🟦🟦🟦🟦🟦🟦🟦

🎶 “ENG YAXSHI QO‘SHIQ” TANLOVINING UNIVERSITET BOSQICHI BO‘LIB O‘TDI

O‘zbekiston davlat jahon tillari universitetida talaba-yoshlarning iste’dod va ijodiy qobiliyatlarini qo‘llab-quvvatlash, ularning musiqiy salohiyatini namoyon etishi uchun imkoniyat yaratish maqsadida “Eng yaxshi qo‘shiq” tanlovining universitet bosqichi bo‘lib o‘tdi.

Tanlovda fakultet bosqichlarida g‘olib bo‘lgan talabalar hamda jamoalar ishtirok etib, yakkaxon va jamoaviy ijro yo‘nalishlarida o‘z chiqishlarini namoyish etdilar. Ishtirokchilar turli janrdagi qo‘shiqlarni ijro etib, ijodiy mahorat va sahna madaniyatlarini namoyon etdilar.

🏆 YAKKAXON IJRO YO‘NALISHI:

🥇 1-o‘rin — Axtamov Diyorbek, Ingliz filologiyasi fakulteti
🥈 2-o‘rin — Rejabboyeva Moxida, Roman-german filologiyasi fakulteti
🥉 3-o‘rin — Sobirova Nihola, Sharq filologiyasi fakulteti

🎤JAMOAVIY IJRO YO‘NALISHI:

🥇 1-o‘rin — “Qizlar” jamoasi
🥈 2-o‘rin — “Joziba” jamoasi
🥉 3-o‘rin — “Angren Liderlari” jamoasi

Taqdirlash marosimida tanlov g‘olib va sovrindorlariga diplom hamda pul mukofotlari topshirildi. Yakkaxon va jamoaviy ijro yo‘nalishlarida 1-o‘rin uchun bazaviy stipendiyaning 2 baravari, 2-o‘rin uchun 1,5 baravari, 3-o‘rin uchun esa 1 baravari miqdorida pul mukofoti belgilangan.

Barcha ishtirokchilarni munosib qatnashgani, g‘olib va sovrindorlarni esa yuqori natijalari bilan muborakbod etamiz!

🌐 Biz ijtimoiy tarmoqlarda:
Telegram | Instagram | Facebook | Sayt

🇺🇿O‘zbekiston davlat jahon tillari universiteti 🇺🇿 Roman-german filologiyasi fakulteti IPMBIB mutaxassisi M. Abdurahmonova tashabbusi bilan 3-kurs talabalarining darsdan keyingi bo‘sh vaqtlarini mazmunli tashkil etish maqsadida madaniy-ma’rifiy tashrif tashkil etildi.

🚩 Talabalar “Hikmah — о мудрости, духе и превращении материи” ko‘rgazmasiga tashrif buyurib, zamonaviy san’at olami bilan yaqindan tanishdilar.

Ko‘rgazma ekspozitsiyasidan o‘zbek va xorijiy rassomlarning turli ijodiy ishlari o‘rin olgan bo‘lib, ayrim asarlar aynan ushbu ko‘rgazma zallari uchun maxsus yaratilgan. Jumladan, Tarik Kisvansonning po‘lat va smoladan ishlangan “Nest” haykaltaroshlik asari ham tashrif buyuruvchilarda katta qiziqish uyg‘otdi.

Bunday madaniy-ma’rifiy tashriflar talabalarning bo‘sh vaqtlarini mazmunli o‘tkazish, ularning estetik didini rivojlantirish hamda san’atga bo‘lgan qiziqishini oshirishga xizmat qiladi.

🇺🇿 O‘zDJTU Roman-german filologiyasi fakulteti IPMBIB mutaxassisi M. Abdurahmonova hamda fakultet tyutorlari P. Jabborova, A. Bekmurzayeva va Z. Nazarovalar tomonidan 5-sonli talabalar turar joyida xonama-xona yurib, talabalar bilan suhbatlar olib borildi.

📌 Suhbatlar davomida talabalarning yashash sharoitlari, ichki tartib-qoidalarga rioya qilishi, xavfsizlik va sanitariya-gigiyena talablariga amal qilishi o‘rganildi.

Shuningdek, talabalarning murojaatlari, muammolari va takliflari tinglanib, ularni qo‘llab-quvvatlash hamda yuzaga kelayotgan masalalarni o‘z vaqtida hal etish bo‘yicha tushuntirishlar berildi.