TALABALAR TEMURIYLAR TARIXI MUZEYIGA TASHRIF BUYURISHDI

🇺🇿O‘zbekiston davlat jahon tillari universiteti 🇺🇿Roman-german filologiyasi fakulteti tyutori P. Jabborova tashabbusi bilan 2-bosqich talabalari uchun Temuriylar tarixi davlat muzeyiga tashrif tashkil etildi.

🎯Tashrifdan ko‘zlangan maqsad talabalarning bo‘sh vaqtini mazmunli tashkil etish, tarixiy merosga hurmat va vatanparvarlik tuyg‘ularini mustahkamlashdan iborat.

🔎Muzeyga tashrif davomida talabalar buyuk sarkarda va davlat arbobi Amir Temurning hayoti, faoliyati, davlat boshqaruvi hamda Temuriylar saltanatining qudrati haqida batafsil ma’lumotlarga ega bo‘ldilar. Shuningdek, tarixiy eksponatlar bilan tanishib, ajdodlarimizning boy madaniy va tarixiy merosini yaqindan o‘rgandilar.

Mazmunli tashkil etilgan tashrif talabalarda katta taassurot qoldirib, ularning tarixiy bilimlarini boyitish va milliy qadriyatlarga hurmatini oshirishga xizmat qildi.

🟦🟦🟦
SOG‘LOM HAYOT SARI BIRGALIKDA!

🇺🇿 O‘zbekiston davlat jahon tillari universiteti 🇺🇿Roman-german filologiyasi fakulteti tyutori P. Jabborova tashabbusi bilan talabalarning bo‘sh vaqtini mazmunli tashkil etish hamda ular o‘rtasida sog‘lom turmush tarzini keng targ‘ib qilish maqsadida sport musobaqalari tashkil etildi. ✨

🏆 Musobaqalar davomida talabalar yugurish, voleybol, stol tennisi, shaxmat va shashka kabi sport turlari bilan shug‘ullanib, o‘zlarining jismoniy faolligi, chaqqonligi va intellektual salohiyatini namoyon etdilar. 🏓 🏐 🧠

🤝 Bunday sport mashg‘ulotlari nafaqat salomatlikni mustahkamlash, balki talabalar o‘rtasida do‘stlik, hamjihatlik va jamoaviylik tuyg‘ularini rivojlantirishga ham xizmat qiladi.

🌿 Sog‘lom tana — sog‘lom fikr! Sportni kundalik hayotimizning ajralmas qismiga aylantiraylik! 🔥💚

“USTOZIM – HAYOTIM CHIROG‘I” VA “MENING HAYOT FALSAFAM” — MA’NAVIY-MA’RIFIY UCHRASHUV‼️

🇺🇿 O‘zbekiston davlat jahon tillari universitetining 🇺🇿 Roman-german filologiyasi fakulteti 5-sonli Talabalar turar joyida 2026-yil 19-oktabr kuni “Ustozim – hayotim chirog‘i” hamda “Mening hayot falsafam” loyihalari doirasida talabalar bilan ma’naviy-ma’rifiy davra suhbati tashkil etildi.

📌 Uchrashuvda Ispan filologiyasi kafedrasi professori, filologiya fanlari doktori (DSc) Dilrabo Baxronova hamda o‘qituvchilar Guljahon Joniqulova, Saodat Kamoliddinova va Nilufar Sabirova ishtirok etdilar.

💬 Samimiy va ochiq muloqot davomida ustozning inson hayotidagi o‘rni, ilm-ma’rifatning ahamiyati, hayotiy maqsadlarni belgilash, qiyinchiliklarni yengib o‘tish hamda muvaffaqiyat sari intilish kabi mavzularda fikr almashildi.

📖 Shuningdek, buyuk ajdodlarimizning ilmiy va ma’naviy merosi misolida yoshlarga muntazam izlanish, o‘z imkoniyatlariga ishonish hamda kelajak oldidagi mas’uliyatni his etish muhimligi ta’kidlandi.

✨ Uchrashuv davomida talabalar o‘zlarini qiziqtirgan savollarga javob oldilar, ustozlarning hayotiy tajribalari va qimmatli maslahatlarini tingladilar.