🟦🟦🟦🟦🟦🟦🟦

🌐 Joriy yilning 13-iyun kuni Toshkent amaliy fanlar universitetida “Ijtimoiy-gumanitar fanlarning dolzarb masalalari va zamonaviy yondashuvlar” mavzusidagi xalqaro ilmiy-amaliy anjuman muvaffaqiyatli tashkil etildi.

✅ Anjumanda respublika va xorijiy oliy ta’lim muassasalari, ilmiy markazlar hamda tadqiqot institutlari olimlari, professor-o‘qituvchilari, tadqiqotchilar va yosh izlanuvchilar ishtirok etib, ijtimoiy-gumanitar fanlarning bugungi rivojlanish tendensiyalari, zamonaviy ilmiy yondashuvlar hamda dolzarb muammolar yuzasidan o‘z ma’ruzalari bilan qatnashdilar.

✅ Anjuman doirasida tilshunoslik, adabiyotshunoslik, tarix, ijtimoiy fanlar, tarjimashunoslik hamda xorijiy tillarni o‘qitish metodikasi kabi yo‘nalishlarda ilmiy fikr almashinuvi olib borildi. Mazkur ilmiy-amaliy anjuman ilm-fan va ta’lim sohasidagi hamkorlik aloqalarini yanada mustahkamlash, ilmiy tajriba almashish hamda yangi tadqiqotlar uchun samarali muloqot maydonini yaratishga xizmat qildi.

🇺🇿 Ushbu nufuzli xalqaro anjumanda O‘zbekiston davlat jahon tillari universiteti 🇺🇿 Roman-german filologiyasi fakulteti “Fransuz tili amaliy fanlar” kafedrasi katta o‘qituvchisi Rachid Baccouche “Alisher Navoiyning fransuz, nemis va arab adabiyotiga qo‘shgan hissasi” mavzusida ma’ruza bilan ishtirok etib, buyuk mutafakkir Alisher Navoiyning jahon adabiy merosidagi o‘rni hamda uning Sharq va G‘arb adabiy aloqalarini rivojlantirishdagi ahamiyati haqida atroflicha fikr yuritdi.