“Biz — giyohvandlikka qarshimiz!” mavzusida Zakovat bilimlar bellashuvi

🇺🇿 O‘zbekiston davlat jahon tillari universiteti Roman-german filologiyasi fakulteti dekani A. Xalillayev, yoshlar bilan ishlash bo’yicha dekan muovini A. Mallayev, IPMBIB mutaxassisi M. Abdurahmonova, fakultet xotin-qizlar masalalari bo‘yicha dekan maslahatchisi N. Sabirova hamda fakultet tyutorlari P. Jabborova va Z. Nazarova, A. Bekmurzayeva boshchiligida fakultet talabalari o‘rtasida “Biz — giyohvandlikka qarshimiz!” mavzusida Zakovat bilimlar bellashuvi tashkil etildi.

💥Mazkur bellashuvdan ko‘zlangan asosiy maqsad talabalarning darsdan keyingi bo‘sh vaqtlarini mazmunli tashkil etish, ularning intellektual salohiyati va bilimini oshirish, jamoaviy ishlash ko‘nikmalarini rivojlantirish hamda yoshlar o‘rtasida giyohvandlikning salbiy oqibatlari haqida tushuncha va xabardorlikni kuchaytirishdan iborat.

🌐 Bellashuv davomida ishtirokchilar giyohvandlikning inson salomatligi va jamiyatga yetkazadigan zarari, sog‘lom turmush tarzi, huquqiy savodxonlik hamda zararli odatlarning oldini olishga oid savollar yuzasidan o‘z bilim va tafakkurlarini namoyon etdilar.

Bunday intellektual bellashuvlar yoshlarning bo‘sh vaqtlarini samarali o‘tkazish, ularda sog‘lom hayotiy qarashlarni shakllantirish, zararli odatlarga nisbatan murosasiz munosabatni rivojlantirish va faol fuqarolik pozitsiyasini mustahkamlashga xizmat qiladi.

Odam savdosiga qarshi kurash — inson huquqlarini himoya qilishning muhim omili

🇺🇿 O‘zbekiston davlat jahon tillari universiteti Roman-german filologiyasi fakultetida IPMBIB mutaxassisi M. Abdurahmonova tomonidan talaba-yoshlar o‘rtasida «Odam savdosiga qarshi kurash — inson huquqlarini himoya qilishning muhim omili» mavzusida profilaktik ishlar olib borildi.

💥Jarayon davomida talaba-yoshlarga odam savdosining oldini olish, inson huquq va erkinliklarini himoya qilish, majburiy mehnat hamda noqonuniy migratsiya bilan bog‘liq xavf-xatarlar haqida tushuntirishlar berildi. Mavzuga oid videorolik namoyish etilib, unda aks etgan holatlar orqali odam savdosining ayanchli oqibatlari va uning oldini olish choralari yoritildi.

📢Shuningdek, talaba-yoshlarga xorijda ta’lim olish yoki mehnat faoliyatini amalga oshirish maqsadida chet elga borishda ehtiyotkor bo‘lish, shubhali takliflarga ishonmaslik, shaxsiy hujjatlarni begona shaxslarga bermaslik hamda o‘z huquqlarini bilish muhimligi ta’kidlandi.

Inson huquqlarini himoya qilish, yoshlar xavfsizligini ta’minlash va odam savdosiga qarshi kurashish — barchamizning umumiy vazifamiz!

“Go‘zallik va mahorat” to‘garagi tashkil etildi

🇺🇿 O‘zbekiston davlat jahon tillari universiteti Roman-german filologiyasi fakultetida IPMBIB bo‘limi mutaxassisi M. Abdurahmonova tashabbusi bilan talaba-qizlarning ijodiy qobiliyatlarini rivojlantirish, estetik didini yuksaltirish hamda bo‘sh vaqtlarini mazmunli tashkil etish maqsadida “Go‘zallik va mahorat” nomli to‘garak tashkil etildi.

💬To‘garak mashg‘ulotlari davomida talaba-qizlarning qo‘l mehnati, ijodkorlik va hunarmandchilikka bo‘lgan qiziqishlarini oshirish, turli buyumlar yasash, bezak san’ati va zamonaviy ijodiy g‘oyalarni amalga oshirishga alohida e’tibor qaratiladi.

🆕Mazkur to‘garak talaba-qizlarning yashirin iste’dodlarini namoyon etish, yangi ko‘nikmalarni egallash, o‘zaro tajriba almashish hamda go‘zallikni yaratish orqali ijodiy salohiyatini rivojlantirishga xizmat qiladi.

Go‘zallik — didda, mahorat — mehnatda, ijod esa ilhomda!