Talabalarning yashash sharoitlari o‘rganilmoqda

O‘zbekiston davlat jahon tillari universiteti Roman-german filologiyasi fakulteti rahbariyati tomonidan talabalarning ijara xonadonlaridagi yashash sharoitlarini o‘rganish ishlari olib borilmoqda. Mazkur tashriflardan ko‘zlangan asosiy maqsad — talabalarga yaratilgan shart-sharoitlar bilan yaqindan tanishish va mavjud muammolarni aniqlashdan iborat.

O‘rganish jarayonida talabalar istiqomat qilayotgan xonadonlar ko‘zdan kechirilib, ularning yashash muhiti, xavfsizlik darajasi hamda qulayliklari baholanmoqda. Shu bilan birga, talabalar bilan suhbatlar o‘tkazilib, ularning fikr-mulohazalari tinglanmoqda.

Mazkur tashabbus talabalarning ijtimoiy holatini yaxshilash, ularning o‘qishdan tashqari hayotini ham qo‘llab-quvvatlashga xizmat qiladi. Fakultet rahbariyati bu kabi tashriflarni muntazam davom ettirishni rejalashtirmoqda.

✅ Biz bilan birga bo’ling!

📱 Telegram 📱 Instagram 📱 You Tube

🟦🟦🟦

Aleksandr Faynberg nomidagi maxsus stipendiya tanlovi jarayonlari davom etmoqda!

Kecha, 22-aprel kuni Oʻzbekiston davlat jahon tillari universiteti Ingliz filologiyasi fakultetida ushbu nufuzli stipendiya tanlovining muhim bosqichlaridan biri — nomzodlarning hujjatlari va ijodiy ishlarini koʻrib chiqish jarayoni boʻlib oʻtdi.

Jarayonda universitet rahbariyati vakillari hamda masʼul mutaxassislar ishtirok etib, talabgorlarning ijodiy ishlari sinchkovlik bilan tekshirildi va baholandi. Har bir ish adolatli va shaffof mezonlar asosida koʻrib chiqildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦🟦

Bugun Oʻzbekiston davlat jahon tillari universiteti Ingliz filologiyasi fakultetida Aleksandr Faynberg nomidagi maxsus stipendiya tanlovining navbatdagi bosqichi yuqori saviyada tashkil etildi.

Test sinovlarini Yoshlar masalalari va ma’naviy-ma’rifiy ishlar bo‘yicha birinchi prorektor Valijon Sadiyev ochib berdi. O‘z nutqida u tanlovning ahamiyati hamda iqtidorli talabalarni qo‘llab-quvvatlashdagi o‘rni haqida to‘xtalib o‘tdi.

Mazkur bosqich doirasida talabgorlar oʻz bilim va ko‘nikmalarini sinovdan o‘tkazishdi. Testlar 50 ta savoldan iborat boʻlib, ishtirokchilarning ingliz tili boʻyicha bilim darajasi, tahliliy fikrlashi va umumiy tayyorgarligi baholandi.

Jarayon mas’ul rahbarlar nazorati ostida xolis va shaffof tarzda o‘tkazildi. Test savollari ishtirokchilar oldida ochilib, belgilangan tartib asosida tarqatildi.

Ushbu stipendiya tanlovi iqtidorli va intiluvchan talabalarni qo‘llab-quvvatlash, ularning ilmiy va akademik salohiyatini yanada rivojlantirishga qaratilgan.

🌐 Biz ijtimoiy tarmoqlarda:
Telegram | Instagram | Facebook | Sayt

📚✨ “Yosh olimlar va tadqiqotchilar klubi” navbatdagi mashg‘uloti bo‘lib o‘tdi

🇺🇿 2026-yil 23-aprel kuni 🇺🇿 Roman-german filologiyasi fakulteti Ispan tili nazariy fanlar kafedrasi o‘qituvchisi M.Sh. Achilova tomonidan tashkil etilgan “Yosh olimlar va tadqiqotchilar klubi” iqtidorli talabalar to‘garagining navbatdagi mashg‘uloti o‘tkazildi.

📝 Mazkur mashg‘ulot “O‘zbekiston Respublikasi Prezidenti Davlat stipendiyasi hamda nomli davlat stipendiyalariga nomzod iqtidorli talabalarni imtihonlarga tayyorlash va hujjatlarini rasmiylashtirish” mavzusiga bag‘ishlandi.

📍 Mashg‘ulot universitet asosiy binosidagi kutubxonada tashkil etilib, bu esa uning yanada samarali va mazmunli o‘tishiga xizmat qildi.

💡 Mashg‘ulot davomida o‘qituvchi, shuningdek, Islom Karimov nomidagi davlat stipendiyasi hamda rektor stipendiyasi sohibi sifatida:

davlat stipendiyalarini qo‘lga kiritish yo‘llari,
hujjatlarni to‘g‘ri rasmiylashtirish,
imtihonlarga puxta tayyorgarlik ko‘rish

bo‘yicha o‘zining amaliy tajribasi bilan o‘rtoqlashdi.

🔍 Shuningdek, talabalarda:

ilmiy izlanish olib borish,
manbalar bilan ishlash,
tahliliy fikrlash ko‘nikmalarini shakllantirishga alohida e’tibor qaratildi.

📖 Kutubxona muhitida tashkil etilgan mashg‘ulot talabalarning ilmiy adabiyotlardan samarali foydalanishi va mustaqil ishlash malakasini oshirishiga ijobiy ta’sir ko‘rsatdi.

🏆 Mashg‘ulot yakunida faol ishtirok etgan talabalar rag‘batlantirilib, ularga kelgusida ilmiy faoliyatlarini yanada rivojlantirish bo‘yicha tavsiyalar berildi.