FAKULTET YANGILIKLARI 2026-yil 17-aprel kuni Nemis tili nazariy fanlar kafedrasining o‘qituvchisi Sh. Jumanazarova tomonidan 92-umumta’lim maktabiga tashrif buyurildi. Tashrifdan asosiy maqsad — mazkur maktab o‘quvchilari va pedagog jamoasiga nemis tili kursining ochilgani haqida ma’lumot berish hamda ushbu kursga o‘quvchilarni jalb etishdan iborat bo‘ldi.

🌐Tashrif davomida o‘qituvchi tomonidan nemis tilini o‘rganishning bugungi kundagi ahamiyati, ayniqsa xalqaro ta’lim, grant dasturlari va Germaniyada tahsil olish imkoniyatlari haqida batafsil tushuntirishlar berildi. Shuningdek, kurs davomida o‘quvchilar egallashi mumkin bo‘lgan bilim va ko‘nikmalar, dars jarayonining tashkil etilishi, zamonaviy metodlar asosida o‘qitish hamda kommunikativ yondashuvning ustunliklari haqida ham ma’lumot berildi. 🎯Mazkur targ‘ibot ishlari natijasida o‘quvchilarda nemis tilini o‘rganishga bo‘lgan qiziqish sezilarli darajada oshdi. Ko‘plab o‘quvchilar kursda ishtirok etish istagini bildirdilar.

✅ Biz bilan birga bo’ling!

📱 Telegram 📱 Instagram 📱 You Tube

🧠 MILLIY O‘ZLIK — KELAJAK POYDEVORI

O‘zbekiston davlat jahon tillari universiteti Roman-german filologiyasi fakultetida “Kelajak soati” darsi tashkil etildi. Dars mavzusi “Milliy o‘zlik” bo‘lib, unda talabalar milliy qadriyatlar, urf-odatlar va ma’naviy merosning ahamiyati haqida keng tushunchaga ega bo‘ldilar.

Dars davomida talabalarga milliy o‘zlikni anglash, o‘z tarixini bilish va ajdodlar merosiga hurmat bilan qarashning zarurligi tushuntirildi. Shuningdek, bugungi globallashuv davrida milliy qadriyatlarni asrab-avaylash va rivojlantirish muhim ekani alohida ta’kidlandi.

Mazkur mavzu fakultet dekani X. Xakimov tomonidan batafsil yoritilib, yoshlarning ma’naviy kamolotida milliy o‘zlikning o‘rni beqiyos ekani qayd etildi. Dars yakunida talabalar o‘z fikr-mulohazalarini bildirib, mavzu yuzasidan faol ishtirok etdilar.

✅ Biz bilan birga bo’ling!

📱 Telegram 📱 Instagram 📱 You Tube

🟦🟦🟦🟦🟦🟦🟦

🧠 “Sohibqiron — mangu barhayot siymo” shiori ostida buyuk davlat arbobi va yengilmas sarkarda Sohibqiron Amir Temur tavalludining 690-yilligi munosabati bilan 2026-yil aprel oyida Roman-german filologiyasi fakulteti Fransuz tili amaliy fanlar kafedrasi dotsenti Davronova Zulfiya Boboyevna ilmiy rahbarligida 2-bosqich FFRA-2404-guruh talabalari Raxmatullayeva Maxfuzar hamda Tojixonova Dilshoda "SOHIBQIRON MEROSI: MILLIY YUKSALISHNING MA'NAVIY ASOSI" nomli ilmiy-ijodiy to'plamda o‘z ilmiy maqolalari bilan faol ishtirok etib, munosib taqdirlandilar.

🏆 Tanlov yakunlariga ko‘ra ishtirokchilarga:
🔸 “SOHIBQIRON VORISLARI” nomli statuetka (kubok)
🔸 Ilmiy-ijodiy ishlar jamlanmasining bosma nashri (1 nusxa)
🔸 Diplom va guvohnoma

🎉 Talabalarimizni ushbu yutuq bilan samimiy tabriklaymiz va ularga kelgusidagi ilmiy faoliyatlarida ulkan muvaffaqiyatlar tilaymiz!

✅ Biz bilan birga bo’ling!

📱 Telegram 📱 Instagram 📱 You Tube

🧠Talabalar yashash sharoitlari o‘rganildi

O‘zbekiston davlat jahon tillari universiteti Roman-german filologiyasi fakulteti dekani X. Xakimov talabalar yashash sharoitlarini o‘rganish maqsadida ularning istiqomat qilayotgan xonadonlariga tashrif buyurdi. Ushbu tashrif davomida talabalar uchun yaratilgan shart-sharoitlar, ularning turmush tarzi hamda o‘qishga bo‘lgan munosabati bilan yaqindan tanishildi.

Tashrif jarayonida dekan talabalar bilan samimiy suhbatlashib, ularning muammolari va takliflarini tingladi. Shuningdek, yashash sharoitlarini yaxshilash bo‘yicha tegishli tavsiyalar berildi hamda mavjud kamchiliklarni bartaraf etish yuzasidan mas’ul shaxslarga ko‘rsatmalar berildi.

Mazkur tashrif talabalarning ijtimoiy holatini yanada yaxshilash, ularni qo‘llab-quvvatlash hamda ta’lim jarayonida samaradorlikni oshirishga xizmat qilishi ta’kidlandi.

✅ Biz bilan birga bo’ling!

📱 Telegram 📱 Instagram 📱 You Tube