirlanadi. 🎁

✨ Aziz talabalar!
O‘z fikringiz, ijodingiz va Vatanga bo‘lgan mehringizni maqolangiz orqali namoyon eting!

⏰ Maqolalarni 2026-yil 11-sentabrga qadar tyutoringizga topshirishingizni so‘raymiz.

🇺🇿 Mustaqillik — buyuk qadriyat, Vatanga xizmat esa sharafli burchdir!

🇫🇷 FRANSIYADA AKADEMIK ALMASHINUV IMKONIYATI!
Roman-german filologiyasi fakulteti Fransuz filologiyasi kafedrasi talabalari uchun Fransiyaning nufuzli oliy ta’lim muassasalaridan biri — "Université Sorbonne Paris Nord (USPN)"da tahsil olish imkoniyati!
🎓 Dastur: Akademik almashinuv / Exchange Programme
🏛 Universitet: Université Sorbonne Paris Nord, Fransiya
📍 Joylashuvi: Villetaneuse, Parij

👥 KIMLAR QATNASHISHI MUMKIN?
• Bakalavriat talabalari
• Magistratura talabalari
almashinuv dasturida ishtirok etishlari mumkin.
Qabul qilinadigan talabalar soni universitetlar o‘rtasida imzolangan kelishuvda belgilangan kvotaga bog‘liq.

📚 ASOSIY TALABLAR
🇫🇷 Fransuz tili:
• Minimal talab — B1
• B2 daraja tavsiya etiladi
• DELF, DALF, TCF, TEF kabi rasmiy sertifikatlar qabul qilinadi.
• Universitetning til markazi tomonidan berilgan til bilish darajasini tasdiqlovchi sertifikat ham qabul qilinishi mumkin.
⚠️ Fransuz filologiyasi yo‘nalishidagi talabalar uchun til darajasi ayniqsa muhim.

📄 TALAB QILINADIGAN HUJJATLAR:
📑 Learning Agreement — o‘qish rejasi
📊 Akademik o‘zlashtirish to‘g‘risidagi rasmiy transkript
✍️ Motivatsion xat
📝 Kafedra/ta’lim dasturi rahbarining tavsiyanomasi
🇫🇷 Fransuz tilini bilish darajasini tasdiqlovchi hujjat
📄 CV (Curriculum Vitae)
🛂 Pasport nusxasi
🎓 Talabaning universitetdagi talabalik guvohnomasi
Hujjatlar universitetning MoveOn onlayn platformasi orqali topshiriladi.

📅 MUHIM MUDDATLAR
1-semestr yoki to‘liq o‘quv yili uchun:
🗓 15-maygacha
2-semestr uchun:
🗓 31-oktabrgacha
Nomzod avvalo o‘z universiteti tomonidan rasmiy ravishda nominatsiya qilinishi kerak. Shundan so‘ng USPN tomonidan ariza topshirish uchun MoveOn platformasiga kirish imkoniyati beriladi.

🎓 TA’LIM JARAYONI
• 1 semestr uchun Erasmus talabasi maksimal 30 ECTS to‘plashi mumkin.
• To‘liq akademik yil uchun maksimal 60 ECTS.
• Talabaning asosiy o‘qish sohasi uning nominatsiyasidagi asosiy yo‘nalish bilan mos bo‘lishi kerak.
• Boshqa kafedralardan fan olish ayrim hollarda tegishli pedagogik koordinatorning oldindan roziligi bilan mumkin.
🇫🇷 FRANSIYAGA BORGANDA
USPN almashinuv talabalari uchun:
✅ Moslashuv va Welcome Week
✅ Intensiv fransuz tili mashg‘ulotlari
✅ Fransuz va xalqaro talabalar bilan ijtimoiy tadbirlar
✅ Fransuz tili kurslari
tashkil etadi.

🏠 YOTOQXONA
Talaba ariza topshirish vaqtida CROUS yotoqxonasiga ehtiyojini bildirishi mumkin.
💶 Taxminiy narx: 390–500 € / oy
⚠️ Yotoqxona joylari cheklangan va mavjud joylarga qarab ajratiladi.

💰 YASHASH XARAJATLARI
USPN ma’lumotlariga ko‘ra, Fransiyada yashash uchun o‘rtacha:
💶 800 € / oy
atrofida mablag‘ talab qilinishi mumkin.
✈️ VIZA
Fransiyaga boruvchi O‘zbekiston fuqarolari uchun talabalik vizasi talab qilinadi. Qabul qilingan talaba Campus France / Études en France tizimi orqali tegishli jarayonlardan o‘tadi.
⭐️ NIMA UCHUN BU IMKONIYATNI TANLASH KERAK?
🇫🇷 Fransiyada tahsil olish
🎓 Xalqaro akademik tajriba
📚 Fransuz tilini real muhitda rivojlantirish
🌍 Xalqaro talabalar bilan muloqot
📜 Akademik kreditlarni o‘zlashtirish va o‘z universitetida tan oldirish imkoniyati
🏛 Sorbonne Paris Nord universitetida o‘qish tajribasi
Aziz talabalar! Agar siz Fransuz filologiyasi yo‘nalishida tahsil olayotgan bo‘lsangiz va Fransiyada bir semestr yoki akademik yil davomida o‘qish imkoniyatiga ega bo‘lishni istasangiz, ushbu imkoniyatdan foydalanishingiz mumkin.
📌 Batafsil ma’lumot va nomzodlarni saralash tartibi bo‘yicha Fransuz filologiyasi kafedrasida xalqaro hamkorlik mas’ullariga murojaat qiling.

☎️(Tg)Tel.: +998937437340

🔗 Université Sorbonne Paris Nord rasmiy ma’lumotlari:
USPN — Exchange Programmes
📄 Rasmiy Fact Sheet:
USPN Fact Sheet