🟦🟦🟦🟦🟦🟦🟦

🇺🇿 Joriy yilning 27-aprel sanasida O‘zbekiston davlat jahon tillari universiteti 🇺🇿 Roman-german filologiyasi fakulteti Fransuz tili nazariy fanlar kafedrasi o‘qituvchisi N. Usmonova hamda fakultet 🇺🇿 Yoshlar ittifoqi boshlang‘ich tashkiloti kengashi a’zolari tashabbusi bilan o‘zbek xalqining sevimli shoiri Muhammad Yusuf tavalludi munosabati bilan ma’naviy-ma’rifiy davra suhbati tashkil etildi.

📚Tadbir davomida shoirning hayoti va ijod yo‘li, o‘zbek adabiyotiga qo‘shgan beqiyos hissasi haqida atroflicha fikr yuritildi.

📝 Talabalar tomonidan Muhammad Yusufning dilbar she’rlari ifodali o‘qilib, ularda tarannum etilgan vatanparvarlik, sadoqat, mehr-oqibat va insoniylik g‘oyalari tahlil qilindi.

✨ Davra suhbatida ishtirokchilar shoir ijodining bugungi yoshlar tarbiyasidagi o‘rni, uning she’rlari qalblarga ruhiy quvvat va ezgulik baxsh etishi haqida o‘z fikr-mulohazalarini bildirdilar.

🎉 Tadbir samimiy va ko‘tarinki ruhda o‘tib, talaba-yoshlarning adabiyotga bo‘lgan qiziqishini yanada oshirishga xizmat qildi.

Roman-german filologiyasi fakulteti tyutori P. Jabborova tashabbusi bilan talabalarning bo‘sh vaqtini mazmunli tashkil etish hamda ijtimoiy faolligini oshirish maqsadida Muso Toshmuhammad o‘g‘li Oybek uy-muzeyiga tashrif uyushtirildi.

Tashrif davomida talabalar adibning hayot yo‘li va boy ijodi bilan yaqindan tanishdilar. Shuningdek, Oybek ijodining nodir namunalarini ko‘zdan kechirdilar.

Mazkur tashrif talabalarda Oybek shaxsiyati va ijodiga bo‘lgan qiziqishni yanada oshirdi.

✅ Biz bilan birga bo’ling!

📱 Telegram 📱 Instagram 📱 You Tube

Ispaniyada navbatdagi samarali uchrashuvlar o‘tkazildi

Ispaniyaning Kastilya-La Mancha universiteti, Toledo kampusida bo‘lib turgan universitetimiz vakillari Turdikulova Rayxon va Saidxodjayeva Mexrixon navbatdagi uchrashuvlarni amalga oshirdilar.

Tashrif davomida ular grant asosida tahsil olayotgan talabalar — Qalandarova Shahzoda va Jurayev Ibrohim o‘qiyotgan fakultetga tashrif buyurdi. Talabalar 2026-yil fevral oyidan buyon Ispaniyada bir semestr davomida ta’lim olmoqda.

Vakillarimiz dars jarayonlarida ishtirok etib, talabalarning o‘qish sharoiti bilan yaqindan tanishdi hamda ularning holidan xabar oldi.

Shuningdek, fakultet rahbariyati bilan uchrashuv o‘tkazilib, talabalarimizning o‘zlashtirishi, faolligi va kelgusidagi hamkorlik istiqbollari muhokama qilindi.

Ushbu tashrif talabalarimizning xalqaro maydondagi muvaffaqiyatlari hamda ikki oliygoh o‘rtasidagi samarali hamkorlikning yana bir muhim ifodasiga aylandi.

✅ Biz bilan birga bo’ling!

📱 Telegram 📱 Instagram 📱 You Tube

O‘zbekiston davlat jahon tillari universiteti Roman-german filologiyasi fakultetida “Moliyaviy xavfsizlik va sun’iy intellektning zulmatli tomoni” mavzusida ochiq dars bo‘lib o‘tdi.

Dars davomida Sun’iy intellekt tushunchasi, uning imkoniyatlari hamda turli sohalarda qo‘llanilishi haqida batafsil ma’lumot berildi. Xususan, bank sohasida avtomatik investitsiyalar, kredit skoringi va tezkor qaror qabul qilish, ta’limda esa o‘quv jarayonini individuallashtirish va bilimlarni tahlil qilish kabi jihatlar yoritildi.

Shuningdek, sun’iy intellektning salbiy tomonlari — axborot xavfsizligi, moliyaviy risklar va manipulyatsiya xavfi masalalariga ham alohida e’tibor qaratildi. Talabalar mavzu yuzasidan o‘z fikr-mulohazalarini bildirishib, dolzarb savollarga javob oldilar.

Mazkur ochiq dars talabalarning zamonaviy texnologiyalar haqidagi bilimlarini kengaytirish hamda ularning moliyaviy savodxonligini oshirishda muhim ahamiyat kasb etdi.

✅ Biz bilan birga bo’ling!

📱 Telegram 📱 Instagram 📱 You Tube