Volontyorlik madaniyatini shakllantirish doirasida ko`ngillilik aksiyasi o`tkazildi.

O‘zbekiston davlat jahon tillari universiteti Roman-german filologiyasi fakulteti jamoasi tomonidan Abdulla Qodiriy mahallasiga tashrif buyurildi.

Tashrif davomida mahalla faollari, nuroniylar hamda yoshlar bilan uchrashuv tashkil etilib, ko‘ngillilik faoliyatining jamiyat hayotidagi o‘rni, uning yoshlar tarbiyasidagi ahamiyati va volontyorlik harakatlarini yanada rivojlantirish istiqbollari muhokama qilindi.

Shuningdek, volontyorlik madaniyatini keng targ‘ib qilish, yoshlarni ijtimoiy loyihalar va xayriya tadbirlariga faol jalb etish, mahalla va ta’lim muassasalari o‘rtasidagi hamkorlikni mustahkamlash masalalariga alohida e’tibor qaratildi.

Bugungi kunda volontyorlik nafaqat beg‘araz yordam ko‘rsatish, balki insonparvarlik, hamjihatlik va fuqarolik mas’uliyatini shakllantiruvchi muhim qadriyat sifatida namoyon bo‘lmoqda.

✅ Biz bilan birga bo’ling!

📱 Telegram 📱 Instagram 📱 You Tube

🌐 Talabamiz ERASMUS+ KA171 dasturi doirasida Kordoba universitetida tahsil olmoqda!

🇺🇿 O‘zbekiston davlat jahon tillari universiteti Roman-german filologiyasi fakulteti Ispan tili yo‘nalishining 3-kurs talabasi Babarakhimova Jasmin Erasmus+ KA171 xalqaro akademik mobillik dasturi doirasida Ispaniyaning Kordoba universitetida tahsil olmoqda.

📚 Dastur davomida talaba ispan tilining tarixiy taraqqiyoti, uning roman tillari oilasidagi boshqa tillar bilan o‘zaro aloqalari hamda tilshunoslikning zamonaviy yo‘nalishlarini chuqur o‘rganmoqda. O‘quv mashg‘ulotlari doirasida o‘rta asr qo‘lyozmalari, rasmiy hujjatlar va turli filologik manbalar tahlil qilinib, ilmiy tadqiqot olib borish metodologiyasi bo‘yicha amaliy ko‘nikmalar mustahkamlanmoqda.

📖 Professor Rafael Fernández Mata rahbarligida yapon va ispan tillari o‘rtasidagi til aloqalari, xorijiy o‘zlashmalarning integratsiyasi hamda ilmiy ma’lumotlarni izlash va qayta ishlash usullari o‘rganilmoqda. Shuningdek, xalqaro akademik standartlar asosida ilmiy maqolalar va bitiruv malakaviy ishlarini tayyorlashda qo‘llaniladigan APA uslubi bo‘yicha bilimlar takomillashtirilmoqda.

🎓 Ta’lim jarayonida ispan tilining adabiy me’yordan chetga chiqish holatlari, zamonaviy pedagogik yondashuvlar hamda o‘quv materiallarini yaratish metodikasi ham o‘rganilmoqda. Shu bilan birga, video-kontent yaratish bo‘yicha amaliy kurslarda ishtirok etib, zamonaviy ta’lim texnologiyalaridan foydalanish ko‘nikmalari rivojlantirilmoqda.

📝 Talaba inklyuziv tilning rasmiy hujjatlar, tarjimalar va xizmat yozishmalarida qo‘llanish xususiyatlari bilan tanishmoqda. Siyosiy va jurnalistik matnlarni tahlil qilish, tarjima qilish va tahrirlash jarayonlarida aniqlik hamda pragmatik yondashuv masalalariga alohida e’tibor qaratilmoqda. Ushbu yo‘nalishdagi bilimlar Sevilla universiteti professori Katalina Fuentes tomonidan olib borilayotgan maxsus kurslar orqali yanada boyitilmoqda.

🎭 Akademik faoliyat bilan bir qatorda, Jasmin Andalusiyaning boy madaniy merosi bilan yaqindan tanishish imkoniyatiga ham ega bo‘lmoqda. Jumladan, “Feria de Córdoba”, “Los Patios” festivali hamda “Semana Santa” kabi mashhur madaniy tadbirlar va an’anaviy bayramlarda ishtirok etib, mintaqaning tarixi va madaniyatini bevosita o‘rganmoqda.

✨ Talabamizning xalqaro akademik muhitdagi faoliyati va erishayotgan yutuqlari universitetimizning xalqaro hamkorlik aloqalari samaradorligini yana bir bor namoyon etmoqda. Jasminga o‘qishlarida ulkan muvaffaqiyatlar tilaymiz va Erasmus+ dasturi doirasida orttirayotgan bilim hamda tajribalari uning kelajakdagi ilmiy faoliyatida muhim o‘rin tutishiga ishonamiz.