🟦🟦🟦 🟦🟦🟦

🇺🇿 25-aprel kuni O‘zbekiston davlat jahon tillari universiteti 🇺🇿 Roman-german filologiyasi fakultetida fakultet rahbariyati hamda 🇺🇿Fakultet Yoshlar ittifoqi boshlang‘ich tashkiloti kengashi tashabbusi bilan “Rahbar va talaba yoshlar” o‘rtasida navbatdagi sport mashg‘uloti bo‘lib o‘tdi.

✅Mazkur tadbir fakultet jamoasini yanada jipslashtirish, sog‘lom turmush tarzini targ‘ib qilish hamda talaba-yoshlarning bo‘sh vaqtini mazmunli tashkil etish maqsadida tashkil etildi. Sport mashg‘uloti davomida turli sport bellashuvlari, jamoaviy o‘yinlar va qiziqarli musobaqalar o‘tkazilib, ishtirokchilarga ko‘tarinki kayfiyat ulashildi.

✅ Ushbu tadbirda fakultet dekani X.I. Xakimov, professor-o‘qituvchilar, kengash a’zolari hamda ko‘plab talaba-yoshlar faol ishtirok etdi. Ishtirokchilar o‘zaro hamjihatlik, do‘stlik va sog‘lom raqobat muhitida kuch sinashib, sportning inson salomatligi va jamoaviy birdamlikdagi ahamiyatini yana bir bor namoyon etdilar.

💠 Mashg‘ulot yakunida faol qatnashgan jamoalar va talabalarga minnatdorchilik bildirilib, bu kabi sport tadbirlarini muntazam ravishda davom ettirish muhimligi alohida ta’kidlandi.


Bizni kuzatib boring ;

📱 Telegram 📱Instagram 📱Telegram

🟦🟦🟦🟦🟦🟦🟦

🇺🇿 O'zDJTU 🇺🇿 Roman-german filologiyasi fakulteti Fransuz tili amaliy fanlar kafedrasi stajyor-o'qituvchisi Nodira Rasulova tomonidan 2026-yil 24-aprel kuni FFRA-2402-guruh talabalari ishtirokida "Tinchlikni qo‘llab-quvvatlash yo‘lida ko‘ngilli faoliyat" mavzusida "Og'zaki nutq ko'nikmalarini rivojlantirish" to'garagi doirasida dars mashg'uloti o'tkazildi. Mashg'ulot davomida talabalarning og'zaki nutq ko'nikmalarini rivojlantirishga qaratilgan interaktiv usullardan samarali foydalanildi. Jumladan, mavzu doirasida savol-javoblar, jamoaviy muhokamalar, rolli o'yinlar va taqdimotlar tashkil etildi. Talabalar mavzu bo'yicha o'z fikr va mulohazalarini erkin ifoda etish, dalillar keltirish hamda muloqot jarayonida faol ishtirok etish imkoniyatiga ega bo'ldilar.

🔺 Mashg'ulot jarayonida talabalarning leksik zaxirasini boyitish, to'g'ri talaffuz qilish, grammatik jihatdan aniq va ravon nutq qurish ko'nikmalarini shakllantirishga alohida e'tibor qaratildi. Shuningdek, ularga tinchlik, hamjihatlik va ijtimoiy faollik kabi tushunchalarning mazmun-mohiyatini chuqurroq anglash bo'yicha tushunchalar berildi.

✅ Dars yakunida talabalarning ishtiroki va faolligi tahlil qilinib, eng faol qatnashgan talabalar rag'batlantirildi. Mashg'ulot qo'yilgan maqsadlarga to'liq erishgan holda, talabalarning og'zaki nutq ko'nikmalarini rivojlantirishda samarali bo'ldi.


Bizni kuzatib boring ;

📱 Telegram 📱Instagram 📱Telegram

INNOVATSION FIKRLASH — KELAJAK KALITI

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakultetida fakultet dekani X. Xakimov tomonidan “Kelajak soati” darsi tashkil etildi. Mazkur dars talabalarning dunyoqarashini kengaytirish, zamonaviy fikrlash ko‘nikmalarini shakllantirish hamda ularni kelajak kasbiy faoliyatiga puxta tayyorlashga qaratildi. Dars davomida innovatsion yondashuvning ahamiyati va bugungi tezkor rivojlanayotgan jamiyatdagi o‘rni alohida ta’kidlandi.

Innovatsion fikrlash — bu insonning yangicha g‘oyalarni ilgari surishi, mavjud muammolarga noodatiy va samarali yechimlar topa olishi demakdir. Bu jarayon nafaqat o‘ylash va tahlil qilishni, balki ijodiy yondashuvni ham talab qiladi. Talabalar dars davomida erkin fikr almashib, turli misollar orqali innovatsion fikrlashning amaliy jihatlari bilan yaqindan tanishdilar.

Shuningdek, darsda yoshlarga tashabbuskor bo‘lish, o‘z ustida muntazam ishlash va yangi bilimlarni egallash muhimligi uqtirildi. Ta’kidlanganidek, ba’zan bitta ilg‘or g‘oya inson hayotini tubdan o‘zgartirib yuborishi mumkin. Shu bois, har bir talaba o‘z fikriga ishonishi, yangilikka intilishi va kelajak sari dadil qadam tashlashi zarurligi qayd etildi.

✅ Biz bilan birga bo’ling!

📱 Telegram 📱 Instagram 📱 You Tube