🟦🟦🟦

“BESH TASHABBUS OLIMPIADASI” SPORT MUSOBAQALARINING I BOSQICHI BO‘LIB O‘TDI!

Bugun, 13-oktabr kuni 🇺🇿O‘zbekiston davlat jahon tillari universiteti 🇺🇿Roman-german filologiyasi fakultetida Yoshlar ittifoqi boshlang‘ich tashkiloti fakultet kengashi bilan hamkorlikda “Besh tashabbus olimpiadasi” sport musobaqalarining I bosqichi tashkil etildi.

🏆 Musobaqalarning ochilish marosimida Roman-german filologiyasi fakulteti dekani A. Xalillayev ishtirok etib, bellashuvlarga rasman start berdi. Dekan o‘z nutqida sportning yoshlar hayotidagi ahamiyati, sog‘lom turmush tarzini shakllantirish hamda talabalarning jismoniy faolligini oshirish muhimligini ta’kidlab, barcha ishtirokchilarga omad tiladi.

🗂Musobaqalar doirasida voleybol, futbol, qisqa masofaga yugurish, shaxmat, stol tennisi hamda raketka sport turlari bo‘yicha bellashuvlar tashkil etildi. Mazkur musobaqalarning I bosqichi talaba-yoshlarning sportga bo‘lgan qiziqishini oshirish, ularning jismoniy va intellektual salohiyatini rivojlantirish hamda sog‘lom turmush tarzini keng targ‘ib etishga xizmat qildi.

Bellashuvlar davomida talabalar o‘zlarining sport mahorati, shijoati va g‘alabaga bo‘lgan intilishlarini namoyon etdilar. Musobaqalar sog‘lom raqobat, ko‘tarinki kayfiyat va faol ishtirok ruhida o‘tdi.

🌐 Biz ijtimoiy tarmoqlarda:
TELEGRAM📱 | INSTAGRAM📱

🟦🟦🟦

O‘zDJTUda “Bo‘sh ish o‘rinlari yarmarkasi – 2026” o‘tkazildi

13-oktabr kuni O‘zbekiston davlat jahon tillari universiteti Roman-german filologiyasi fakulteti tomonidan bitiruvchi kurs talabalari va bitiruvchilar bandligini ta’minlash, ularni mavjud vakansiyalar bilan tanishtirish hamda ish beruvchilar bilan hamkorlikni rivojlantirish maqsadida “Bo‘sh ish o‘rinlari yarmarkasi – 2026” tashkil etildi.

Tadbirni O‘zDJTU rektori Ilxomjon Tuxtasinov ochib berdi. U o‘z nutqida bitiruvchilarni ish bilan ta’minlash, ularni mehnat bozori talablariga mos ravishda kasbiy faoliyatga yo‘naltirish hamda universitet va ish beruvchilar o‘rtasidagi hamkorlikni rivojlantirish masalalariga to‘xtaldi.

Yarmarkada Uchtepa tumani prokurori S. Muxtorov, Uchtepa tumani prokurori o‘rinbosari A. Xolmatov, “Louvre Académie” nodavlat ta’lim muassasasi rahbari o‘rinbosari F. Mirzarahimova, “Nemix” MCHJ rahbari M. Axmatova hamda “Safiya” qandolatchilik uyi vakili S. Muhammedova ishtirok etdi. Ular bitiruvchilar bilan muloqot qilib, mavjud ish o‘rinlari va yosh mutaxassislar uchun mehnat bozoridagi imkoniyatlar haqida ma’lumot berdilar.

O‘zDJTU Registrator ofisi hamkorligida o‘tkazilgan yarmarkada 40 ga yaqin davlat va nodavlat tashkilotlari, bank-moliya muassasalari, ta’lim markazlari, sug‘urta, turizm hamda xizmat ko‘rsatish sohasi vakillari qatnashdi.

Tadbir davomida bitiruvchilar ish beruvchilar bilan bevosita muloqot qilish, bo‘sh ish o‘rinlari bilan tanishish, rezyumelarini taqdim etish va ishga joylashish bo‘yicha zarur tavsiyalar olish imkoniyatiga ega bo‘ldilar.

🌐 Biz ijtimoiy tarmoqlarda:
Telegram | Instagram | Facebook | Sayt