🟦🟦🟦🟦🟦🟦🟦

27.04.2026 sanasidan boshlab Roman-german filologiyasi fakulteti “Filologiya va tillarni o‘qitish (nemis tili)” ta’lim yo‘nalishi 4-bosqich talabalari uchun malakaviy amaliyot rasman boshlandi. Ushbu amaliyot talabalarning nazariy bilimlarini mustahkamlash, zamonaviy pedagogik ko‘nikmalarni shakllantirish hamda mustaqil dars o‘tish tajribasini oshirishga qaratilgan. Amaliyot Toshkent shahridagi nemis tiliga ixtisoslashtirilgan 60-, 112-, 41-, 286-umumta’lim maktablarida tashkil etilmoqda. Shuningdek, respublikamizning turli viloyatlaridagi nemis tili chuqurlashtirib o‘qitiladigan maktablar va akademik litseylarda ham olib borilmoqda. Amaliyot davomida talabalar darslarda ishtirok etib, ishlanmalar tayyorlaydilar, ochiq va namunaviy darslar o‘tkazadilar hamda o‘quvchilar bilan tarbiyaviy ishlar olib boradilar. Ushbu amaliyot nazariya va amaliyot uyg‘unligini ta’minlab, zamonaviy o‘qituvchilarni tayyorlashda muhim ahamiyat kasb etadi.

✅ Biz bilan birga bo’ling!

📱 Telegram 📱 Instagram 📱 You Tube

🟦🟦🟦🟦🟦🟦🟦

🇺🇿O‘zbekiston Respublikasi Prezidentining PQ–1-sonli Qarori ijrosini ta’minlash maqsadida 🇺🇿O‘zDJTU Roman-german filologiyasi fakultetida profilaktik tadbir o‘tkazildi.

Tadbirda FVV akademiyasi dotsenti F. Xafizov, mutaxassislar M. Boyxo‘rozov, O‘. Imomnazarov hamda Uchtepa tumani IIO FMB xodimi, leytenant I. Saidov ishtirok etishdi.
Asosiy mavzular:
• Kiberhujumlardan himoyalanish;
• Internetdagi firibgarlik turlari;
• Shaxsiy ma'lumotlar xavfsizligini ta'minlash.
Uchrashuv davomida talabalarga kiberolamda hushyorlikni oshirish va turli xavf-xatarlarga duch kelganda to‘g‘ri harakat qilish bo‘yicha zaruriy tavsiyalar berildi.
✅ Ogoh bo‘ling, kiberxavfsizlik qoidalariga rioya qiling!

✅ Biz bilan birga bo’ling!

📱 Telegram 📱 Instagram 📱 You Tube

🧠 Amir Temur xiyoboniga tashrif

🇺🇿 O‘zbekiston davlat jahon tillari universiteti 🇺🇿 Roman-german filologiyasi fakulteti yoshlar bilan ishlash bo‘yicha dekan muovini A. Mallayev tashabbusi bilan FISP-2406 guruh talabalari uchun Amir Temur xiyoboniga tashrif uyushtirildi. Ushbu tashrif talabalarning bo‘sh vaqtini mazmunli o‘tkazish va ularning tarixiy bilimlarini boyitish maqsadida tashkil etildi.

Tashrif davomida talabalar xiyobonning yaratilish tarixi, uning poytaxtimiz hayotidagi o‘rni hamda buyuk sarkarda Amir Temur shaxsiyati haqida qiziqarli ma’lumotlarga ega bo‘ldilar. Shuningdek, ular ushbu maskanning me’moriy ko‘rinishi va madaniy ahamiyati bilan yaqindan tanishdilar.

Bunday ma’naviy-ma’rifiy tadbirlar yoshlarning tarixga bo‘lgan qiziqishini oshirish, ularni vatanparvarlik ruhida tarbiyalash hamda jamoaviy muhitni mustahkamlashda muhim ahamiyat kasb etadi. Tashrif talabalar uchun unutilmas taassurotlar qoldirdi.

✅ Biz bilan birga bo’ling!

📱 Telegram 📱 Instagram 📱 You Tube