🇺🇿5 TASHABBUS HAFTALIGI — MILLIYLIK BILAN BOSHLANDI🤎

Bugun universitetimizda tong odatdagidan boshqacha boshlandi — milliy liboslar, samimiy salomlar, qadriyatlarimiz va san’at nafasi bir kun davomida fakultetimizga o‘zgacha ruh bag‘ishladi ✨

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti tomonidan tashkil etilgan “🇺🇿5 tashabbus haftaligi” doirasidagi ilk kun 🇺🇿 Roman-german filologiyasi fakulteti Kengashi tashabbusi bilan MILLIYLIK KUNI sifatida o‘tkazildi🤎

🔅“SALOM” CHALLENGE
Kun fakultet kirishidayoq milliy ruhda boshlandi. Milliy liboslardagi talabalar erta tongdan ustozlar va tengdoshlarini samimiy kutib olib, o‘zbekona mehmondo‘stlik kayfiyatini ulashdilar.

📝 MILLIYLIK DOSKASI
“Sevimli milliy an’anangiz qaysi?”, “Sevimli milliy taomingiz nima?” kabi savollar tushirilgan doska esa kun davomida talabalarning javoblari bilan to‘lib bordi. Har bir yozuv — milliy qadriyatlarimizga bo‘lgan mehrning kichik bir ifodasiga aylandi

🤩 FAKULTET DARAXTI
Fakultet hayotining eng yorqin lahzalari bir daraxtda jamlandi: o‘tkazilgan tadbir va tanlovlardan suratlar, unutilmas xotiralar hamda talabalar tomonidan yozilgan samimiy tilaklar Fakultet daraxtiga o‘zgacha mazmun berdi.

🎨SAN’AT KO‘RGAZMASI
Milliylik kuni ijod va iste’dodsiz o‘tishi mumkinmi? Albatta, yo‘q! Rasm chizish ko‘rik-tanlovi, hunarmandchilik namunalari, milliy cholg‘ular va jonli ijrolar orqali talabalar o‘z mahoratlarini namoyish etdilar.

Bu kun shunchaki tadbirlar jamlanmasi emas, milliylikni kiyimda, san’atda, xotiralarda va eng muhimi — qalbda his qilish kuni bo‘ldi👩

💫“5 tashabbus haftaligi”ning ilk kuni ana shunday milliy ruh, ijod va unutilmas lahzalar bilan yakunlandi.

🌐Biz ijtimoiy tarmoqlarda:
TELEGRAM | INSTAGRAM

🎭 SAHNA ISTE’DODLILARNI BIRLASHTIRDI🌟

Ba’zilar kuyladi, ba’zilar raqsga tushdi, kimdir she’ri bilan zalni jim qoldirdi, yana kimdir noodatiy chiqishi bilan barchani hayratlantirdi👏

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkilotining “🇺🇿 Besh tashabbus haftaligi” doirasidagi 1-tashabbus bo'yicha 🇺🇿 Roman-german filologiyasi fakulteti Kengashi tomonidan “SAHNA SENIKI — ISTE’DODINGNI KO‘RSAT” talent show muvaffaqiyatli o‘tkazildi‼️

🎤 Tadbir davomida talabalar vokal, raqs, she’riyat va sahna san’ati yo‘nalishlarida o‘z mahoratlarini namoyish etishdi. Ayniqsa, ishtirokchilarning bir-biridan farqli va kreativ chiqishlari sahnaga o‘zgacha kayfiyat olib kirdi💫

🏆Yakunda eng yorqin ijrolar munosib e’tirof etilib, nominatsiyalar bo‘yicha g‘olib va faol ishtirokchilar taqdirlandilar. Ularning iste’dodi, sahnadagi mahorati va ijodiy yondashuvi alohida e’tirof etildi⚡️

Bir kun. Bir sahna. Turli iste’dodlar.
Va yana bir bor amin bo‘ldik: fakultetimizda kashf etilishini kutayotgan iste’dodlar hali ko‘p✨

🌐Biz ijtimoiy tarmoqlarda:
TELEGRAM | INSTAGRAM