🟦🟦🟦🟦🟦🟦🟦

2026-yil 21-may kuni Oʻzbekiston davlat jahon tillari universitetiga mamlakatimizga tashrif buyurgan Germaniyaning BILDUNG & BERUF hamda TELC kompaniyalari delegatsiyasi aʼzosi Gabriele Hoff-Nabhani tashrif buyurdi. Tashrif avvalida mehmon Roman-german filologiyasi fakultetining nemis tili yoʻnalishi professor-oʻqituvchilari bilan uchrashuv oʻtkazdi.

Uchrashuv davomida Germaniya va Oʻzbekiston oʻrtasidagi taʼlimiy hamkorlikni rivojlantirish, nemis tilini oʻqitish sifatini oshirish, xalqaro sertifikatlashtirish tizimlarini keng joriy etish hamda zamonaviy va raqobatbardosh kadrlar tayyorlash masalalari muhokama qilindi. Tomonlar oʻzaro tajriba almashish va istiqboldagi hamkorlik yoʻnalishlari yuzasidan fikr almashdilar.

Shuningdek, Gabriele Hoff-Nabhani Nemis tili nazariy fanlar kafedrasi professor-oʻqituvchilarining dars jarayonlarini bevosita kuzatdi. Mashgʻulotlar davomida talabalarning nemis tilidagi muloqot koʻnikmalari, interaktiv darslardagi faolligi hamda zamonaviy pedagogik texnologiyalardan samarali foydalanilayotgani alohida eʼtirof etildi.

✅ Biz bilan birga bo’ling!

📱 Telegram 📱 Instagram 📱 You Tube

🟦🟦🟦🟦🟦🟦🟦

Joriy yilning 20-may kuni O‘zbekiston davlat jahon tillari universitetida Gyote instituti bilan hamkorlikda amalga oshirilayotgan DLL (Deutsch Lehren Lernen — Nemis tilini o‘qitishni o‘rgatish) xalqaro loyihasi doirasida 3-bosqich talabalari o‘rtasida ko‘rik-musobaqa bo‘lib o‘tdi.

Bellashuvda bo‘lajak pedagoglarning zamonaviy metodikalarni egallash borasidagi bilim va mahorati namoyon bo‘ldi. 22-may kuni Roman-german filologiyasi fakultetining an’anaviy Talabalar ilmiy-amaliy konferensiyasi doirasida g‘oliblar taqdirlandi. Sertifikat va esdalik sovg‘alarini O‘zDJTU Ilmiy ishlar va innovatsiyalar bo‘yicha prorektori O. Yusupov topshirdi. 1-o‘rin Ten Tatyana, 2-o‘rin Usmonova Farangiz, 3-o‘rin Axmedjanova Agilyaga nasib etdi. Yoshlarni ushbu muvaffaqiyat bilan tabriklaymiz!

✅ Biz bilan birga bo’ling!

📱 Telegram 📱 Instagram 📱 You Tube