🇩🇪 GERMANIYALIK EKSPERT ISHTIROKIDA AMALIY LINGVISTIKA MASHG‘ULOTLARI O‘TKAZILDI ✨

🇺🇿O‘zbekiston davlat jahon tillari universiteti 🇺🇿Roman-german filologiyasi fakultetidagi Nemis filologiyasi kafedrasi taklifiga binoan Germaniyaning SES tashkiloti eksperti Christel Matzke tomonidan universitet huzuridagi Pedagog kadrlarni qayta tayyorlash va ularning malakasini oshirish tarmoq markazida “Amaliy lingvistikaning dolzarb muammolari” fanidan mashg‘ulotlar o‘tkazildi.

📖 Mashg‘ulotlar davomida amaliy lingvistikaning asosiy yo‘nalishlari, tilshunoslik nazariyalarini amaliyotda qo‘llash, xorijiy tillarni o‘qitishning innovatsion metodlari, shuningdek, kommunikativ va madaniyatlararo kompetensiyalarni rivojlantirish masalalariga e’tibor qaratildi.

💡 Darslar interfaol usullar, amaliy topshiriqlar, muhokamalar va tajriba almashish orqali tashkil etildi. Bu tinglovchilarga Germaniya ta’lim tizimidagi pedagogik yondashuvlar bilan yaqindan tanishish imkonini berdi.

💻 Shuningdek, til ta’limida raqamli texnologiyalardan samarali foydalanish va o‘quv jarayonini takomillashtirish yuzasidan fikr almashildi.

🇩🇪🤝📚

🇫🇷 XORIJIY MUTAXASSIS ISHTIROKIDA DARS MASHG‘ULOTLARI DAVOM ETMOQDA!

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakultetida 🇫🇷 Fransiyaning Parij Sorbonna 3 universiteti dotsenti, filologiya fanlari doktori (DSc) Andre Marsel Libai tomonidan 2026-yil 16-oktyabrdan boshlab dars mashg‘ulotlari olib borilmoqda.

📌 19-20-oktyabr kunlari xorijiy mutaxassis tomonidan fakultetning 4-bosqich talabalari uchun "Communication interculturelle" hamda "L'Inclusion et l'égalité des genres dans l'enseignement des langues étrangères" mavzularida seminar va amaliy dars mashg‘ulotlari tashkil etildi.

🔖 Mashg‘ulotlarda Fransuz filologiyasi kafedrasi mudiri G. Raximova hamda kafedraning professor-o‘qituvchilari ham ishtirok etdilar☄️

🔗 Dars jarayonida talabalarning fransuz tilida erkin muloqot qilish, mustaqil fikr bildirish va og‘zaki nutq ko‘nikmalarini rivojlantirishga alohida e’tibor qaratildi. Shuningdek, zamonaviy xorijiy ta’lim metodikalari asosida til o‘rganishning amaliy jihatlari yoritildi.

📖 Mazkur tashrif doirasida 2- va 3-bosqich talabalari uchun “Og‘zaki nutq amaliyoti” fanidan amaliy va seminar mashg‘ulotlari ham davom ettirilmoqda. Ushbu mashg‘ulotlar talabalarning fransuz tilidagi bilimlarini mustahkamlash, og‘zaki nutq malakalarini takomillashtirish hamda xalqaro ta’lim tajribasidan samarali foydalanishga yo‘naltirilgan.

🌐 Xorijiy mutaxassis ishtirokidagi mazkur darslar talabalarning til kompetensiyalarini rivojlantirish, professor-o‘qituvchilar o‘rtasida ilg‘or pedagogik tajriba almashish hamda xalqaro akademik hamkorlikni yanada mustahkamlashga xizmat qilmoqda‼️

🏆 JAMOAVIYLIK VA G‘ALABAGA INTILISH MAYDONI!

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti 🇺🇿 Roman-german filologiyasi fakulteti Kengashi tashabbusi bilan o‘tkazilayotgan “TALABALAR TASHABBUSLARI HAFTALIGI”ning 2-kuni — “SPORT MUSOBAQALARI” kuni doirasida voleybol musobaqasi bo‘lib o‘tdi.

🤾‍♀️ Musobaqa davomida talabalar o‘zaro bellashib, jamoaviy hamjihatlik, tezkorlik va sport mahoratini sinovdan o‘tkazdilar. Qizg‘in bahslarga boy kechgan uchrashuvlarda har bir jamoa g‘alaba sari intilib, maydonda sog‘lom raqobat muhitini yaratdi☄️

🖐 Mazkur musobaqa talabalarning sportga bo‘lgan qiziqishini oshirish, sog‘lom turmush tarzini targ‘ib etish hamda ular o‘rtasida do‘stlik va jamoaviylik aloqalarini mustahkamlashga xizmat qildi.

🌐 Biz ijtimoiy tarmoqlarda:
TELEGRAM | INSTAGRAM

⚽️ SHIDDAT, JAMOAVIYLIK VA G‘ALABA UCHUN KURASH!

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang‘ich tashkiloti 🇺🇿 Roman-german filologiyasi fakulteti Kengashi tashabbusi bilan o‘tkazilayotgan “TALABALAR TASHABBUSLARI HAFTALIGI”ning 2-kuni — “SPORT MUSOBAQALARI” kuni doirasida futbol musobaqasi bo‘lib o‘tdi.

📣 Musobaqa davomida talabalar o‘zaro kuch sinashib, maydonda chaqqonlik, jismoniy tayyorgarlik va jamoaviy hamkorlik borasidagi mahoratlarini namoyish etdilar.

🔥 Keskin vaziyatlar, hujumlar va g‘alaba sari intilishlarga boy kechgan uchrashuvlar ishtirokchilarga o‘z sport salohiyatini sinovdan o‘tkazish imkonini berdi. Har bir jamoa yakuniy natija uchun astoydil kurashib, musobaqaning qiziqarli va raqobatbardosh ruhda o‘tishini ta’minladi.

🏆 Mazkur musobaqa talabalar o‘rtasida sog‘lom raqobatni shakllantirish, jamoaviy birdamlikni mustahkamlash hamda sport va sog‘lom turmush tarzini keng targ‘ib etishga xizmat qildi❗

🌐 Biz ijtimoiy tarmoqlarda:
TELEGRAM | INSTAGRAM