🟦🟦🟦🟦🟦🟦🟦

🇺🇿 🇺🇿 Joriy yilning 16-aprel sanasida O‘zbekiston davlat jahon tillari universiteti “Ijtimoiy-psixologik muhit bilan ishlash bo‘limi” psixologi Sh. Bo‘stonova hamda Roman-german filologiyasi fakultetida faoliyat yurituvchi bo‘lim bosh mutaxassisi M. Abduraxmonova va fakultet tyutorlari L. Rahmatullayeva, Z. Nazarovalar talabalar bilan psixoprofilaktik suhbat tashkil etildi.

✅ Mazkur psixoprofilaktik tadbir davomida talabalarning psixoemotsional holati, stressga chidamlilik , hamda ijtimoiy-psixologik moslashuv darajasi o‘rganildi. Suhbat jarayonida ishtirokchilarning kommunikativ kompetensiyasi, emotsional intellekti va o‘z-o‘zini regulyatsiya qilish ko‘nikmalari tahlil qilindi.🔥

🟦🟦🟦🟦🟦🟦🟦

🇺🇿🇺🇿 Joriy yilning 16-aprel sanasida Fransuz tili nazariy fanlar kafedrasi o‘qituvchisi N. Usmonova tomonidan 3-kurs talabalari ishtirokida “Talabalik – oltin davrim” mavzusida davra suhbati tashkil etildi.

💠 Talabalik davri inson hayotidagi eng muhim, sermazmun va unutilmas bosqichlardan biri hisoblanadi. Tadbir davomida talabalik davrining o‘ziga xos jihatlari, uning inson hayotidagi o‘rni va ahamiyati yuzasidan atroflicha fikr almashildi.

💠 Mazkur davra suhbati talabalarning o‘z fikr-mulohazalarini erkin ifoda etishlari, o‘zaro tajriba almashishlari hamda talabalik davrining qadriga yetishlariga xizmat qildi.

💠 Ishtirokchilar tomonidan talabalik yillarining nafaqat bilim olish, balki shaxs sifatida shakllanish, mustaqil fikrlash va ijtimoiy faollikni oshirish davri ekanligi alohida ta’kidlandi. Shuningdek, vaqtni to‘g‘ri taqsimlash, maqsad qo‘yish va unga erishish yo‘llari haqida ham muhim tavsiyalar berildi.


Bizni kuzatib boring ;

📱 Telegram 📱Instagram 📱Telegram

🟦🟦🟦🟦🟦🟦🟦

🇺🇿 2026-yil 15-aprel kuni 🇺🇿 Fransuz tili amaliy fanlar kafedrasi dotsenti Davronova Zulfiya Boboevna tashabbusi bilan fransuz tili yo‘nalishi 2-kurs FFRA-2401 va FFRA-2404 guruh talabalari o‘rtasida “Notiqlik mahorati” tanlovi tashkil etildi.

💠 Mazkur tadbir talabalarning fransuz tilida erkin va ta’sirchan nutq so‘zlash qobiliyatini rivojlantirish, ularning ijodiy fikrlashi hamda jamoat oldida chiqish ko‘nikmalarini mustahkamlashga qaratildi.

💠 Tanlov davomida ishtirokchilar mashhur fransuz yozuvchilarining asarlaridan tanlab olingan parcha va monologlar, shuningdek, she’rlarni mazmunan boy, usluban puxta va ta’sirchan tarzda taqdim etdilar.

💠 Ishtirokchilar chiqishlari talaffuz aniqligi, grammatik to‘g‘rilik, fikrni ravon va aniq bayon etish hamda auditoriya bilan samarali muloqot o‘rnatish kabi mezonlar asosida baholandi.

🏆 Tanlov yakuniga ko‘ra:
• FFRA-2401 guruh talabasi Kazakov Murodbek
• FFRA-2404 guruh talabalari Lutfilloyeva Mahinabonu
• Raxmatullayeva Maxfuza g‘olib deb topilib, diplom va esdalik sovg‘alari bilan taqdirlandilar.

👏 Shuningdek, barcha ishtirokchilarga faol qatnashganliklari uchun minnatdorchilik bildirildi.

✨ Tadbir yuqori kayfiyat, qizg‘in va samarali ruhda o‘tkazildi.


Bizni kuzatib boring ;

📱 Telegram 📱Instagram 📱Telegram

📢 Fransuz tili bo‘yicha master-klass o‘tkazildi

💠 2026-yil 17-aprel kuni Toshkent shahri Olmazor tumanidagi 196-sonli umumiy o‘rta ta’lim maktabida fransuz tili bo‘yicha master-klass darsi tashkil etildi.

🇺🇿🇺🇿 Mazkur dars O‘zbekiston davlat jahon tillari universiteti Roman-german filologiyasi fakulteti Fransuz tili amaliy fanlar kafedrasi o‘qituvchisi, italyan tili, adabiyoti va sivilizatsiyasi bo‘yicha doktor Rachid Baccouche tomonidan olib borildi.

🎯 Master-klassning asosiy maqsadi boshlang‘ich sinf o‘quvchilarida fransuz tiliga qiziqish uyg‘otish, ularning dastlabki kommunikativ ko‘nikmalarini shakllantirish hamda zamonaviy pedagogik metodlarni amaliy tarzda namoyish etishdan iborat bo‘ldi.

👩‍🏫 Dars 2-sinf o‘quvchilari ishtirokida interfaol usullarda tashkil etildi. Mashg‘ulot davomida:
• didaktik o‘yinlar
• vizual materiallar (rasmlar, kartochkalar)
• og‘zaki nutqni rivojlantiruvchi mashqlar

keng qo‘llanildi.

O‘quvchilar fransuz tilida oddiy salomlashuv, o‘zini tanishtirish, ranglar va kundalik so‘zlardan foydalanishni o‘rgandilar.

✨ Dars jarayonida kommunikativ yondashuv, o‘yin asosidagi ta’lim hamda audio-vizual metodlar samarali qo‘llanilib, o‘quvchilarning faolligi va qiziqishini yanada oshirdi.

↗️ Natijada o‘quvchilarning fransuz tiliga bo‘lgan qiziqishi ortib, ular sodda muloqot elementlarini amaliy qo‘llashga erishdilar. Shuningdek, ushbu master-klass maktab o‘qituvchilari uchun ham foydali metodik tajriba almashish imkonini yaratdi.

🔹 Xulosa qilib aytganda, mazkur dars yuqori saviyada tashkil etilib, boshlang‘ich bosqichda chet tilini o‘qitishda zamonaviy yondashuvlarning samaradorligini yana bir bor namoyon etdi.


Bizni kuzatib boring ;

📱 Telegram 📱Instagram 📱Telegram