🟦🟦🟦🟦🟦🟦

Bugun Oʻzbekiston davlat jahon tillari universiteti Ingliz filologiyasi fakultetida Aleksandr Faynberg nomidagi maxsus stipendiya tanlovining navbatdagi bosqichi yuqori saviyada tashkil etildi.

Test sinovlarini Yoshlar masalalari va ma’naviy-ma’rifiy ishlar bo‘yicha birinchi prorektor Valijon Sadiyev ochib berdi. O‘z nutqida u tanlovning ahamiyati hamda iqtidorli talabalarni qo‘llab-quvvatlashdagi o‘rni haqida to‘xtalib o‘tdi.

Mazkur bosqich doirasida talabgorlar oʻz bilim va ko‘nikmalarini sinovdan o‘tkazishdi. Testlar 50 ta savoldan iborat boʻlib, ishtirokchilarning ingliz tili boʻyicha bilim darajasi, tahliliy fikrlashi va umumiy tayyorgarligi baholandi.

Jarayon mas’ul rahbarlar nazorati ostida xolis va shaffof tarzda o‘tkazildi. Test savollari ishtirokchilar oldida ochilib, belgilangan tartib asosida tarqatildi.

Ushbu stipendiya tanlovi iqtidorli va intiluvchan talabalarni qo‘llab-quvvatlash, ularning ilmiy va akademik salohiyatini yanada rivojlantirishga qaratilgan.

🌐 Biz ijtimoiy tarmoqlarda:
Telegram | Instagram | Facebook | Sayt

📚✨ “Yosh olimlar va tadqiqotchilar klubi” navbatdagi mashg‘uloti bo‘lib o‘tdi

🇺🇿 2026-yil 23-aprel kuni 🇺🇿 Roman-german filologiyasi fakulteti Ispan tili nazariy fanlar kafedrasi o‘qituvchisi M.Sh. Achilova tomonidan tashkil etilgan “Yosh olimlar va tadqiqotchilar klubi” iqtidorli talabalar to‘garagining navbatdagi mashg‘uloti o‘tkazildi.

📝 Mazkur mashg‘ulot “O‘zbekiston Respublikasi Prezidenti Davlat stipendiyasi hamda nomli davlat stipendiyalariga nomzod iqtidorli talabalarni imtihonlarga tayyorlash va hujjatlarini rasmiylashtirish” mavzusiga bag‘ishlandi.

📍 Mashg‘ulot universitet asosiy binosidagi kutubxonada tashkil etilib, bu esa uning yanada samarali va mazmunli o‘tishiga xizmat qildi.

💡 Mashg‘ulot davomida o‘qituvchi, shuningdek, Islom Karimov nomidagi davlat stipendiyasi hamda rektor stipendiyasi sohibi sifatida:

davlat stipendiyalarini qo‘lga kiritish yo‘llari,
hujjatlarni to‘g‘ri rasmiylashtirish,
imtihonlarga puxta tayyorgarlik ko‘rish

bo‘yicha o‘zining amaliy tajribasi bilan o‘rtoqlashdi.

🔍 Shuningdek, talabalarda:

ilmiy izlanish olib borish,
manbalar bilan ishlash,
tahliliy fikrlash ko‘nikmalarini shakllantirishga alohida e’tibor qaratildi.

📖 Kutubxona muhitida tashkil etilgan mashg‘ulot talabalarning ilmiy adabiyotlardan samarali foydalanishi va mustaqil ishlash malakasini oshirishiga ijobiy ta’sir ko‘rsatdi.

🏆 Mashg‘ulot yakunida faol ishtirok etgan talabalar rag‘batlantirilib, ularga kelgusida ilmiy faoliyatlarini yanada rivojlantirish bo‘yicha tavsiyalar berildi.

4-bosqich Roman-german filologiyasi fakulteti talabalari bilan pedagogika fanlari nomzodi Saparova N.B. tomonidan «Книга в жизни современного студента» nomli tadbir o‘tkazildi ✅

Tadbir davomida talabalar kitobning zamonaviy talaba hayotidagi o‘rni va ahamiyati haqida fikr almashdilar. Ular o‘qish madaniyati, mutolaaning shaxsiy rivojlanishga ta’siri, shuningdek, an’anaviy va elektron kitoblarning afzalliklari haqida muhokama olib bordilar. Tadbir jarayonida qiziqarli ma’lumotlar taqdim etildi, prezentatsiyalar va viktorinalar tashkil qilinib, ishtirokchilar faol jalb etildi. Alohida e’tibor kitobning tafakkur, dunyoqarash va nutq madaniyatini rivojlantirishdagi roliga qaratildi.

Tadbir yakunida faol ishtirok etgan talabalar faxriy yorliqlar bilan taqdirlandilar 🏆

✅ Biz bilan birga bo’ling!

📱 Telegram 📱 Instagram 📱 You Tube

🧠 San’at haftaligida ilhomli tashrif

O‘zbekiston davlat jahon tillari universiteti Roman-german filologiyasi fakulteti 2501-guruh talabalari bo‘sh vaqtlarini mazmunli o‘tkazish maqsadida O‘zbekiston Badiiy san’at akademiyasida “San’at haftaligi” munosabati bilan tashkil etilgan ko‘rgazmaga tashrif buyurdilar.

Ko‘rgazmada san’at, rassomchilik va milliy madaniyatga oid asarlar namoyish etilib, ular talabalarning estetik didini shakllantirish va san’atga bo‘lgan qiziqishini yanada oshirishga xizmat qildi. Ayniqsa, o‘zbek milliy ruhini aks ettirgan ijod namunalari ishtirokchilarda katta taassurot qoldirdi.

Tashrif davomida talabalar galereyada namoyish etilgan maxsus san’at asarlarini katta qiziqish bilan tomosha qilib, o‘zgacha zavq bilan qaytdilar. Ma’lumot uchun, mazkur ko‘rgazma 20–24-aprel kunlari davom etadi.

✅ Biz bilan birga bo’ling!

📱 Telegram 📱 Instagram 📱 You Tube