Talabalar holidan xabar olindi

O‘zbekiston davlat jahon tillari universiteti Roman-german filologiyasi fakulteti yoshlar bilan ishlash bo‘yicha dekan muovini A. Mallayev talabalar turar joyiga tashrif buyurib, talabalarning yashash sharoitlari hamda kundalik faoliyati bilan yaqindan tanishdi. Tashrif davomida talabalar bilan samimiy suhbat tashkil etilib, ularning fikr va takliflari tinglandi.

Shuningdek, talabalar uchun yaratilgan sharoitlar, xonalar holati va bo‘sh vaqtni mazmunli tashkil etish masalalariga alohida e’tibor qaratildi. Talabalar tomonidan bildirilgan murojaat va takliflar yuzasidan tegishli tavsiyalar berildi.

Mazkur tashrif talabalarning muammolarini o‘rganish, ularning kayfiyati hamda ta’lim jarayonidagi faolligini qo‘llab-quvvatlashga xizmat qildi.

✅ Biz bilan birga bo’ling!

📱 Telegram 📱 Instagram 📱 You Tube

🟦🟦🟦🟦🟦🟦🟦

🇺🇿 Joriy yilning 21-may sanasida 🇺🇿 Roman-german filologiyasi fakulteti Ispan tili nazariy fanlar kafedrasi o‘qituvchisi M.Sh. Achilova tomonidan tashkil etilgan iqtidorli talabalar to‘garagining navbatdagi mashg‘uloti bo‘lib o‘tdi.

✅ Mashg‘ulot davomida talabalarga ilmiy maqola yozish metodikasi, ilmiy uslub talablari hamda maqolalarni nashrga tayyorlash jarayonlari yuzasidan batafsil tushuntirishlar berildi. Xususan, ilmiy maqolaning dolzarbligini belgilash, maqsad va vazifalarni aniqlash, adabiyotlar bilan ishlash, ilmiy manbalardan samarali foydalanish, iqtibos va havolalarni to‘g‘ri rasmiylashtirish kabi muhim jihatlarga alohida e’tibor qaratildi.

✅ Shuningdek, talabalar xalqaro va respublika miqyosidagi ilmiy jurnallarga maqola tayyorlash tartibi, ularni texnik va akademik talablar asosida shakllantirish bo‘yicha amaliy tavsiyalar bilan tanishtirildi.

✅ Mashg‘ulot qizg‘in savol-javob va muhokamalar ruhida o‘tib, talabalar o‘zlarini qiziqtirgan mavzular yuzasidan kerakli tavsiya va ko‘rsatmalarga ega bo‘ldilar.

✅ Mazkur to‘garak iqtidorli talabalarning ilmiy-tadqiqot faoliyatini rivojlantirish, ularning ilmiy salohiyatini oshirish hamda ilmiy maqola yozish ko‘nikmalarini mustahkamlashda muhim ahamiyat kasb etdi.