Ta’lim va madaniyat – do‘stlik ko‘prigi

O‘zbekiston davlat jahon tillari universiteti delegatsiyasi Ispaniyada xizmat safarida bo’lmoqda. 2026-yil, 13-may oyida Ispaniyaning Kadis Universiteti huzuridagi Ispan–O‘zbek markazida madaniy tadbir tashkil etildi. Tadbirning asosiy maqsadi O‘zbekistonning boy tarixi, milliy qadriyatlari, urf-odatlari va madaniy merosini ispan talabalari hamda professor-o‘qituvchilariga tanishtirishdan iborat bo‘ldi.

Tadbir davomida ishtirokchilarga O‘zbekistonning qadimiy shaharlari — Samarkand, Bukhara va Khiva, ularning tarixiy obidalari, milliy taomlari, an’analari va zamonaviy taraqqiyoti haqida batafsil ma’lumot berildi. Shuningdek, o‘zbek milliy liboslari, hunarmandchiligi va xalq amaliy san’ati namunalari namoyish etildi.

Madaniy tadbir doirasida o‘zbek milliy kuy-qo‘shiqlari yangradi, ishtirokchilarga O‘zbekistonning turizm salohiyati va mamlakatda olib borilayotgan islohotlar haqida taqdimot qilindi. Tadbir qatnashchilarda katta qiziqish uyg‘otib, ikki xalq o‘rtasidagi madaniy aloqalarni yanada mustahkamlashga xizmat qildi.

Mazkur tadbir Ispaniya va O‘zbekiston oliy ta’lim muassasalari o‘rtasidagi akademik va madaniy hamkorlikni rivojlantirish, shuningdek, talabalar orasida madaniyatlararo muloqotni kengaytirish yo‘lida muhim qadam bo‘ldi.

✅ Biz bilan birga bo’ling!

📱 Telegram 📱 Instagram 📱 You Tube

🟦🟦🟦🟦🟦🟦🟦

Roman-german filologiyasi “Fransuz tili amaliy fanlar kafedrasi” stajyor- o’qituvchisi N.Rasulova talaba qizlarning yashash sharoiti bilan yaqindan tanishish maqsadida 5-TTJ ga tashrif buyurdi.

Tashrif davomida istiqomat qilayotgan talabalar holidan xabar olindi, ularning yashash sharoitlari, kun tartibi, bo‘sh vaqtni qanday o‘tkazayotgani hamda duch kelayotgan muammolari o‘rganildi. Talabalar bilan ochiq muloqot o‘tkazilib, ularning fikr va takliflari tinglandi.

Zararli odatlardan yiroq bo‘lish, sog‘lom turmush tarzini olib borish hamda vaqtni samarali tashkil etish bo‘yicha tavsiyalar berildi.
Talabalar bilan doimiy aloqada bo‘lish, ularning muammolariga befarq bo‘lmaslik va har tomonlama qo‘llab-quvvatlash maqsadida ular bilan do’stonan aloqa o’rnatildi.

✅ Biz bilan birga bo’ling!

📱 Telegram 📱 Instagram 📱 You Tube

📚 ILM-FAN VA KITOBXONLIKKA BAG‘ISHLANGAN UCHRASHUV

2026-yil 14-may kuni O‘zbekiston davlat jahon tillari universiteti Roman-german filologiyasi fakulteti Ispan tili amaliy fanlar kafedrasi mudiri, filologiya fanlari doktori (DSc), professor Dilrabo Keldiyorovna Baxronova ishtirokida talabalar bilan ma’naviy-ma’rifiy uchrashuv tashkil etildi. Tadbir 1-TTJda bo‘lib o‘tdi.

🧠 Uchrashuv davomida ilmiy faoliyatning bugungi kundagi ahamiyati, yoshlarning zamonaviy ta’limdagi o‘rni, xorijiy tillarni samarali o‘rganish usullari hamda tarjimashunoslik va madaniyatlararo muloqot masalalari haqida fikr almashildi. Shuningdek, kitobxonlik madaniyatini rivojlantirishning yoshlar tafakkuridagi o‘rni alohida ta’kidlandi. Tadbirda 1-TTJ tarbiyachi-pedagogi Z.Karimova ham ishtirok etdi.

🤝 Tadbir davomida talabalar o‘zlarini qiziqtirgan savollarga javob olib, professor bilan ochiq muloqot qilish imkoniyatiga ega bo‘lishdi. Uchrashuv samimiy va ko‘tarinki ruhda o‘tib, talabalarda ilm-fan va kitobxonlikka bo‘lgan qiziqishni yanada oshirdi.

✅ Biz bilan birga bo’ling!

📱 Telegram 📱 Instagram 📱 You Tube

📚 14-may kuni “Yangi kitob” loyihasining ilk taqdimoti boʻlib oʻtdi

📌 Tadbirda yangi nashr qilingan 6 ta kitob teatrlashtirilgan sahnalar, sun’iy intellekt yordamida tayyorlangan videolar hamda yozuvchi, tarjimon va noshirlarning jonli chiqishlari orqali kitobxonlarga taqdim etildi. Mualliflar bilan uchrashuv va imzolash marosimlari tadbirga oʻzgacha ruh bagʻishladi.

🎓 Mazkur kitob taqdimotida Roman-german filologiyasi fakulteti FISP 2406-guruh talabasi Nuraliyeva Mashxura tashabbusi bilan bir guruh faol talabalar ham ishtirok etdi. Tadbir davomida talabalar kitobxonlik madaniyatini targʻib qilish, yoshlar orasida mutolaa muhitini rivojlantirish boʻyicha fikr almashdilar.

📖 Kitob va mutolaa — tafakkur va taraqqiyot sari muhim qadam.

✅ Biz bilan birga bo’ling!

📱 Telegram 📱 Instagram 📱 You Tube