🟦🟦🟦🟦 🟦🟦🟦

⚡️IJODIY TASHABBUSLAR VA YOSH ISTE’DODLAR BIR MAYDONDA‼️

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti 🇺🇿 Roman-german filologiyasi fakulteti Kengashi tashabbusi bilan “TALABALAR TASHABBUSLARI HAFTALIGI”ga start berildi!

📌 Haftalikning ilk kuni “SAN’AT VA MADANIYAT” yo‘nalishiga bag‘ishlanib, talabalar ijodkorligini qo‘llab-quvvatlash, yosh iste’dodlarni kashf etish hamda universitet muhitida milliy qadriyatlar va san’atga bo‘lgan qiziqishlarini oshirish maqsadida qaratilgan bir qator loyihalar tashkil etildi.

👩 “SALOM CHELLENJI” VA “TILAKLAR BEKATI”

Hafta milliylik ruhidagi samimiy salomlashuvlar bilan boshlandi. Universitetga tashrif buyurgan professor-o‘qituvchilar va talabalar ko‘tarinki kayfiyatda kutib olindi. “Tilaklar bekati”da esa yoshlar o‘z ezgu niyatlari, ilhomlantiruvchi fikrlari va samimiy tilaklarini maxsus doskaga yozib qoldirdilar.

🎙 “MUSHOIRA KECHASI”

She’riyat ixlosmandlari o‘z qalamiga mansub ijod namunalarini hamda sevimli shoirlari asarlaridan parchalarni ifodali ijro etdilar. Adabiy uchrashuv davomida badiiy so‘zning ta’sirchanligi, nutq madaniyati va yosh ijodkorlarning o‘ziga xos qarashlari alohida o‘rin egalladi.

🎵 “RAQS TO‘GARAGI”

Milliy va zamonaviy raqs yo‘nalishlariga bag‘ishlangan amaliy mashg‘ulotda talabalar musiqiy ritm, harakatlar uyg‘unligi va sahna madaniyatiga oid ko‘nikmalarini rivojlantirdilar. Mashg‘ulot ishtirokchilarga raqs san’atining nozik jihatlarini o‘rganish va jamoaviy ijro mahoratini oshirish imkonini berdi.

🎨 “YOSHLIK RANGLARI”

Rassomchilik tanlovida ishtirokchilar yoshlik haqidagi tasavvurlari, orzu-intilishlari va hayotga bo‘lgan munosabatlarini ranglar orqali ifodaladilar. Turli uslub va kompozitsiyalarda yaratilgan ijodiy ishlar talabalarning tasavvur kengligi hamda individual dunyoqarashini aks ettirdi.

🎶 “ISTE’DOD” MUSIQA TO‘GARAGI

Talabalarning musiqiy qobiliyatlarini rivojlantirish va yosh iste’dodlarni qo‘llab-quvvatlashga qaratilgan “ISTE’DOD” musiqa to‘garagi o‘z faoliyatini boshladi. Loyiha yoshlarning ijodiy salohiyatini yuzaga chiqarish, san’atga bo‘lgan qiziqishini oshirish hamda bo‘sh vaqtlarini mazmunli tashkil etishga xizmat qiladi.

🔗 “San’at va madaniyat” kuni doirasida tashkil etilgan ushbu loyihalar talabalarning ijodiy tashabbuslarini rag‘batlantirish, yangi iste’dodlarni kashf etish hamda fakultetda faol, mazmunli va ijodiy muhitni shakllantirishga xizmat qildi.

TALABALAR TASHABBUSLARI HAFTALIGI DAVOM ETADI!

🌐 Biz ijtimoiy tarmoqlarda:
TELEGRAM | INSTAGRAM

TALABALAR TEMURIYLAR TARIXI MUZEYIGA TASHRIF BUYURISHDI

🇺🇿O‘zbekiston davlat jahon tillari universiteti 🇺🇿Roman-german filologiyasi fakulteti tyutori P. Jabborova tashabbusi bilan 2-bosqich talabalari uchun Temuriylar tarixi davlat muzeyiga tashrif tashkil etildi.

🎯Tashrifdan ko‘zlangan maqsad talabalarning bo‘sh vaqtini mazmunli tashkil etish, tarixiy merosga hurmat va vatanparvarlik tuyg‘ularini mustahkamlashdan iborat.

🔎Muzeyga tashrif davomida talabalar buyuk sarkarda va davlat arbobi Amir Temurning hayoti, faoliyati, davlat boshqaruvi hamda Temuriylar saltanatining qudrati haqida batafsil ma’lumotlarga ega bo‘ldilar. Shuningdek, tarixiy eksponatlar bilan tanishib, ajdodlarimizning boy madaniy va tarixiy merosini yaqindan o‘rgandilar.

Mazmunli tashkil etilgan tashrif talabalarda katta taassurot qoldirib, ularning tarixiy bilimlarini boyitish va milliy qadriyatlarga hurmatini oshirishga xizmat qildi.

🟦🟦🟦
SOG‘LOM HAYOT SARI BIRGALIKDA!

🇺🇿 O‘zbekiston davlat jahon tillari universiteti 🇺🇿Roman-german filologiyasi fakulteti tyutori P. Jabborova tashabbusi bilan talabalarning bo‘sh vaqtini mazmunli tashkil etish hamda ular o‘rtasida sog‘lom turmush tarzini keng targ‘ib qilish maqsadida sport musobaqalari tashkil etildi. ✨

🏆 Musobaqalar davomida talabalar yugurish, voleybol, stol tennisi, shaxmat va shashka kabi sport turlari bilan shug‘ullanib, o‘zlarining jismoniy faolligi, chaqqonligi va intellektual salohiyatini namoyon etdilar. 🏓 🏐 🧠

🤝 Bunday sport mashg‘ulotlari nafaqat salomatlikni mustahkamlash, balki talabalar o‘rtasida do‘stlik, hamjihatlik va jamoaviylik tuyg‘ularini rivojlantirishga ham xizmat qiladi.

🌿 Sog‘lom tana — sog‘lom fikr! Sportni kundalik hayotimizning ajralmas qismiga aylantiraylik! 🔥💚