SEVGI PSIXOLOGIYASI
Roman-german filologiyasi fakultetida talabalar uchun seminar-trening o‘tkazildi!

🇺🇿🇺🇿 “Ijtimoiy-psixologik muhit bilan ishlash” bo‘limi psixologi Sh. Bo‘stonova tomonidan talabalar o‘rtasida “Sevgi psixologiyasi” mavzusida mazmunli va interaktiv seminar-trening tashkil etildi.

💠 Trening davomida sevgi tushunchasining psixologik mohiyati, sog‘lom va nosog‘lom munosabatlar, emotsional bog‘lanish hamda qaramlik o‘rtasidagi farqlar haqida batafsil ma’lumotlar berildi.

Mashg‘ulot jarayonida ishtirokchilar:
🔹 sevgi va emotsional bog‘lanish o‘rtasidagi farqlarni tahlil qildilar;
🔹 sog‘lom munosabatlarning asosiy belgilarini aniqladilar;
🔹 “Bu sevgi yoki qaramlik?” nomli interaktiv mashg‘ulotda faol ishtirok etdilar.

💠 Seminar-trening talabalarda sog‘lom munosabatlar qurish, shaxsiy chegaralarni saqlash hamda emotsional ongni rivojlantirishga xizmat qildi.

💠 Ishtirokchilar tomonidan mavzu katta qiziqish bilan qabul qilinib, faol fikr almashuvlar olib borildi.

✨ Sevgi – bu erkinlik, ishonch va o‘zaro hurmatga asoslangan munosabatdir.

🟦🟦🟦🟦🟦

🇺🇿 O‘zbekiston davlat jahon tillari universiteti 🇺🇿 Yoshlar ittifoqi boshlang’ich tashkiloti
🇺🇿 Roman-german filologiyasi fakultet kengashi hamda “Yosh targ‘ibotchilar” guruhi faol a’zolari tomonidan “Biz giyohvandlikka qarshimiz” shiori ostida davra suhbati hamda rasmlar tanlovi tashkil etildi.

✅ Tadbir davomida talabalarga giyohvandlikning inson salomatligi, hayoti va kelajagiga ko‘rsatadigan salbiy ta’siri haqida batafsil ma’lumotlar berildi.

✨ Shuningdek, ushbu illatning oldini olish, unga qarshi kurashish va sog‘lom turmush tarzini targ‘ib qilish bo‘yicha amalga oshirilayotgan chora-tadbirlar yuzasidan fikr almashildi.

🖼 Tadbir doirasida talabalar o‘rtasida “Sog‘lom hayot – mening tanlovim” mavzusida rasmlar tanlovi ham tashkil etildi. Ushbu tanlov yoshlarning ijodiy yondashuvi orqali sog‘lom turmush tarzini targ‘ib qilishga xizmat qildi.

🤝 Yoshlarimizni sog‘lom fikrlashga undash, ularni zararli illatlardan himoya qilish – barchamizning muhim vazifamizdir.

🌱✨Sog‘lom hayot – porloq kelajak garovi!


Bizni kuzatib boring ;

📱 Telegram 📱Instagram 📱Telegram

🟦🟦🟦🟦🟦🟦🟦

🇺🇿 Joriy yilning 15-aprel kuni 🇺🇿 Fransuz tili nazariy fanlar kafedrasi mudiri, f.f.f.d. (PhD), dotsent Raximova Gulsanam Ashirbekovna tomonidan O‘zbekiston–Fransiya universiteti tashkil etilishi doirasida amalga oshirilayotgan Erasmus+ KA171-HED loyihasi yuzasidan seminar tashkil etildi.

💠 Mazkur seminar Fransiyaning Le Havre Normandie universitetida bo‘lib o‘tgan “Ta’limda pedagogik innovatsiyalar va tashabbuslar” (“Pedagogical Innovations and Initiatives”) mavzusidagi xalqaro trening natijalariga bag‘ishlandi.

🔻 Ma’lumki, O‘zbek–Fransuz universiteti tashabbusi bilan joriy yilning 30-mart – 4-aprel kunlari konsorsium a’zolaridan jami 20 nafar professor-o‘qituvchi Fransiyaning Le Havre Normandie universitetida malaka oshirish kurslarida ishtirok etdi.

💠 Seminar davomida mazkur treningning ikki mamlakat oliy ta’lim tizimlari o‘rtasidagi hamkorlikni rivojlantirishdagi ahamiyati alohida ta’kidlab o‘tildi.


Bizni kuzatib boring ;

📱 Telegram 📱Instagram 📱Telegram

🟦🟦🟦🟦🟦🟦🟦

🇺🇿 2026-yil 16-aprel kuni 🇺🇿 Roman-german filologiyasi fakulteti Fransuz tili amaliy fanlar kafedrasi tomonidan 2-kurs talabalari ishtirokida inklyuziv ta’lim masalalariga bag‘ishlangan ma’naviy va amaliy tadbir tashkil etildi.

💠 Tadbirning asosiy maqsadi talabalarda inklyuziv ta’lim tamoyillari bo‘yicha chuqur nazariy bilimlarni shakllantirish, imkoniyati cheklangan shaxslarning holatini empatik yondashuv asosida anglash hamda ularning ta’lim jarayonidagi ehtiyojlarini his etish orqali kasbiy kompetensiyalarni rivojlantirishdan iborat bo‘ldi.

💠 Tadbir davomida alohida ta’lim ehtiyojlariga ega shaxslarni umumiy ta’lim muhitiga integratsiya qilishning samarali mexanizmlari, differensial va individuallashtirilgan ta’lim strategiyalari, shuningdek, pedagogik jarayonda bag‘rikenglik va tenglik tamoyillarini ta’minlash masalalari ilmiy jihatdan tahlil qilindi.

💠 Amaliy qism ayniqsa qiziqarli va samarali bo‘lib, unda talabalar maxsus simulyatsion mashqlar orqali turli jismoniy cheklovlarga ega insonlarning holatini his etib ko‘rishdi. Jumladan, ko‘zi ojiz, eshitish qobiliyati cheklangan hamda harakatlanish imkoniyati cheklangan shaxslar roli bajarilib, ularning kundalik hayotdagi qiyinchiliklari amalda sinab ko‘rildi.

💠 Mazkur faoliyatlar talabalarda empatiya, ijtimoiy mas’uliyat va professional etika kabi muhim fazilatlarni shakllantirishga xizmat qildi. Shuningdek, ishtirokchilar inklyuziv ta’lim muhitini yaratishdagi muammolar va ularning yechimlari yuzasidan o‘z fikr-mulohazalarini bildirdilar.

💠 Tadbir yakunida bunday amaliy yondashuvlar talabalarning kelgusidagi pedagogik faoliyatida inklyuziv ta’lim tamoyillarini samarali qo‘llashga xizmat qilishi alohida ta’kidlandi.


Bizni kuzatib boring ;

📱 Telegram 📱Instagram 📱Telegram